Mwari anoda kuti anhu adakadzwe ne upenyu pa Nyika. Iyena wakasika Nyika ne zvese zvirimo ngokuti ane rudo ne anhu. Nokukasika, iyena acaita zviri zvese kuti aunzise ramangwana rakanaka ku anhu pa nyika. Iyena acapedza zviro zvese zvinobara matambudziko.—Erengai Djeremiya 29:11.

Apana utongi wakambokwanisa kupedza ubhinya, matenda no rufu. Asi pane masoko anopfadza. Nokukasika, Mwari acabvisa utongi wese we anhu kuti usare Utongi wake basi. Ese acatongwa no Utongi uu acagara mu runyararo no uthongo wakanaka.—Erengai Isaya 25:8; 33:24; Dhanyeri 2:44.

Mwari acazopedza kushuphika pa Nyika kana akatsakatisa anhu akashata. (Zefania 2:3) Izvi zvicaitika rini? Soko ra Mwari rakareketa zvakaringana no magariro arikushupha anhu nyamasi uno. Zviitiko zvo mazuwa ano zvirikupangidza kuti nguwa ya Mwari yokupedza matambudziko yaa paduze.—Erengai 2 Timoti 3:1-5.

Tinodikana kufunda nge zva Mwari mu soko rake, Bhaibheri. Irona rakaita hingana tsamba ya Baba ane rudo naisusu. Irona rinobhuya zvatinodikana kuita kuti tigare no upenyu wakanaka mu mazuwa ano uye rinobhuyazve zvatinodikana kuita kuti tigare no upenyu usikaperi mu nguwa ye mberi. Zve zvirokwazvo pacaoneka amweni asikadi kuti iwewe ubetserwe kuti uziye Bhaibheri. Asi mukana wo kuona ramangwana rakanaka atidikani kuuruza ngokuti wakanaka maningi.—Erengai Zvierengo 29:25; Zvakapangidzwa 14:6, 7.