FUNDO 14
Tingaita Kudini Kuti Kunamata Kedu Kupfadze Mwari?
Hingana zvakarekethwa mu fundo yakadarika, amagerejapi ese anopfadza Mwari. Kunyazi zvakadaro, tingakwanisa kunamata Musiki wedu nge mushobo unomupfadza. Mushobo upi we “kunamata [kana kuti i gereja ripi]” rinomupfadza? (Tiyago 1:27, masoko opasi) Onai zvinofundiswa nge Bhaibheri.
1. Kunamata kedu kunodikana kubva papi?
Kunamata kedu kunodikana kubva mu Bhaibheri. Djesu akati kuna Mwari: “Soko renyu i cokwadi.” (Juau 17:17) Magereja amweni aana basa no cokwadi cinooneka mu Soko ra Mwari rakafemerhwa, Bhaibheri. Awona anocinjanisa Cokwadi ici no tsika uye fundiso dze anhu. Asi Djehovha aadakadzwi no aya ‘anosiya mitemo ya Mwari.’ (Erengai Marko 7:9.) Ngo dii rimweni, tinopfadza mwoyo wake patinoteerera Bhaibheri uye patinopurutana mazano ake.
2. Tinganamata kudini Djehovha?
Hingana Musiki wedu, Djehovha akasisira kudzipira kedu kakadzara. (Zvakapangidzwa 4:11) Izvi zvinoreya kuti tinodikana kumuda uye kunamata iyena basi, tisikaseenzesi zvidhori, kana kuti zvipangidzo.—Erengai Isaya 42:8.
Kunamata kedu kunodikana kugara “kakacena uye kunotenderhwa” na Djehovha. (Aroma 12:1) Izvi zvinoreya kuti tinodikana kurarama maererano no mitemo yake ye unatsi. Ngo muezaniso, aya anoda Djehovha, anozwira mitemo yake yakaringana no mucato. Uye aaseenzesi miitiro inokuwadza hingana, forhya, mitombo inoraradzisa uye doro. a
3. Ngei tecidikana kunamata Djehovha takaungana no amweni?
Misangano yedu ye sumana imwe na imwe inotipasa mukana we “kukudza Djehovha . . . mu ungano.” (Pisarema 111:1, 2) Mushobo umwe wekuita izvi ngewekumuembera. (Erengai Pisarema 104:33.) Djehovha anotikumbira kuti tipinde misangano ngekuti anotida uye anoziya kuti icatibetsera kuti tidakadzwe no upenyu nokusikaperi. Patinoungana kuti tibambisane, tinobetsereka.
FUNDAI ZVAKAWANDA
Onai kuti ngei Djehovha asikadi kuti timunamate teciseenzesa mifanikiso. Fundai mishobo inokosha yatingakudza nayo Mwari.
4. Atidikani kuseenzesa mifanikiso pakunamata Mwari
Tinozviziya kudini kuti kuseenzesa mifanikiso akupfadzi Mwari? Ridzai VHIDHIYO, pedzepo cedzai nge zve mubvunzo unoteera.
-
Cinyi cakaitika mu nguwa ye Bhaibheri anhu a Mwari paakaedza kumunamata eciseenzesa cidhori?
Anhu amweni anoseenzesa mifanikiso pakunamata Mwari kuti azwe ari dhuze naye. Asi kuita izvona zvinokwanisa kuaita kuti agare dhuze na Djehovha here? Erengai Ekisodho 20:4-6 uye Pisarema 106:35, 36, pedzepo cedzai nge zve mibvunzo dzinoteera:
-
Zviro zvipi kana kuti mifanikiso ipi yamakaona yeciseenzeswa nge anhu pakunamata Mwari?
-
Djehovha anozwa kudini anhu paanoseenzesa mifanikiso kuti amunamate?
-
Munoonawo kudini nge zve kuseenzeswa mifanikiso pakunamata Mwari?
5. Kunamata Djehovha basi kunotisudzunura pa manyepo
Onai kuti kunamata Djehovha nge mushobo waanotendera kunokwanisa kudini kutisudzunura pa manyepo. Ridzai VHIDHIYO.
Erengai Pisarema 91:14, pedzepo cedzai nge zve mubvunzo unoteera:
-
Djehovha ari kugondesa kutiitirei kana tikapangidza kuti tinomuda nge kunamata iyena basi?
6. Tinonamata Mwari pa misangano ye ungano
Isusu tinokudza Djehovha uye tinobambisana patinodaira uye patinoemba pamisangano ye ungano. Erengai Pisarema 22:22, pedzepo cedzai nge zve mibvunzo dzinoteera:
-
Munopfarira kuzwa mhinduro dzinodairhwa pamisangano here?
-
Mungada kugadzirira kuti mupasewo mhinduro here?
7. Djehovha anopfara patinoreketa no amweni zvatinofunda
Kune mishobo yakawanda yekureketa nge zve cokwadi ce Bhaibheri no anhu amweni. Erengai Pisarema 9:1 uye 34:1, pedzepo cedzai nge zve mubvunzo unoteera:
-
Zvinyi zvamakafunda mu Bhaibheri zvamaizoda kubvunza anhu amweni?
ANHU AMWENI ANOTI: “Akuna munhu angakwanisa kupfadza Mwari.”
-
Imwimwi munorangarirawo kudini?
MUCIGWAGWA
Tinopfadza Musiki wedu patinonamata iyena basi, patinomukudza ku misangano ye ungano uye patinoreketa no amweni zvatinofunda.
Mibvunzo yekuhwirinzira
-
Tingafundira kudini kunamata Mwari nge mushobo waanotendera?
-
Ngei tecidikana kunamata Djehovha basi?
-
Ngei tecidikana kunamata Mwari tiri pamwepo no anhu ano cido cekumupfadza?
ZIYAI ZVAKAWANDA
Erengai ngano inozwi, “Andiripizve Muranda we Zvidhori,” onai kuti mwanakadzi umweni wakadzisudzunura kudini pa kunamata zvidhori.
“Bhaibheri Rinocinja Upenyu” (Murindiri wa 1 ya Julho ya 2011)
Fundai zvingamubetsera kuti mudaire pa misangano ye ungano.
Onai kuti mu djaha umweni wakabetsereka kudini ngekupinda misangano ye ungano, kunyazi zvainga zvisiripi nyore kaari kuti aipinde.
Anhu ajinji anobatanidza mucinjikwa no cikristu, asi tinodikana ku useenzesa pakunamata kedu here?
“Ngei Apupuri a Djehovha Asikaseenzesi Mucinjikwa?” (Fundo ye mu saite)
a Misoro ii icarekethwa mu fundo dzinoteera.
