FUNDO 06
Upenyu Wakatanga Kudini?
“Kamuri [Mwari] ndiko kuno manyuko e upenyu.” (Pisarema 36:9) Munozvitendera here? Anhu akawanda anorangarira kuti upenyu auzi kusikwa. Kana zviri izvona, isusu tiripo hedu basi. Asi kana Djehovha Mwari akasika upenyu, waizogara no cinangwa, andizvopi? a Ngatione zvinorekethwa ne Bhaibheri nge zve kutanga kakaita upenyu uye kuti ngei ngano iyona ino musoro.
1. Nyika yakatanga kudini?
Bhaibheri rinoti: “Pakutanga Mwari akasika denga ne nyika.” (Genesi 1:1) Masientista akawanda anotendera kuti denga ne nyika zvakasikwa. Mwari akazvisika kudini? Iyena akaseenzesa “simba”—mwiya mucena wake—kuti asike zviro zvese zviri kudenga, kutobatanidzawo nyeredzi uye mapraneta.—Genesi 1:2.
2. Ngei Mwari akasika nyika?
Djehovha “aazi kusika [nyika] pasina cinangwa, asi akaisika kuti igarhwe.” (Isaya 45:18) Iyena akaita nyika kuti igare mbuto yakanaka kuti igarhwe uye igare no zviro zvese zvaizoita kuti anhu araramiremo nokusikaperi. (Erengai Isaya 40:28; 42:5.) Siensiya inopangidza kuti nyika yakanaka maningi uye yakasiyana no ma praneta amweni. Iyona ndiyona praneta imwe yega inokwanisa kuraramisa upenyu we anhu.
3. Anhu akasiyana papi no zvinyama?
Mu masure me kusika nyika, Djehovha akasika upenyu mairi. Kutanga, iyena akadzadza nyika no miti uye zvinyama. Pedzepo, “Mwari akatanga kusika munhu ne mufanikiso wake.” (Erengai Genesi 1:27.) Cinyi cinoitisa kuti anhu asiyane no zvisikwa zvimweni? Ngekuti takasikwa ne mufanikiso wa Mwari, tinokwanisa kupangidza unhu wake, wakaita hingana rudo uye unatsi. Iyena akatisika tecikwanisa kufundira mireketero imweni, tecikwanisa kushamiswa nge zviro zvakarungama, uye tecikwanisa kupfadzwa nge ngoma. Uye kusiyana no zvinyama tinokwanisa kunamata Musiki wedu.
FUNDAI ZVAKAWANDA
Fundai zvinopangidza kuti upenyu wakaita zvekusikwa uye kuti ngano ye mu Bhaibheri ngeye zvirokwazvo. Fundai kuti unhu we anhu unotifundisei nge zva Mwari.
4. Mwari ndiye akasika zviro zvese zvipenyu
Anhu anotambira rukudzo nge kuteedzera zviro zvakasikwa. Hino ndiyani anodikana kutambira rukudzo pa zviro zviya zvakasikwa? Ridzai VHIDHIYO, pedzepo cedzai nge zve mubvunzo unoteera.
-
Anhu anogadzira zviro akateedzera kudini zviro zvakasikwa?
Nyumba imwe na imwe yakawakwa nge munhu. Asi ndiyani akasika zviro zviri mu nyika? Erengai Ahebheru 3:4, pedzepo cedzai nge zve mibvunzo dzinoteera:
-
Zvisikwa zvipi zvisikazi kugadzirhwa ne anhu zvinomushamisa pamunozviringisa?
-
Zvinomusoro kutenda kuti zviro zvese zviri kudenga ne pa nyika zvakaizwa zvokusikwa here? Ngei?
Maizviziya here?
Mungakwanisa kugumira mafundo uye mavhidhiyo anoenderana na izvi pa jw.org pa misoro inoti “Zvakandoitika Zvenga Here?” uye “Maonero e Anhu Amweni Ngezve Kakabva Upenyu.”
“Zvezvirokwazvo, nyumba imwe na imwe yakawakwa ne munhu, asi akasika zviro zvese ndi Mwari”
5. Ngano inoreketa nge zve kusikwa ke zviro iri mu Bhaibheri ino musoro
Pana Genesi kapituro 1, Bhaibheri rinopanganidza nge zve kuti nyika uye upenyu uri munyikemo wakatanga kudini. Imwimwi mungazvitendera here kana kuti indoriwo ngano basi yekunyepa? Ridzai VHIDHIYO, pedzepo cedzai nge zve mibvunzo dzinoteera.
-
Bhaibheri rinofundisa kuti nyika uye upenyu uri munyikemo wakasikwa mu nguwa 24 e zuwa here?
-
Imwimwi munorangarira kuti ngano iri mu Bhaibheri ye kusikwa ine musoro here? Ngei?
Erengai Genesi 1:1, pedzepo cedzai nge zve mubvunzo unoteera:
-
Masientista anoreketa kuti nyika pane peyakatangira. Migumisiro yawo inoezana here ne zvamapera kuerenga mu Bhaibheri?
Anhu amweni anorangarira kuti Mwari akasika zviro eciseenzesa kuphinduka-phinduka. Erengai Genesi 1:21, 25, 27, pedzepo cedzai nge zve mibvunzo dzinoteera:
-
Bhaibheri rinofundisa kuti Mwari akasika upenyu usina zvakawanda uye pedzepo akausiya kuti uphinduke-phinduke kuti ugare howe, zvinyama uye no anhu here? Kana kuti iyena akasika “mishobo” yese ye zviro zvino upenyu? b
6. Mwari akasika anhu basi here
Isusu takasiyana no zvinyama zvakasikwa na Djehovha. Erengai Genesi 1:26, pedzepo cedzai nge zve mubvunzo unoteera:
-
Nge ndaa yekuti takasikwa no mufanikiso wa Mwari, kukwanisa kedu kupangidza rudo uye usisi zvinopangidzei nge zve unhu wa Djehovha?
ANHU AMWENI ANOTI: “Ngano inoreketa nge zve kusikwa ke zviro iri mu Bhaibheri ngeyekunyepa.”
-
Imwimwi munorangarirawo kudini, uye ngei?
MUCIGWAGWA
Djehovha ndiye akasika zviro zvese, nyika ino ne zvese zviri mudenga.
Mibvunzo yekuhwirinzira
-
Bhaibheri rinofundisa kuti zviro zvese zvakaonekepo kudini?
-
Mwari akasika upenyu usina zvakawanda uye pedzepo akausiya kuti uphinduke-phinduke kuti uite mishobo yese ye upenyu here, kana kuti akaita zve kuusika?
-
Anhu akasiyana papi ne zvinyama?
ZIYAI ZVAKAWANDA
Onai muezaniso ye zvakasikwa zvinopangidza kuti kune Musiki.
“Zviro Zvakasikwa Zvinotifundisei?” (Mukai! ya Setembro 2006,)
Onai kuti baba angapanganidzira kudini mwana wawo mudoko nyaya ye mu Bhaibheri yakaringana nekusika.
Onai kuti kuphinduka-phinduka kunopindirana here ne Bhaibheri.
Ongororai kuti Matarhwa e kare uye siensiya anopangidza kuti upenyu wakasikwa here kana kuti wakaita zvekuphinduka-phinduka.
Manyuko e Upenyu-Mibvunzo Mishanu Inoda Mhinduro (bhurushura, mu ciPutukezi)
