FUNDO 39
Maonero a Mwari nge zve Ngazi
Ngazi inokosha maningi. Pasina iyona, apana munhu upi hake aizorarama. Nge kuti ndiye Musiki, Mwari ndiye akasisira kubhuya kuti ngazi ingaseenzeswa kudini. Iyena anobhuyei nge zve ngazi? Tinodikana kuseenzesa ngazi pa kubika zvekurhya kana kuti pa kurapisa uthongo here? Uye mungaita kudini zvisananguro zvakanaka nge zve nyaya iyona?
1. Ngaapi maonero a Djehovha nge zve ngazi?
Djehovha akabvunza aseenzi ake e kare kuti: “Upenyu we zvinyama zvese i ngazi.” (Revhitiko 17:14) Kuna Djehovha, ngazi inoimirira upenyu. Kana upenyu ciri ciro cicena, hino ngazi ciro cicenawo.
2. Mishobo ipi yekuseenzeswa ke ngazi inorambidzwa na Mwari?
Isati yaumbwa ungano ye cikristu, Djehovha akabvunza aseenzi ake kuti asarhye ngazi. (Erengai Genesi 9:4 uye Revhitiko 17:10.) Uye mu masure mekuti ungano ye cikristu yaumbwa, Djehovha akaphindazve mutemo uu ku Akristu. Dare rinotungamirira rakapasa nhungamiriro inoteera: ‘Rumbwai meciramba . . . ngazi.’—Erengai Zviito 15:28, 29.
Zvinoreyei kusama kuseenzesa ngazi? Kana medhiko akamubvunzisa kuti musamwe doro, imwimwi amuzorimwi andizvopi here? Zvaida kuzogara no musoro here kurhya ciro cino doro kana kubaira doro pa mudzira? Zviri pamhene kuti haiwa, nge kuti migumisiro wazvo ndi umwewo. Nge mushobo umwewo, mutemo wakapasa Mwari wekusama kuseenzesa ngazi, unoreya kuti atidikani kumwa ngazi kana kurhya nyama isikazi kudururhwa ngazi. Uye atidikaniwo kurhya ciro cipi haco cakabikwa no ngazi.
Tingati kudini pa nyaya ye mitombo ye kurapa inoseenzesa ngazi? Mitombo imweni ye kurapa aienderani no mutemo wa Mwari. Izvi zvinobatanidza kukandhwa ngazi iri yese kana kuti rimwe re matii e ngazi anokosha—glóbulos vermelhos, glóbulos brancos, plaquetas uye plasma. Asi ku nyaya dzimweni pamweni zvinonga zvisikazi kudjeka kuti tiziye marapirhwe anoenderana no mutemo wa Mwari kana kuti haiwa. Ngo muezaniso, marapirhwe amweni anososeenzesa mafrasau e dii rimwe rinokosha re ngazi. Amweni anoseenzesa ngazi yo mutenda. Patinoita cisananguro kuti toitei, umwe na umwe wedu anodikana kudzisanangurira zvekuita. a—Agaratiya 6:5.
FUNDAI ZVAKAWANDA
Onai kuti imwimwi mungasanangura kudini marapirhwe amunoda.
3. Sanangurai mushobo we kuraphwa unopfadza Djehovha
Imwimwi mungasanangura kudini mushobo we kuraphwa unoenderana no maonero a Mwari nge zve ngazi? Ridzai VHIDHIYO, pedzepo cedzai nge zve kukosha ke kuseenzesa fundo dzinoteera.
-
Itai munamato mecikumbira uzii. —Tiyago 1:5.
-
Psvakisisai mazano e Bhaibheri uye onai kuti mungaaseenzesa kudini. —Zvierengo 13:16.
-
Psvakai kuziya mishobo ye kuraphwa iri kamunoraramira.
-
Onai kuti mishobo ipi yamusikatenderi.
-
Onai kuti cisananguro cenyu cicamusiya no hana yakacena.—Zviito 24:16. b
-
Edzurirai kuti apana anodikana kumubvunza cisananguro camunodikana kuita pa nyaya ye hana, izvi zvinobatanidza mwamuna wenyu, mukadzi wenyu, mukuru we mu ungano kana kuti mufundisi wenyu we Bhaibheri.—Aroma 14:12.
-
Munodikana kuita zvekutara cisananguro cenyu.
4. Apupuri a Djehovha anoda murapire wakanaka we uthongo
Zvinobvira kuzwira mutemo wa Mwari nge zve ngazi, toraphwa zvakanaka pasikaseenzeswi ngazi. Ridzai VHIDHIYO.
Erengai Tito 3:2, pedzepo cedzai nge zve mubvunzo unoteera:
-
Ngei tecidikana kupangidza rureremedzo uye kugara takaterama patinonga tecireketa no mamedhiko?
|
Akristu aatenderi |
Mukristu unodzisanangurira |
|---|---|
|
A. Plasma |
Mafrasau manganani e plasma |
|
B. Glóbulos brancos |
Mafrasau manganani e glóbulos brancos |
|
C. Plaquetas |
Mafrasau manganani e plaquetas |
|
D. Glóbulos vermelhos |
Mafrasau manganani e glóbulos vermelhos |
5. Ngazi ino mafrasau mangani
Ngazi ino matii marongomuna anonyanya kukosha, glóbulos vermelhos, glóbulos brancos, plaquetas uye plasma. Matii marongomuna aya anokwanisa kusiyaniswa kuti aite matii madoko, anodaidzwa mafrasau e ngazi. c Mafrasau amweni e ngazi anoseenzeswa pa mitombo kuti arape nhenda uye kuimisa kudururika ke ngazi.
Nge zve mafrasau e ngazi, mukristu umwe na umwe unodikana kuita cisananguro cake cecitsamira pa hana yake yakafundiswa no Bhaibheri. Pamweni amweni angasanangura kuramba marapiro anobatanidza mafrasau e ngazi. Asi amweni angasanangura kutenda.
Pamunonga mecida kuita cisananguro, rangarirai zvinoteera:
-
Ndaizopanganidzira kudini medhiko cikonzero cinoita kuti ndirambe kana kuti kutenda mafrasau amweni e ngazi?
KANA MUNHU AKAMUBVUNZISA KUTI: “Zvakashatira papi kutenda kukandhwa ngazi?”
-
Maizodaira kudini?
MUCIGWAGWA
Djehovha anoda kuti tireremedze ngazi.
Mibvunzo yekuhwirinzira
-
Ngei ngazi ciro cicena kuna Djehovha?
-
Tinoziya kudini kuti mutemo wa Mwari wekusama kuseenzesa ngazi unobatanidza kukandhwa ngazi?
-
Tingaita kudini zvisananguro zvakanaka pa nyaya ye kuseenzesa ngazi pa kuraphwa?
ZIYAI ZVAKAWANDA
Munodikana kurangarirei musati masanangura kuti munotenda kuraphwa peciseenzeswa ngazi yenyu?
“Mibvunzo Inobva ku Aerengi” (Murindiri wa 15 ya Otubro wa 2000)
Cinyi camunodikana kutanga marangarira musati maita cisananguro ce kuti munotenda kana kuti haiwa mafrasau e ngazi?
“Mibvunzo Inobva ku Aerengi” (Murindiri wa 15 ya Junyo wa 2004)
Cinyi cakaitisa kuti medhiko umweni atendere kuti maonero a Djehovha nge zve ngazi ane musoro?
“Ndakatendera Maonero a Mwari nge zve Ngazi” (Mukai! wa 08 ya Dezembro wa 2003)
Onai kuti akuru anoseenza mu dare rakabatana no cipitari anobetsera kudini hama no hanzvadzi.
b Onai ndima 5, “Ngazi Ino Mafrasau Mangani”; Nyasai kuzwisisa 3, “Marapire Anobatanidza Ngazi.” uye Ushumiri hwoUmambo, Novembro 2006, mapajina 3-6.
c Mamedhiko amweni anoona kuti matii marongomuna e ngazi anokosha maningi hinga “mafrasau.” Ndiyo ndaa, imwimwi munodikana kugara no rugondo rekuti medhiko wenyu anoziya kuti amutendi kukandhwa ngazi iri yese, kana kuti kukandhwa glóbulos vermelhos, glóbulos brancos, plaquetas kana kuti plasma.
