FUNDO 28
Mungapangidza Kudini Kuti Munotenda Djehovha na Djesu nge Zviro Zvaakamuitira
Munozwa kudini pamunopaswa cipo no shamwari yenyu? Munopfara maningi uye munoda kupangidza shamwari yenyu kuti mapfarira maningi cipo caamupasa. Djehovha na Djesu akatipasa cipo cakanakisisa catingatambira: Rusudzunuro. Tingapangidza kudini kuti tinotenda cipo icona?
1. Mushobo upi watingapangidza nawo kuti tinokoshesa zvatakaizirhwa na Djehovha uye na Djesu?
Bhaibheri rinogondesa kuti “munhu wese unotenda muna [Djesu]” angararama nokusikaperi. (Juau 3:16) Asi zvinoreyei kugara nekutenda? Zvinoreya zvakawanda kupinda kugara basi nokutenda muna Djesu. Tinodikanawo kupangidza kutenda kedu nge zvisananguro zvedu uye no zviro zvatinoita. (Tiyago 2:17) Patinopangidza kutenda kedu no zviito uye zvatinotenda, tinobambisa ushamwari wedu na Djesu uye na Baba ake Djehovha.—Erengai Juau 14:21.
2. Ciitiko cipi cinokosha cinotibetsera kupangidza kuti tinotenda nge zviro zvatakaizirhwa na Djehovha uye na Djesu?
Usiku asati afa, Djesu akabvunza ateeri ake kuti angapangidza kudini kutenda nge cibairo cake. Ayena akaabvunza kuti aungane kuti aite ciitiko cinokosha cinozwi no Bhaibheri “Kurarira ka Tenzi,” uye cinoziikanwawo hingana Cirangaridzo ce rufu ra Kristu. (1 Akorinti 11:20) Djesu aida kuti aphostori ake no aya aizogara aKristu e zvirokwazvo no kuhamba ke nguwa, aedzurire kuti ayena akapasa upenyu wake nge ndaa yedu. Ndiyo ndaa ayena akabhuya kuti: “Rumbwai meciita izvi kuti mundirangarire.” (Ruka 22:19) Pamunoenda ku Cirangaridzo, munopangidza kutenda kenyu nge rudo rakakura rina Djehovha na Djesu.
FUNDAI ZVAKAWANDA
Onai mishobo imweni yamungapangidza nayo kuti munokoshesa rudo rikuru ramakapangidzirhwa na Djehovha uye na Djesu. Onaizve kuti ngei Cirangaridzo ce rufu ra Kristu cecikosha.
3. Mishobo yekupangidza kutenda
Rangarirai mecindondomera mu mvura uye pouya munhu kuti amubetsere kubuda mu mvuremo. Kodi maizokanganwa zvamakaizirhwa no munhu uu here? Kana kuti maizoita zviri zvese kuti mupangidze kutenda nge zviya zvaakamuitira?
Tino kariro yekurarama nokusikaperi nge ndaa ya Djehovha. Erengai 1 Juau 4:8-10, pedzepo cedzai nge zve mibvunzo dzinoteera:
-
Ngei cibairo ca Djesu ciri cipo cinokosha?
-
Munozwa kudini nge zviro zvamakaizirhwa na Djehovha uye na Djesu?
Tingapangidza kudini kuti tinotenda zvetakaizirhwa na Djehovha uye na Djesu? Erengai 2 Akorinti 5:15 uye 1 Juau 4:11; 5:3. Mumasure mekuerenga tsamba idzi, cedzai nge zve mubvunzo unoteera:
-
Maererano no zvamaerenga, tingaitei kuti tipangidze kuti tinotenda?
4. Teedzerai Djesu
Mushobo umweni wekupangidza nawo kuti tinotenda ngewekuteedzera Djesu. Erengai 1 Pedru 2:21, pedzepo cedzai nge zve mubvunzo unoteera:
-
Mungapangidza kudini kuti muri kuhamba mecitsika ne makatsikwawo na Djesu?
Djesu aida Soko ra Mwari, aiparidzira masoko akanaka uye aibetsera anhu.
5. Pindai cirangaridzo ce rufu ra Djesu
Kuti muziye zvakaitika pa ciitiko cekutanga ce Kurarira ka Tenzi, erengai Ruka 22:14, 19, 20. Pedzepo cedzai nge zve mibvunzo dzinoteera:
-
Cinyi cakaitika pa Kurarira ka Tenzi?
-
Pau no vhinyu zvinoimirirei?—Onai mavhersikuro 19, 20.
Djesu aida kuti afundi ake aite Kurarira ka Tenzi makore ese pazuwa re kufa kake. Ndiyo ndaa, Apupuri a Djehovha anoungana makore ese kuti aedzurire rufu ra Djesu ngo mushobo waakabhuya. Kuti mufunde nge zve Cirangaridzo ici cinokosha, ridzai VHIDHIYO. Pedzepo cedzai nge zve mubvunzo unoteera.
-
Cinyi cinoitika pa Cirangaridzo?
Pa cirangaridzo, pau inoimirira muiri wakakwana wa Djesu waakapasa nge ndaa yedu. Vhinyu inoimirira ngazi yake
ANHU AMWENI ANOTI: “Cinodiwa basi kuti muponeswe kundotenda kuti Djesu akatifira.”
-
Maizoseenzesa kudini Juau 3:16 uye Tiyago 2:17 kuti mupangidze kuti munhu unodikana kuita zvakawanda kupinda izvona basi?
MUCIGWAGWA
Tinopangidza kuti tinokoshesa zvatakaizirhwa na Djesu nge kutenda maari uye nge kupinda Cirangaridzo ce rufu rake.
Mibvunzo yekuhwirinzira
-
Zvinoreyei kutenda muna Djesu?
-
Maizoda kupangidza kudini kuti munotenda zvamakaizirhwa na Djehovha uye na Djesu?
-
Ngei zvecikosha maningi kuti mupinde Cirangaridzo ce rufu ra Kristu?
ZIYAI ZVAKAWANDA
Rufu ra Kristu rinotikohomedzesa kuti tiitei?
Fundai zvakawanda nge zve kuti cinyi cinozwi kupangidza kutenda.
“Ratidza Kutenda Kwako Mune Zvakavimbiswa naJehovha” (Murindiri wa Cikunyana 2016, mu ciShona)
Mu fundo inoti “Ndava Kunzwawo Kuti Ndava Munhu Uye Hana Yangu Haichanditongesi,” onai kuti upenyu we mwanakadzi umweni wakacinja kudini mumasure mekuzwisisa zvinoreya cibairo ca Kristu.
“Bhaibheri Rinochinja Upenyu” (Murindiri, wa 1 ya Katutu wa 2011, mu ciShona)
Onai kuti ngei anhu padoko basi ndiwona anorhya pau nokumwa vhinyu pa Cirangaridzo.
