FUNDO 38
Reremedzai Cipo ce Upenyu
Upenyu unotipasa mukana we kugara no maeshiperiensiya akanaka. Kunyazi tecibatana no matambudziko, tingakwanisa kupfara. Hino, tingapangidza kudini kuti tinoreremedza cipo ici ce upenyu? Uye ngacipi cikonzero cinonyanya kukosha cinoita kuti tidaro?
1. Ngei tinodikana kureremedza upenyu?
Tinodikana kureremedza upenyu nge kuti iwona i cipo catakapaswa na Baba edu Djehovha. Iyena ndiye ‘manyuku e upenyu,’nge kuti akasika zviro zvese. (Pisarema 36:9) “Iyena ndiye anopasa upenyu, no mwiya we kufema uye zviro zvese.” (Zviito 17:25, 28) Tsamba ii inopangidza kuti Djehovha anotipasa zvese zvatinoda kuti tirumbwe tecirarama. Asi iyena anoita zvakawanda kupinda izvi, anotipasawo zvese zvatinoda kuti tipfadzwe no upenyu.—Erengai Zviito 14:17.
2. Tingapangidza kudini kuna Djehovha kuti tinoreremedza upenyu?
Kubvira pamakabarhwa, Djehovha anomurangarirai. Ecifemerhwa na Mwari, Dhavhidhi akanamata eciti: “Madziso enyu akandiona pendakatanga kuumbwa.” (Pisarema 139:16) Izvi zvinopangidza kuti Djehovha anomukoshesa maningi kubvira mai enyu paakagara no pamwiri penyu. Upenyu wenyu unokosha maningi kuna Djehovha. (Erengai Mateu 10:29-31.) Djehovha anokoshesa maningi upenyu zvekuti anorhwadziwa maningi munhu paanobvisa upenyu we munhu umweni kana kuti upenyu wake kamare. a (Ekisodho 20:13) Djehovha aizorhwadziwawo kana tikatama kungwarira uye tokanda upenyu wedu kana we munhu umweni pa ngozi. Patinodziirira upenyu wedu uye toreremedza upenyu we anhu amweni, tinonga tecipangidza kuti tinoreremedza cipo ici cinokosha.
FUNDAI ZVAKAWANDA
Onai mishobo minganani yamungapangidza nayo kuti munoreremedza cipo ce upenyu.
3. Cengetedzai uthongo wenyu
Hinga aseenzi a Djehovha, takapikira kuseenzesa upenyu wedu kuti timuseenzere. Zvakatoita hinga kupasa mwiri wedu hingana cibairo kuna Mwari. Erengai Aroma 12:1, 2, pedzepo cedzai nge zve mibvunzo dzinoteera:
-
Maererano no tsamba ii, cinyi cingamuitisa kuti mucengetedze uthongo wenyu?
-
Ngaipi mishobo minganani ye kuita izvona?
4. Ngwarirai kuti musabare tsaona kana kuti rufu
Bhaibheri rinotikohomedzesa kuti tisaite zviro zvinotikanda pa ngozi. Ridzai VHIDHIYO muone kuti ngazvipi zvamungaita kuti mudzicengetedze.
Erengai Zvierengo 22:3, pedzepo cedzai nge zve mishobo yamungaita kuti mudzicengetedze imwimwi no adoni enyu . . .
-
pa nyumba.
-
ku basa.
-
pamunonga meciita maezersisiyo.
-
pamunonga mecitekenya kana kuti muri mu karu.
5. Reremedzai upenyu we mwana asati abarhwa
Dhavhidhi wakapanganidza kuti Djehovha anoda kuziya zvese zvinoitika ku mwana asati abarhwa. Erengai Pisarema 139:13-17, pedzepo cedzai nge zve mubvunzo unoteera:
-
Kuna Djehovha, upenyu unotanga mwanakadzi paanonga ano mimba here kana kuti mwana paanobarhwa?
Mitemo ya Djehovha yaakapasa Aisraeri mu nguwa ye kare yaidziirira mai pamwepo no mwana wainga asati abarhwa. Erengai Ekisodho 21:22, 23, pedzepo cedzai nge zve mibvunzo dzinoteera:
-
Djehovha aiona kudini munhu waiuraya mwana uciri mu ndani nge tsaona?
-
Djehovha anozwa kudini munhu paanobvisa mimba nge kuda kake? b
-
Imwimwi munoonawo kudini maonero anoita Djehovha nyaya ii?
Mwanakadzi kunyazi ecitoziya kamare kuti upenyu unokosha maningi, ungakwanisa kuguma pa kurangarira kuti kubvisa mimba kuri nani. Erengai Isaya 41:10, pedzepo cedzai nge zve mibvunzo dzinoteera:
-
Kana mwanakadzi ecibambidzirhwa kubvisa mimba, ndiyani waangakumbira rubetso? Ngei mecibhuya kudaro?
ANHU AMWENI ANOTI: “Mwanakadzi wese unocitenderhwa ce kubvisa mimba ngekuti muiri nge wake.”
-
Cinyi cinoita kuti mutende kuti Djehovha anoreremedza upenyu wa mai pamwepo no we mwana asati abarhwa?
MUCIGWAGWA
Bhaibheri rinotifundisa kuda, kureremedza uye kudziirira upenyu, cipo ici cakanakisisa catakapaswa na Djehovha. Izvi zvinobatanidza upenyu wedu pacedu no we anhu amweni.
Mibvunzo yekuhwirinzira
-
Ngei upenyu we anhu wecikosha kuna Djehovha?
-
Djehovha anozwa kudini kana munhu akasanangura kubvisa upenyu we munhu umweni?
-
Ngei imwimwi mecireremedza cipo ce upenyu?
ZIYAI ZVAKAWANDA
Tingatenda kudini Djehovha nge cipo ce upenyu?
Onai mhinduro yekuti Mwari angarekerera mwanakadzi akambobvisa pamuiri here?
“Bhaibheri Rinobhuyei nge zve Kubvisa Mimba?” (Fundo ye mu saite)
Onai kuti maonero anoita Djehovha upenyu, angamubetsera kudini pakusanangura zviro zvekudziwaraidza nazvo.
“‘Mitambo Yekunyanyisa’—Munodikana Kudzikanda pa Ngozi Here?” (Mukai! wa 8 ya Otubro wa 2000)
Zvakadini kana munhu akagara no marangariro e kuda kudzitsungira? Onai kuti Bhaibheri ringamubetsera kudini.
a Djehovha anozwisisa kurhwadziwa kunonga keciita munhu anoda kubvisa upenyu wake, uye iyena anoda kumubetsera. Djehovha anokoshesa maningi aya akaora mwoyo. (Pisarema 34:18) Kuti muone kubetsera kunoita Djehovha kuna aya ane marangariro e kuda kudziuraya, erengai pakazwi, “Ziyai Zvakawanda” pa fundo ye mu saite inoti, “Ndiri Kuda Kudziuraya—Bhaibheri Ringakwanisa Kundibetsera Kuti Ndisadzitsungire Here?”
b Mwanakadzi akambobvisa mimba aadikani kutsukwara ecidzipasa ndaa—Djehovha angakwanisa kumurekerera. Kuti muziye zvakawanda, erengai pakazwi “Ziyai Zvakawanda?” pa fundo ye mu saite inoti: “Bhaibheri Rinobhuyei nge zve Kubvisa mimba?”
