KUTANGISA MAKANI
FUNDO 4
Kudzidodosa
Cokwadi Cisikacinji: “Dzidodosei, meciona amweni hinga akuru kamuri.”—Afi. 2:3.
Zvakaizwa na Pauro
1. Onai VHIDHIYO, kana kuti erengai Zviito 26:2, 3. Pedzepo, dairai mibvunzo inoteera:
-
Pauro wakapangidza kudini kudzidodosa paakareketa na Mambo Agripa?
-
Kodi Pauro wakaitei kuti anhu akande ndangariro dzawo kuna Djehovha uye mu Matarhwa, pane kuti akande ndangariro dzawo kuna iyena kamare?—Onai Zviito 26:22.
Tinofundei no Muezaniso wa Pauro?
2. Masoko edu anonyasa kubaya mwoyo kana tikareketa tecidzidodosa uye no rureremedzo.
Teedzerai Pauro
3. Reketai no rureremedzo. Musapangidze kuti munoziya zvese uye kuti munhu umweni apana caanoziya. Reketai naye no rureremedzo.
4. Pangidzai pamhene kuti zvamuri kufundisa zvinobva mu Bhaibheri. Bhaibheri rino masoko akafemerhwa na Mwari, rinokwanisa kucinja marangariro uye no mazwiro e anhu. Patinoseenzesa Bhaibheri, tinobetsera anhu kuti agare no marangariro akanaka uye kutenda kawo kukure.
5. Rumbwai makaterama. Musabambidzire kuti anhu atendere zvamuri kureketa. Atidi kureketedzana, dzidodosei, rumbwai makaterama uye ziyai nguwa yekubuda pa nyumba pa samuzi. (Zvie. 17:14; Tito 3:2) Kana imwimwi mukareketa no upfawi, pamweni mucasiya mukana wakafununguka kuti muzogare no makani akanaka pa nguwa imweni.
