KUTANGISA MAKANI
FUNDO 5
Reketai no Rureremedzo
Cokwadi Cisikacinji: “Masoko enyu ngaadakadze nguwa dzese.”—Ako. 4:6.
Zvakaizwa na Pauro
1. Onai VHIDHIYO, kana kuti erengai Zviito 17:22, 23. Pedzepo, dairai mibvunzo inoteera:
-
Pauro wakazwa kudini paakaona kunamata kekunyepa kaiizwa ku Atena?—Onai Zviito 17:16.
-
Pane kutonga anhu e ku Atena, Pauro wakapangidza kudini rureremedzo uye kuseenzesa zvaaitenda kuti arekete ngezve masoko akanaka?
Tinofundei no Muezaniso wa Pauro?
2. Anhu acazwa akasudzunuka kutipurutana kana tikanyasa kusanangura zvaticareketa, mushobo waticareketa uye nguwa yaticareketa.
Teedzerai Pauro
3. Sanangurai zvakanaka masoko amucareketa. Ngo muezaniso, pamunonga mecicedza no munhu usiripi we gereja re Cikristu, pamweni imwimwi munodikana kugadzirisa mushobo we kureketa ngezve Bhaibheri kana kuti ngezva Djesu.
4. Musatange mamubvunza kuti zvaadaira andizvopi. Siyai kuti munhu apase maonero ake akasudzunuka. Kana iyena akabhuya zviro zvisikaenderani no Bhaibheri, musareketedzane naye. (Tig. 1:19) Kana imwimwi mukanyasa kumupurutana, mucakwanisa kuzwisisa zvakanaka maonero ake.—Zvie. 20:5.
5. Pese pazvinobvira, tenderanai no maonero ake uye musimbei. Pamweni iyena unonyasa kutenda kuti zvaanofundiswa ku gereja kake ngezve zvirokwazvo. Cekutanga, edzai kubhuya ngezve zviro zvamunotenderana nazvo. Pedzepo padoko no padoko betserai munhuwo kuzwisisa zvinofundiswa no Bhaibheri.
ONAIWO
Zvie. 25:15; 2 Ti. 2:23-26; 1 Ped. 3:15
