FUNDO 08
Zvinoita Kugara Shamwari ya Djehovha
Djehovha anoda kuti munyase kumuziya. Ngei? Iyena anoimira kuti pamunonyasa kuziya nge zve unhu wake, makwanza ake uye cinangwa cake, munonga mecitunhudzirawo cido cenyu cekuda kugara shamwari yake. Zvingaitadi kamare kugara shamwari ya Mwari here? (Erengai Pisarema 25:14.) Mungaitei kuti mugare shamwari yake? Bhaibheri rinodaira mibvunzo idzi uye rinopangidza kuti ngei ushamwari na Djehovha uri ukama unokosha wamungaita.
1. Djehovha ari kumukumbira kuti muitei?
“Khwederai dhuze na Mwari, uye iyena acakhwedera kamuri.” (Tiyago 4:8) Izvi zviri kuda kureyei? Djehovha ari kumupika kuti mugare shamwari yake. Amweni angarangarira kuti azvingaiti kugara shamwari ya Mwari ngekuti aakwanisi kumuona. Honde, mu Soko rake Bhaibheri, Djehovha anotipangidza zviro zvese zvatinodikana kuziya nge zve unhu wake kuti tigare shamwari yake. Kana tikaerenga masoko a Mwari ari mu Bhaibheri, ukama wedu na Djehovha unobamba, kunyazi tisati takambomuona.
2. Ngei Djehovha i shamwari yakanaka?
Akuna munhu upi hake ano rudo rikuru kudarika Djehovha. Iyena anoda kuti mupfare uye anoda kuti mumukumbire zvamunoda. Mungakakwanisa “kukhandira zvese zvinokurhyai mwoyo kaari, ngokuti iyena anomucengetai.” (1 Pedru 5:7) Djehovha akagadzirira kubetsera, kunyaradza uye kupurutana shamwari dzake.—Erengai Pisarema 94:18, 19.
3. Djehovha anoda shamwari dzakaita kudini?
Djehovha anoda anhu ese, “asi Iyena anoshamwaridzana ne anatsi.” (Zvierengo 3:32) Djehovha anoda kuti shamwari dzake dziite zviro zvakanaka uye kuti dzizonde zviro zvaanozonda. Anhu amweni angarangarira kuti aangambokwanisi kurarama maererano ne mitemo ya Djehovha. Asi Djehovha anozvizwisisa. Iyena anotambira munhu wese anomuda uye unoedza kuita zviri zvese kuti amupfadze.—Pisarema 147:11; Zviito 10:34, 35.
FUNDAI ZVAKAWANDA
Fundai zvakawanda nge zve kuti mungagara kudini shamwari ya Djehovha uye onai kuti iyena angagara kudini shamwari yakanakisisa yamungagara nayo.
4. Abrahamu wainga shamwari ya Djehovha
Ngano ye Bhaibheri inoreketa nge zva Abrahamu (unozwiwo Abramu) inotibetsera kuzwisisa kuti zvinoreyei kugara shamwari ya Mwari. Erengai nge zva Abrahamu mu bhuku ra Genesi 12:1-4. Pedzepo cedzai nge zve mibvunzo dzinoteera:
-
Djehovha akabvunza Abrahamu kuti aitei?
-
Djehovha akamugondesei?
-
Abrahamu wakaita kudini paakabvunzwa zvaaidikana kuita na Djehovha?
5. Djehovha anoda kuti shamwari dzake dziitei?
Pano zviro zvatinoimira ku shamwari dzedu.
-
Zviro zvipi zvamunoda kuti shamwari dzenyu dzimuitire?
Erengai 1 Juau 5:3, pedzepo cedzai nge zve mubvunzo unoteera:
-
Djehovha anodei ku shamwari dzake?
Kuti tizwire Djehovha, tinodikana kucinja unhu wedu ne muhambiro wedu. Erengai Isaya 48:17, 18, pedzepo cedzai nge zve mubvunzo unoteera:
-
Ngei Djehovha ecikumbira shamwari dzake kuti dzicinje mararamiro adzo?
Shamwari yakanaka inotiedzurira zviro zvinokwanisa kutidziirira nokutibetsera. Djehovha anoita zvimwezvo ne shamwari dzake
6. Djehovha anoitei ku shamwari dzake
Djehovha anobetsa shamwari dzake padzinosongana ne matambudziko. Ridzai VHIDHIYO, pedzepo cedzai nge zve mubvunzo unoteera.
-
Djehovha akabetsera kudini mwanakadzi we mu vhidhiyo kuti akwanisane ne marangariro uye mazwire ake akashata?
Erengai Isaya 41:10, 13, uye cedzai nge zve mibvunzo dzinoteera:
-
Djehovha anogondesa kuti acazoitirei shamwari dzake dzese?
-
Munorangarira kuti Djehovha angagara Shamwari yakanaka here? Ngei?
Shamwari ye padhuze inopa rubetso pamunonga mecida. Djehovha acamubetserawo
7. Kana tecida kugara shamwari ya Djehovha tinodikana kucedza naye uye kumupurutana
Kucedzesana kunobambisa ushamwari. Erengai Pisarema 86:6, 11, uye cedzai nge zve mibvunzo dzinoteera:
-
Tingareketa kudini na Djehovha?
-
Djehovha anoreketa kudini na isusu?
Isusu tinoreketa na Djehovha teciseenzesa munamato, iyena anoreketa na isusu eciseenzesa Bhaibheri
ANHU AMWENI ANOTI: “Azviiti kugara shamwari ya Mwari.”
-
Maizoseenzesa tsamba ipi kuti mupangidze kuti zvinoita kugara shamwari ya Djehovha?
MUCIGWAGWA
Djehovha anoda Shamwari dzake uye iyena anoda kuti dzikhwedere dhuze naye.
Mibvunzo yekuhwirinzira
-
Djehovha anobetsera kudini shamwari dzake?
-
Ngei Djehovha ecida kuti munhu acinje mararamiro ake kana ecida kugara shamwari yake?
-
Munorangarira kuti zvinoshupha kugara shamwari ya Djehovha here? Ngei?
ZIYAI ZVAKAWANDA
Ushamwari wenyu na Mwari wakacinja kudini upenyu wenyu?
“Djehovha—Mwari Akasisira Kuti Timuziye” (Murindiri wa 15 ya Fevrero wa 2003)
Fundai kuti mungagara kudini shamwari ya Mwari.
“Ndingagara Kudini Shamwari ya Mwari?” (Mibvunzo Inoizwa no Madjaha—Mhinduro Dzinoshanda, Bhuku 2, Chitsauko 35, mu ciShona)
Onai kuti ngei mwanakadzi umweni ecizwa kuti ushamwari wake na Djehovha wakamuponesa.
Purutanai kuti madjaha anoreketa kudini mazwire awo akaringana nge zva Djehovha.
