FUNDO 47
Magadzirira Kubhabhatidzwa Here?
Dakara zvino, mafunda zvakawanda nge zva Djehovha pakufunda kamuri kuita Bhaibheri. Pamweni makatocinja zviro zvimweni mu upenyu wenyu kuti murarame maererano no zvamurikufunda. Asi zvingaita kuti pano zviro zviri kumupingaidza kuti musadzipire kuna Djehovha uye kubhabhatidzwa. Mu fundo ino ticafunda zviro zvinopingaidza anhu kubhabhatidzwa uye kuti imwimwi mungazvikunda kudini.
1. Munodikana kuziya zvese zviri mu Bhaibheri kuti mubhabhatidzwe here?
Kuti mubhabhatidzwe, munodikana kugara no “uzii we unatsi we cokwadi.” (1 Timoti 2:4) Izvi azvirei kuti munodikana kuziya zviro zvese zviri mu Bhaibheri musati mabhabhatidzwa. AKristu anondorumbwa ecifunda kunyazi aanomakore akawanda abhabhatidzwa. (Akorosi 1:9, 10) Asi kuti imwimwi mubhabhatidzwe munodikana kuziya fundiso dzinokosha dze mu Bhaibheri. Akuru e mu ungano acamubetsera kuti imwimwi muziye kuti uzii wamunawo waakuita kuti mubhabhatidzwe here.
2. Matanho api amunodikana kutora musati mabhabhatidzwa?
Musati mabhabhatidzwa, munodikana “kucinyuka pa zvitema zvenyu uye motendeuka.” (Erengai Zviito 3:19.) Izvi zvinoreya kuti macinyuka no mwoyo wese pa zviro zvese zvakashata zvamakaita kare uye munokumbira rurekerero kuna Djehovha. Uye zvinoreyawo kuti imwimwi masanangura kurarama maererano nokuda ka Djehovha uye kuti amucadi kuita zviro zvaanobhuya kuti zvakashata. Zviro zvimweni zvamunodikana kuita, kupinda misangano uye kuparidza pamwepo no ungano.
3. Ngei musikadikani kuthya kubhabhatidzwa?
Anhu amweni anothya kuti aazokwanisi kuita zvaanonga agondesa Djehovha. Icokwadi kuti mungakwanisa kushaisha hingana zvaiizwa no anhu amweni ainamata Mwari anorekethwa mu Bhaibheri. Asi Djehovha anoziya kuti anhu anomunamata anomboshaisha. (Erengai Pisarema 103:13, 14.) Iyena anopfara pamunoita zvese zvamunokwanisa kuti mumupfadze! Uye acamubetsera. Djehovha anototigondesa kuti apana cingakwanisa “kutiparadzanisa no rudo [rake].”—Erengai Aroma 8:38, 39.
FUNDAI ZVAKAWANDA
Onai kuti kutunhudzira kufunda nge zva Djehovha uye kutendera rubetso rake, kunokwanisa kudini kumubetsera kukunda zviro zvinopingaidza anhu kuti abhabhatidzwe.
4. Nyasai kuziya Djehovha
Munodikana kuziya Djehovha zvakadini musati mabhabhatidzwa? Munodikana kumuziya dakara pakumuda uye kugara no cido cekuda kumupfadza. Ridzai VHIDHIYO kuti muone zvakaizwa no afundi e Bhaibheri e mu nyika dzese kuti anyase kuziya Djehovha. Pedzepo cedzai nge zve mubvunzo unoteera.
-
Mu vhidhiyo ii, cinyi cakabetsera anhu amweni kuti agadzirire kubhabhatidzwa?
Erengai Aroma 12:2, pedzepo cedzai nge zve mibvunzo dzinoteera:
-
Pano zviro zvinofundiswa no Bhaibheri kana kuti zvinofundiswa no Apupuri a Djehovha zvamusina cokwadi nazvo here?
-
Kana zviripo mungaitei?
5. Kundai zvinetso zviri kumupingaidza kuti musabhabhatidzwe
Munhu wese paanosanangura kudzipira uye obhabhatidzwa, unosongana nomatambudziko. Kuti tione muezaniso, ridzai VHIDHIYO, pedzepo cedzai nge zve mibvunzo dzinoteera.
-
Mu vhidhiyo ii, Narangerel waidikana kukunda matambudziko api kuti akwanise kuseenzera Djehovha?
-
Kuda Djehovha kakabetsera kudini Narangerel kuti akunde matambudziko aya?
Erengai Zvierengo 29:25 uye 2 Timoti 1:7, pedzepo cedzai nge zve mubvunzo unoteera:
-
Cinyi cingamupasa ushingi wekukunda zvinetso?
6. Gondai no rubetso ramunopaswa ndi Djehovha
Djehovha acamubetsera kuti mukwanise kumupfadza. Ridzai VHIDHIYO, pedzepo cedzai nge zve mibvunzo dzinoteera.
-
Mu vhidhiyo yetaona, cinyi cakapingaidza mufundi uu we Bhaibheri kuti asabhabhatidzwe?
-
Cinyi cakabambisa rugondo rake kuna Djehovha?
Erengai Isaya 41:10, 13, pedzepo cedzai nge zve mubvunzo unoteera:
-
Kana makadzipira kuna Djehovha, mungagara kudini no rugondo rekuti mungakwanisa kudzadzisa cipikirhwa camakaita kaari?
7. Tunhudzirai kutenda kamunoita mu rudo ra Djehovha
Kana mukarangarira kudiwa kamunoizwa na Djehovha, zvicaita kuti mude kumutenda uye zvicaitawo kuti mumunamate nokusikaperi. Erengai Pisarema 40:5, pedzepo cedzai nge zve mubvunzo unoteera:
-
Cikomborero cipi cinobva kuna Djehovha camunonyanya kutenda?
Muphorofita Djeremiya waida Djehovha ne soko rake uye waiona hinga cikomborero kamare kuziikanwa no zina ra Djehovha. Iyena wakati: “Masoko enyu akaita kuti mwoyo wangu upemberere uye upfare kamare, ngekuti ndiri kudainzwa no zina renyu, haiwa Djehovha Mwari.” (Djeremiya 15:16) Dairai mibvunzo dzinoteera:
-
Ngei ciri cikomborero kamare kugara umwe we Apupuri a Djehovha?
-
Munoda kubhabhatidzwa hingana umwe we Apupuri a Djehovha here?
-
Pano cirikumupingaidza kuzviita here?
-
Munorangarira kuti munodikana kuitei kuti mugume pakubhabhatidzwa?
ANHU AMWENI ANOTI: “Ndinozozvikwanisa kana ndikabhabhatidzwa here.”
-
Ndizvona zvamurikurangarirawo here?
MUCIGWAGWA
Djehovha angamubetsera kuti mukunde zviro zvese zviri kumupingaidza kuti musabhabhatidzwe.
Mibvunzo yekuhwirinzira
-
Munodikana kuziya Bhaibheri rese here kuti muzobhabhatidzwe?
-
Munodikana kucinjei pamararamiro enyu kuti mukwanise kubhabhatidzwa?
-
Ngei musikadikani kuthya kubhabhatidzwa?
ZIYAI ZVAKAWANDA
Onai cinodikana kumuitisa kuti musanangure kubhabhatidzwa.
“Wagadzirira Kubhabhatidzwa Here?” (Murindiri wa Nyaonga 2020, mu ciShona)
Onai kuti mungakunda kudini zvitsinzwa zvingakwanisa kumupingaidza kuti musabhabhatidzwe.
“Chii Chinonditadzisa Kubhabhatidzwa?” (Murindiri wa Nyaonga 2019, mu ciShona)
Onai kuti mwanarume umweni wakakunda kudini zvinetso kuti akwanise kubhabhatidzwa.
Mwanarume umweni unozwi Ataa wainga asina cokwadi cekuti waidikana kubhabhatidzwa. Onai kuti cinyi cakamupasa ushingi wekutora danho iri rinokosha.
