FUNDO 43
Bhaibheri rinobhuyei nge zve zve kumwa zvinoraradzisa?
Munyika yese, anhu ane maonero akasiyana nge zvekumwa zvinoraradzisa. Amweni anopfarira kumwa pamweni paya no shamwari dzawo. Amweni anosanangura kusamwa. Uye amweni anomwa dakara pakuraradza. Ngaapi maonero anoita Bhaibheri nge zve zvekumwa zvinoraradzisa?
1. Zvakashata here kumwa?
Bhaibheri arirambidzi kumwa. Pane kudaro, irona rinoti “vhinyu, inopfadza mwoyo we munhu,” inobatanidzwa pa zvipo zvakawanda zvetakapaswa na Mwari. (Pisarema 104:14, 15) Anarume no anakadzi akagondeka anorekethwa mu Bhaibheri aimwawo zvekumwa zvinoraradzisa.—1 Timoti 5:23.
2. Ngaapi mazano anopaswa no Bhaibheri ku aya anosanangura kumwa?
Djehovha anobhuya kuti zvakashata kumwa dakara pakuraradza. (Agaratiya 5:21) Bhaibheri rinoti: “Usagare pakati pe aya anomwisa maningi vhinyu.” (Zvierengo 23:20) Ndiyo ndaa, kana tikasanangura kumwa tinodikana kuzviita no maonero ari pakati no pakati kunyazi patinonga tiri tega. Kumwisa kunoita kuti munhu asarangarire ngo mushobo wakadjeka uye asakwanise kudzibata pa zviro zvaanobhuya uye zvaanoita. Kusiya izvona, kungakwanisa kukuwadza uthongo wake. Kana tisikakwanisi kudzibata patinomwa, tinodikana kutosiya kumwa.
3. Tingareremedza kudini cisanaguro ce amweni?
Kumwa zve kumwa zvinoraradzisa cisananguro ce munhu ega. Atidikani kutonga amweni anosanangura kumwa pakati no pakati. Uye atidikaniwo kubambidzira munhu kuti amwe. (Aroma 14:10) Tinosanangura kusama kumwa kana izvona zvecinyangadza amweni. (Erengai Aroma 14:21.) Isusu tinopsvaka “kuti haiwa zvinotibetsera basi, asi zvinobetserawo amweni.”—Erengai 1 Akorinti 10:23, 24.
FUNDAI ZVAKAWANDA
Onai mazano e Bhaibheri angamubetsera kusanangura kuti momwa here kana kuti haiwa, uye kuziya mudida wamunodikana kumwa. Onaiwo kuti cinyi camungaita kana mukagara no cinetso pa zvekumwa zvinoraradzisa.
4. Sanangurai kuti mucamwa here kana haiwa
Djesu aiona kudini kumwa zve kumwa zvinoraradzisa? Cishamiso cokutanga ca Djesu cinotibetsera kuziya mhinduro yakhona. Erengai Juau 2:1-11, pedzepo cedzai nge zve mibvunzo inoteera:
-
Cishamiso ici cinotibetsera kudini kuziya maonero a Djesu nge zvekumwa zvinoraradzisa uye uya anosanangura kumwa?
-
Djesu aazi kubhuya kuti kumwa kakashata, asi aKristu anodikana kurangarirei nge zve aya anosanangura kumwa?
Ngekuti mukristu angakwanisa kumwa, izvi azvirei kuti ndico ciro cakanaka cekuita. Erengai Zvierengo 22:3, pedzepo cedzai nge zve mafundo anoteera kuti angabata-bata kudini cisananguro cenyu:
-
Muri kuda kutekenya karu kana kuseenzesa ciro cimweni cingakuwadza here.
-
Mune mimba here.
-
Medhiko akamubvunza kuti musamwe here.
-
Mune cinetso ce kusama kuziya kudzibata pamunomwa here.
-
Mutemo we munyika yamunogara autenderi kuti mumwe here.
-
Munogara no munhu wakasanangura kusamwa ngekuti wakambosongana no cinetso nge ndaa ye kumwa here.
Kodi munodikana kuita kuti pagare ne zve kumwa zvinoraradzisa pa mucato here kana kuti pa misangano ye ushamwari? Kuti muone cingamubetsera kuita cisananguro, ridzai VHIDHIYO.
Erengai Aroma 13:13 uye 1 Akorinti 10:31, 32. Mu masure me kuerenga tsamba imwe basi, cedzai nge zve mubvunzo unoteera:
-
Kuseenzesa mazano aya kungamubetsera kudini kuti muite cisananguro cinopfadza Djehovha?
Kumwa zvinoraradzisa cisananguro ce munhu ega. Pamweni mukristu angasanangura kumwa pa ciitiko cimwe, asi haiwa pa ciitiko cimweni
5. Sanangurai mudida wamucamwa
Kana mukasanangura kumwa zvinoraradzisa, edzurirai izvi: Djehovha aarambidzi kumwa zvekumwa zvinoraradzisa, asi anorambidza kumwa dakara pakuraradza. Ngei? Erengai Ozeya 4:11, 18, pedzepo cedzai nge zve mubvunzo unoteera:
-
Cinyi cinozoitika munhu paanomwa maningi?
Cinyi cicatibetsera kuti tisamwe maningi? Tinodikana kugara pakati no pakati, kana kuti, kuziya patinogumira. Erengai Zvierengo 11:2, pedzepo cedzai nge zve mubvunzo unoteera:
-
Ngei zvakanaka kugadza mugano pa mudida wamucamwa?
6. Rubetso ku aya anomwa maningi
Onai zvakabetsera mwanarume umweni kuti akunde musambo we kumwa zve kumwa zvinoraradzisa. Ridzai VHIDHIYO, pedzepo cedzai nge zve mibvunzo dzinoteera.
-
Mu vhidhiyo, Dmitry waigara no maitiro api paaimwa?
-
Kodi iyena wakakwanisa kuima kumwa paakatanga here?
-
Iyena wakakwanisa kudini kukunda musambo uu?
Erengai 1 Akorinti 6:10, 11, pedzepo cedzai nge zve mibvunzo dzinoteera:
-
Kodi kuraradza cinetso cakakura here?
-
Cinyi cinopangidza kuti munhu anomwisa maningi angakwanisa kucinja?
Erengai Mateu 5:30, pedzepo cedzai nge mubvunzo unoteera:
-
Pa muezaniso wa Djesu we kugura nyara, iyena aida kureya kuti tinodikana kuita zviri zvese kuti tipfadze Djehovha. Cinyi camungaita kana muri kurhwisa kuti mukunde musambo we kumwa zvinoraradzisa? a
Erengai 1 Akorinti 15:33, pedzepo cedzai nge zve mubvunzo unoteera:
-
Kana imwimwi mune shamwari inomwa maningi, izvi zvingamubata-batai kudini?
KANA MUNHU AKAMUBVUNZISA KUTI: “Zvakashata here kumwa?”
-
Maizodaira kudini?
MUCIGWAGWA
Zvekumwa zvinoraradzisa zvinobatanidzwa pa zvipo zvakawanda zvatakapaswa na Mwari, asi iyena anorambidza kumwa dakara pakuraradza.
Mibvunzo yekuhwirinzira
-
Bhaibheri rinobhuyei nge zvekumwa zvinoraradzisa?
-
I ngozi dzipi dziripo pa kumwa maningi?
-
Tingapangidza kudini kuti tinoreremedza zvinosanangurhwa no amweni pa nyaya dze kumwa?
ZIYAI ZVAKAWANDA
Madjaha angaita kudini zvisananguro zvakanaka pa nyaya ye zve kumwa zvinoraradzisa?
Onai zvamungaita kuti mukunde cinetso ce kumwa zvekumwa zvinoraradzisa.
Mu Kristu unotenderhwa here kupondanisa makopo pakumwa?
“Mibvunzo Inobva ku Aerengi” (Murindiri wa 15 ya Fevrero wa 2007)
Erengai eshiperiyensiya inoti, “Ndainga Ndiri Amusiya Dzasukwa” muone kuti mwanarume umweni wakaima kudini kumwa maningi.
“Bhaibheri Rinocinja Upenyu” (Murindiri wa 1 ya Mayo wa 2012)
a Aya aanomusambo wekumwisa, anodikana kubetserhwa no ano uzii nge zve uthongo kuti asiye. Ma Medhiko akawanda anobhuya kuti ese ainga ano cinetso cekumwa, anodikana kutosiya kumwa.
