FUNDO 05
Bhaibheri I Soko ra Mwari Katiri
Djehovha akatipasa Bhaibheri—irona cipo cakanakisisa uye mubatanidzwa we mabhuku 66. Asi mungadzibvunzisa kuti: ‘Bhaibheri rakabvepi? Muridzi waro ndiyani?’ Kuti tidaire mibvunzo idzi, ngatione kuti zvakahamba kudini kuti Bhaibheri rigume katiri.
1. Ngei zvecizwi Bhaibheri rakabva kuna Mwari, kunyazi irona rakatarhwa nge anhu?
Bhaibheri rakatarhwa nge anhu anokwana 40 mu makore 1 600, kutanga mu gore ra 1513 K.A.A. dakara mu gore ra 98 K.A. Uye atari aya aibva ku mbuto dzakasiyana-siyana. Kunyazi rakatarhwa nge anhu akasiyana-siyana, masoko aro anopindirana. Izvi zvinobvira kudini? Nge kuti Mwari ndiye Muridzi we Bhaibheri. (Erengai 1 Atesaronika 2:13.) Atari aazi kutara nzero dzawo. Asi, awona “akareketa zvecibva kuna Mwari, ecitungamirirhwa no mwiya mucena.” a (2 Pedru 1:21) Mwari akaseenzesa mwiya mucena wake kuti afemere anhu kuti atare nzero dzake.—2 Timoti 3:16.
2. Anhu angana ano Bhaibheri?
“Mu nyika yese, ku madzinza ese, ku mireketero yese uye no anhu” tingabetsereka no masoko akanaka atinogumira mu Bhaibheri. (Erengai Zvakapangidzwa 14:6.) Mwari akagondesa kuti Bhaibheri raizoonekwa mu mireketero yakawanda kudarika mabhuku ese. Anhu akawanda ano Bhaibheri. Izvi zvirokwazvo, azvinei nokaanogara kana mireketero yawo.
3. Djehovha akadziirira kudini Bhaibheri?
Bhaibheri rakatanga kutarhwa pa zviro zvisikazi kubamba, zvakaita hingana pamatehwe uye pa nhokwe. Asi anarume aida Bhaibheri aikopiari uye ecitara zvakanaka nge nyara dzawo. Madzimambo amweni uye atungamiriri e magereja akaedza kutsakatisa Bhaibheri, asi anhu amweni ainga akagadzirira kukanda upenyu wawo pa ngozi kuti aridziirire. Djehovha aazi kusiya kuti ciro cipi haco kana munhu upi hake amupingaidze kureketa na isusu. Bhaibheri rinoti: “Soko ra Mwari wedu rinogara nokusikaperi.”—Isaya 40:8.
FUNDAI ZVAKAWANDA
Fundai kuti Mwari akafemera kudini anhu kuti atare Bhaibheri, akaitei kuti aricengetedze, uye kuti rioneke ne anhu akawanda.
4. Bhaibheri rinopangidza pamhene muridzi waro
Ridzai VHIDHIYO. Pedzepo erengai 2 Timoti 3:16, uye cedzai nge zve mibvunzo dzinoteera.
-
Kana ari anhu akatara Bhaibheri, hino ngei irona recizwi i Soko ra Mwari?
-
Munorangarira kuti zvine musoro here kuti Mwari aite kuti anhu atare marangariro ake?
Mutari ungakwanisa kutara tsamba, asi masoko akhona ecibuda ku munhu unonga ecimubvunza zvekutara. Ngo mushobo umwewo, anhu ndiwona akatara Bhaibheri, asi masoko akhona aibva kuna Mwari
5. Bhaibheri rakacengetedzwa kuti risatsakatike
Kana Mwari ari muridzi we Bhaibheri, tino rugondo rekuti aizoricengetedza. Mu nguwa yakadarika, anhu ano masimba akaedza kuparadza Bhaibheri. Atungamiriri e magereja akaita zviri zvese kuti risaoneke. Asi kunyazi nokuphikiswa uku uye kutyisidzirhwa kuuraiwa, anhu akawanda akakanda upenyu wawo pa ngozi kuti adziirire Bhaibheri. Ngatifundei zvakaitika na umwe wawo, ridzai VHIDHIYO, pedzepo cedzai nge zve mibvunzo dzinoteera.
-
Meciziya kuti pano zvakawanda zvakaizwa kuti Bhaibheri ricengetedzwe, zvinomupasai cido ce kurierenga here? Ngei?
Erengai Pisarema 119:97, pedzepo cedzai nge zve mubvunzo unoteera:
-
Cinyi cakaitisa kuti anhu akawanda akande upenyu wawo pa ngozi kuti aturikire uye kuti akowanise Bhaibheri?
6. Bhuku re anhu ajinji
Bhaibheri ndiro bhuku rakaturikirhwa uye no kukowaniswa mu ngano dze anhu. Erengai Zviito 10:34, 35, pedzepo cedzai nge zve mibvunzo dzinoteera:
-
Ngei Mwari ecida kuti Soko rake riturikirhwe mu mireketero yakawanda uye rioneke ne anhu akawanda?
-
Zvinyi zvamunopfarira zvamafunda mu Bhaibheri?
Tingati
100%
ye anhu ari pa nyika pano
ano kwanisa kuerenga Bhaibheri mu mireketero yawo yaanozwisisa
Rinooneka mu mireketero inodarika
3 000
Bhaibheri rese kana madii aro
5 000 000 000
Numero i ndiyona inorangarirhwa ye
makopia e Bhaibheri akaduswa,
kudarika mabhuku api hawo
ANHU AMWENI ANOTI: “Bhaibheri i bhukuwo haro rekare rakatarhwa ne anhu.”
-
Munorangarirawo kudini?
-
Cinyi cinopangidza kuti Bhaibheri i Soko ra Mwari?
MUCIGWAGWA
Bhaibheri i Soko ra Mwari, uye iyena anoda kuti rioneke no anhu ese.
Mibvunzo yekuhwirinzira
-
Zvinoreyei patinobhuya kuti Mwari akafemera anhu kuti atare Bhaibheri?
-
Ngazvipi zvinomushamisa zvakaringana no kusama kutsakatiswa, kukowaniswa uye kuturikirhwa ke Bhaibheri?
-
Munozwa kudini nge kuziya kuti Mwari akaita zviri zvese kuti arekete na imwimwi?
ZIYAI ZVAKAWANDA
Erengai ngano dze mu Bhaibheri—meciseenzesa zvitarhwa zve nguwa ye kare uye no zvitarhwa zve mazuwa ano.
“Bhaibheri Rakaguma Kudini Katiri” (Mukai! wa Novembro wa 2007)
Fundirai kuti Bhaibheri rakapona kudini paraida kutsakatiswa kuti risaoneke katatu kese.
“Bhaibheri Rakaguma Kudini Katiri-Ngano Dzamunodikana Kuziya” (Murindiri N.° 4 2016,)
Onai ngozi dzakarekethwa nge anhu aiturikira Bhaibheri.
Bhaibheri rakakopiarhwi uye rakaturikirhwa kakawanda. Mungagara kudini no cokwadi cekuti masoko aro akacengetedzwa ngo mwazvo?