FUNDO 48
Sanangurai Shamwari no Ungwaru
Shamwari dze padhuze dzinoita kuti tipfare kana zviro zvecitihambira zvakanaka, uye dzinotibambisa patinosongana no matambudziko. Asi Bhaibheri rinotingwadza kuti aanhupi ese angagara shamwari yakanaka. Hino tingasanangura kudini shamwari dzakanaka? Ngationgorore mibvunzo dzinoteera.
1. Shamwari dzamunosanangura dzinomupfurira kuitei?
Patinopedza nguwa yakawanda no munhu, tinopedzesera taakutoitawo zviro zvinoizwa no munhuwo. Tingatodzana nawo pakuita zvakanaka kana kuti zvakashata, azvinei kuti tiri kuonana nawo hope no hope, kana kuti pa internet. Hinga zvinorekethwa no Bhaibheri, “munhu unohamba no munhu wakangwara ucagara akangwara, asi uya unoshamwaridzana no mapenzi zvicamushatira.” (Zvierengo 13:20) Shamwari dzinoda uye dzinonamata Djehovha dzingamubetsera kurumbwa muri dhuze naye uye dzingamubetserawo kuti muite zvisananguro zvakanaka. Asi kana tino shamwari dzisikadi Djehovha, dzicatiendesa kure naye. Ndiyo ndaa tecikohomedzeswa no Bhaibheri kuti tingwarire pakusanangura shamwari! Kana shamwari dzedu dzecida Mwari, dzinotibetsera uye isusu tinodzibetserawo. Ngekudaro, tinokwanisa ‘kurumbwa tecikurudzirana uye tecibambisana.’—1 Atesaronika 5:11.
2. Djehovha anozwa kudini nge masananguriro atinoita shamwari?
Djehovha aashamwaridzani no munhu wese wese. “Iyena i shamwari ye padhuze ye ano unatsi.” (Zvierengo 3:32) Djehovha angazwa kudini kana tikasanangura kutamba no anhu asikamudi? Zvingamurhwadza maningi! (Erengai Tiyago 4:4.) Asi kana tikaramba kutamba no anhu akashata tokhwedera dhuze naye uye no anhu anomuda, iyena anopfadzwa na isusu uye anotisanangura kuti tigare shamwari dzake.—Pisarema 15:1-4.
FUNDAI ZVAKAWANDA
Ongororai kuti ngei masananguriro atinoita shamwari ecikosha, uye onai kuti mungaita kudini kuti mugare no shamwari dzingazomubetsera mu upenyu.
3. Ngwarirai shamwari dzakashata
Anhu asikadi Mwari no mitemo yake, ishamwari dzakashata. Ridzai VHIDHIYO, pedzepo cedzai nge zve mubvunzo unoteera.
-
Zvingaitika kudini kuti tishamwaridzane no anhu akashata tisikazvirangariri?
Erengai 1 Akorinti 15:33, pedzepo cedzai nge zve mibvunzo dzinoteera:
-
Watingabhuya kuti i shamwari yakashata ndi munhu wakaita kudini? Ngei mecibhuya kudaro?
Erengai Pisarema 119:63, pedzepo cedzai nge zve mubvunzo unoteera:
-
Cinyi cinomupangidza kuti munhu uu ungagara shamwari yakanaka?
Mucero wakaora unooresa micero dzimweni dzakanaka. Shamwari yakashata ingamupfuridzira kudini?
4. Anhu ano mathunga uye anobva ku mbuto dzakasiyana na isusu angagara shamwari dzakanaka
Bhaibheri rinobhuya nge zve anarume airi eci Israeri, aizwi Dhavhidhi na Djonathani. Awona ainga ano ushamwari wakanaka maningi, asi ainga ano mathunga akasiyana uye aibva ku mhuri dzakasiyana. Erengai 1 Samueri 18:1, pedzepo cedzai nge zve mubvunzo unoteera:
-
Ngei tisikadikani kundopsvaka shamwari dze thunga redu kana kuti dzino mugariro umwewo no wedu?
Erengai Aroma 1:11, 12, pedzepo cedzai nge zve mubvunzo unoteera:
-
Shamwari dzinoda Djehovha dzinobambisana kudini?
Mu vhidhiyo inoteera, onai kuti hama imweni yecidjaha yakaona kudini shamwari yakanaka. Ridzai VHIDHIYO, pedzepo cedzai nge zve mibvunzo dzinoteera.
-
Mu vhidhiyo yataona, ngei abereki a Akil’s aimuthyira pa shamwari dzake dzekucikora?
-
Pakutanga, cinyi caaipfarira pashamwari dzake?
-
Wakazokunda kudini kutsukwara kaiita?
5. Maonero amungaita shamwari dzakanaka
Fundai zvamungaita kuti mugumire shamwari dze zvirokwazvo uye zvamungaita kuti imwimwi mugarewo shamwari yakanaka. Ridzai VHIDHIYO.
Erengai Zvierengo 18:24 uye 27:17, pedzepo cedzai nge zve mibvunzo dzinoteera:
-
Shamwari dze zvirokwazvo dzinobetserana kudini?
-
Mune shamwari dzakadaro here? Kana musina, mungadzigumira kudini?
Erengai Afiripi 2:4, pedzepo cedzai nge zve mubvunzo unoteera:
-
Kuti muone shamwari dzakanaka, imwimwiwo munodikana kugara shamwari yakanaka. Mungazviita kudini?
Kuti muone shamwari yakanaka, imwimwi munodikana kugarawo shamwari yakanaka
ANHU AMWENI ANOTI: “Cinokosha kugara no shamwari basi azvinei kuti yakadini.”
-
Munorangarirawo kudini?
MUCIGWAGWA
Kana tikasanangura shamwari no ungwaru, tinopfadza Djehovha uye isusu tinobetserekawo.
Mibvunzo yekuhwirinzira
-
Ngei mushobo watinosanangura shamwari wecikosha kuna Djehovha?
-
Tinodikana kusiyana no shamwari dzakaita kudini?
-
Mungaita kudini kuti mugare no ushamwari wakabamba no anhu akanaka?
ZIYAI ZVAKAWANDA
Onai kuti shamwari dze zvirokwazvo dzinokwanisa kudini kumubetsera pamunosongana no miedzo.
“Wakai Ushamwari Wakabamba Mugumo Usati Waguma” (Murindiri wa Novembro 2019)
Fundai zvamungaita kuti mugumire shamwari dzakanaka.
Cinyi camunodikana kuziya nge zve shamwari dze pa interneti?
Erengai nyaya inoti, “Ndaitsumba Ndeciti Kudai Ndainga Ndina Baba,” muone kuti mwanarume umweni wakazoona kudini kuti waidikana kucinja shamwari dzake.
“Bhaibheri Rinocinja Upenyu” (Murindiri wa 1 ya Abriri wa 2012)
