Nyaya dze Bhaibheri dzinokosha:

• Mp 12:1-8—Mu masoko ake, Mambo Soromoni wakatara ngezve zvitsinzwa zvingakwanisa kuoneka paya patinonga tecicembera, kutama kuona zvakanaka (“asikana anoringira no pa janera anoona cidima”) Uye kutama kuzwa zvakanaka (“asikana ese anozoemba asina simba”)

Nyaya dze Bhaibheri dzinokosha:

• 1Sa 12:2, 23—Muphorofita Samueri wainga acembera, waiziya kuti zvaikosha kudini kurumbwa eciita munamato kuna Djehovha kuitira anhu Ake

• 2Sa 19:31-39—Mambo Dhavhidhi wakatenda maningi rubetso rakagondeka ra Bhazirai uyo wainga acembera, asi mambo paakamukumbira kuti aite zviya zvaainga asikakwanisi, Bhazirai wakagara no maonero ari pakati no pakati uye wakaziya paaigumira

• Pis 71:9, 18—Mambo Dhavhidhi wakathya maningi kuti waizokwanisa kugara munhu asikabetseri pamberi pa Djehovha nge ndaa ye thunga rake, ndiyo ndaa, iyena wakaita munamato ecikumbira simba kuti afundise abarirhwana aizoteera ngezva Djehovha

• Ruk 2:36-38—Muphorofitakadzi Ana kana kuti mufirhwakadzi wainga acembera, wakakomborerhwa nge kudzipira uye basa rake rakatendeka

Nyaya dze Bhaibheri dzinokosha:

• Ge 12:1-4—Abrahamu paainga ano makore 75, iyena wakapaswa basa rakacinja upenyu wake

•  Dha 10:11, 19; 12:13—Ngirozi yakavhakacira muphorofita Dhanyeri paainga ano makore anodarika 90 uye yakamugondesa kuti iyena waikosha maningi mumadziso a Djehovha uyewo kuti waizokomborerhwa nge ndaa ye kutendeka kake

• Ruk 1:5-13—Djehovha akaita cishamiso uye akakomborera kazado yainga yacembera Zakariya na Erizabheti nge kuita kuti abare mwana unozwi Juau

• Ruk 2:25-35—Djehovha akapasa Simau uyo wainga acembera makomborero e kuona mwana waizogara Mesiya, Simau wakafemerhwa na Mwari kuti atare ngezvake

• Zvt 7:23, 30-36—Muphorofita Mozesi wainga ano makore 80 Djehovha paakamugadza kuti atungamirire anhu Ake Aisraeri

Nyaya dze Bhaibheri dzinokosha:

• Ge 45:9-11; 47:12—Zuzee wakaita kuti baba ake ainga acembera aende kootorhwa uye auye koogara naye uye wakacengeta baba ake Djakobo dakara pakufa

• Rt 1:14-17; 2:2, 17, 18, 23—Rute wakabetsera mwanakadzi wainga acembera Noemi, no masoko uye no zviito

• Ju 19:26, 27—Paainga ecifa pa mutanda wekutambudzikira, Djesu akasiya kuti mai ake acengethwe no muphostori wake waaida maningi Juau