FUNDO 36
Garai Munhu Wakagondeka Nguwa Dzese
Anhu ese anoda kugara no shamwari dzakagondeka. Djehovha anodawo zvimwezvo. Asi azviripi nyore kugara munhu wakagondeka mu nyika ino yakadzara no anhu asikazi kugondeka. Kunyazi zvakadaro, ngei zvakanaka kugara munhu wakagondeka?
1. Cikonzero cipi cinonyanya kuita kuti tigare anhu akagondeka?
Patinogara anhu akagondeka, tinopangidza kuti tinoda uye tinoreremedza Djehovha. Cimborangarirai izvi: Djehovha anoziya zvese zvatinorangarira uye zvatinoita. (Ahebheru 4:13) Iyena anoona patinosanangura kugara akagondeka uye anozvikoshesa. Soko rake rinoti: “Djehovha anozonda munhu anonyepera zvaari, asi anoshamwaridzana ne akagondeka.”—Zvierengo 3:32.
2. Tingagara kudini anhu akagondeka zuwa no zuwa?
Djehovha anoda kuti ‘tirekete cokwadi ku umwe na umwe wedu.’ (Zakariya 8:16, 17) Izvi zvinoda kureyei? Zvinoda kureya kuti atizonyepi kana kucinja cokwadi patinoreketa no anyaukama edu, shamwari dze kubasa, hama dze mu ungano kana ku anyautongi. Munhu wakagondeka aabi kana kutsotsa amweni. (Erengai Zvierengo 24:28 uye Aefeso 4:28.) Uye munhu akagondeka anoripa misoho. (Aroma 13:5-7) Kana kuti, ‘isusu tinogondeka pa zviro zvese.’—Ahebheru 13:18.
3. Ngei zvakanaka kugara munhu wakagondeka?
Kana tikaziikanwa hinga anhu akagondeka, anhu anotigonda. Ngokudaro, ticabetsera pa kuita kuti mu ungano mugare no mwiya we kugondeka, hinga mhuri ye zvirokwazvo. Kusiya izvi, ticagara no hana yakacena. Kugondeka kedu kunoitawo kuti ‘fundiso ye Muponesi wedu, Mwari ikudzwe,’ uye kuita kuti anhu amweni ade kufunda nge zva Djehovha.—Tito 2:10.
FUNDAI ZVAKAWANDA
Onai kuti kugondeka kunobata-bata kudini ushamwari wenyu na Djehovha, uye onaiwo kuti mungagondeka kudini pa migariro yakasiyana-siyana ye upenyu wenyu.
4. Kugondeka kunopfadza Djehovha
Erengai Pisarema 44:21 uye Marakiya 3:16, pedzepo cedzai nge zve mibvunzo dzinoteera:
-
Mu kuona kenyu, ngei tisikadikani kurangarira kuti tingakwanisa kufisira Djehovha ciro cipi haco?
-
Djehovha anozwa kudini patinosanangura kureketa cokwadi, kunyazi pazvinonga zvisiripi nyore?
Ana paanobhuya cokwadi, abereki awo anopfara. Patinobhuyawo cokwadi, Djehovha anopfara
5. Garai Akagondeka mu zviro zvese
Anhu akawanda anorangarira kuti azviripi nyore kugara akagondeka nguwa dzese. Asi onai kuti ngei tinodikana kugara anhu akagondeka mu zviro zvese. Ridzai VHIDHIYO.
Erengai Ahebheru 13:18, pedzepo cedzai nge zve kuti tingagara kudini takagondeka . . .
-
mu mhuri medu.
-
ku basa kana kucikora.
-
mu migariro yakasiyana-siyana.
6. Kugondeka kunotibetsera
I zvirokwazvo kuti kugondeka kungatiunzira matambudziko. Asi pakupedzesera, ndico ciro cakanaka catinodikana kuita. Erengai Pisarema 34:12-16, pedzepo cedzai nge zve mubvunzo unoteera:
-
Kugondeka kungakwanisa kudini kuita kuti mugare no upenyu wakanaka?
-
Amuna uye akadzi akagondeka anobambisa mucato wawo
-
Aseenzi akagondeka anokwanisa kugondhwa no aanoseenzera
-
Anhu akagondeka anoreremedzwa no anyautongi
ANHU AMWENI ANOTI: “Kunyepa padoko akukuwadzi munhu.”
-
Munorangarira kuti pano manyepo anopfarirhwa na Djehovha here?
MUCIGWAGWA
Djehovha anoda kuti shamwari dzake dzigondeke pa zvese zvaanobhuya uye zvaanoita.
Mibvunzo yekuhwirinzira
-
Tingapangidza kudini kuti takagondeka?
-
Ngei tisikadikani kurangaridza kuti tingakwanisa kufisa ciro kuna Djehovha?
-
Ngei imwimwi mecidikana kugondeka pa zvese?
ZIYAI ZVAKAWANDA
Abereki angabetsera kudini ana awo kuti agondeke?
Ngei zvakanaka kuita zvatinonga takagondesa?
Onai kuti ngei tecidikana kuripa misoho kunyazi tisikazii kuti icaseenzeswa kudini.
“Munoripa Misoho Here?” (Murindiri wa 1 ya Setembro wa 2011)
Cinyi cakaitisa kuti mwanarume umweni asikazi kugondeka acinje upenyu wake?
“Ndakafunda Kuti Djehovha Ane Usisi uye Anorekerera” (Murindiri wa 1 ya Mayo wa 2015)
