FUNDO 49
Mungaita Kudini Kuti Mhuri Yenyu Ipfare?—Dii 1
Zuwa remucato, anhu anonga ecicata anonga ecirangarira kuti mupfaro waanawo ucarumbwa uripo nokusikaperi. Uye zvezvirokwazvo, angakwanisa kupfara nokusikaperi. Akristu aano makore akawanda acata uye anoseenza no simba kuti ateedzere zvinorekethwa no Bhaibheri anoziya kuti izvona zvinoitikadi.
1. Bhaibheri rinopasa mazano api ku amuna?
Djehovha akasanangura amuna kuti agare musoro we mhuri. (Erengai Aefeso 5:23.) Djehovha anoda kuti mwamuna asanangure zviro zvicabetsera mhuri yake. Bhaibheri rinobvunza amuna kuti: “Rumbwai mecida akadzi enyu.” (Aefeso 5:25) Izvona zvinoreyei? Mwamuna uno rudo unobata zvakanaka mukadzi wake nguwa dzese, kunyazi ari oga kana kuti pakadzara no anhu. Iyena unodziirira mukadzi wake, unoita zvese zvaanokwanisa kuti amuriritire uye unopsvaka nguwa yekugara naye. (1 Timoti 5:8) Asi cinonyanya kukosha, iyena unomutungamirira pa zviro zvekunamata. (Mateu 4:4) Ngo muezaniso, iyena unoita munamato uye unoerenga Bhaibheri no mukadzi wake. Mwamuna unobata zvakanaka mukadzi wake, unorumbwa ano ushamwari na Djehovha.—Erengai 1 Pedru 3:7.
2. Bhaibheri rinopasa mazano api ku akadzi?
Soko ra Mwari rinobhuya kuti mukadzi unodikana “kureremedza mwamuna wake maningi.” (Aefeso 5:33) Ungazviita kudini? Iyena ungarangarira zviro zvakanaka zvinoizwa no mwamuna wake uye kuseenza no simba kaanoita kuti ariritire iyena pamwepo no ana. Iyena unopangidzawo rureremedzo ngekutsigira zvinosanangurhwa no mwamuna wake uye unoreketa naye zvakanaka. Aareketi zviro zvakashata nge zve mwamuna wake ku anhu amweni kunyazi mwamuna wake asikatendi.
3. Mwamuna no mukadzi angabambisa kudini mucato wawo?
Bhaibheri rinobhuya kuti kana anhu akawakana anogara: “Nyama imwe.” (Mateu 19:5) Izvi zvinoreya kuti awona anodikana kurhwisa zviro zvese zvingakwanisa kuarambanisa. Awona anoita izvi ngekugara ecipsvaka nguwa yekugara ese pamwepo, umwe na umwe ecireketa zviro zviri mukati me mwoyo wake. Apana munhu kana ciro cipi haco caanokoshesa kupinda wawakawakana naye, kusiya Djehovha basi. Uye awona anongwarira kuti asasakurire rudo ku munhu umweni kunyazi kudjairana naye.
FUNDAI ZVAKAWANDA
Onai mazano e Bhaibheri anokwanisa kubambisa mucato wenyu.
4. Amuna idai uye cengetai akadzi enyu zvakanaka
Bhaibheri rinobhuya kuti amuna anodikana “kuda akadzi awo hingana mwiri wawo.” (Aefeso 5:28, 29) Izvona zvinoreyei? Ridzai VHIDHIYO, pedzepo cedzai nge zve mubvunzo unoteera.
-
Mu vhidhiyo yataona, mwamuna unopangidza kudini kuti unoda mukadzi wake uye kuti unomukoshesa?
Erengai Akorosi 3:12, pedzepo cedzai nge zve mubvunzo unoteera:
-
Mwamuna ungaseenzesa kudini tsamba ii mu mucato wake?
5. Akadzi idai uye reremedzai amuna enyu
Bhaibheri rinobhuya kuti mukadzi unodikana kureremedza mwamuna wake azvinei nekuti mwamunewo unoseenzera Djehovha here kana kuti haiwa. Erengai 1 Pedru 3:1, 2, pedzepo cedzai nge zve mibvunzo dzinoteera:
-
Kana mwamuna wenyu asikaseenzeri Djehovha, zviri pamhene kuti imwimwi munoda kuti iyena aseenzere Djehovha. Mu maonero enyu, cinyi cingamubetsera kuti iyena atange kuseenzera Djehovha. Kugara mecimuparidzira here kana kuti kugara mukadzi wakanaka mecimureremedza? Ngei mecibhuya kudaro?
Mwamuna no mukadzi angaita zvisananguro zvakanaka pamwepo. Asi nguwa dzimweni, mukadzi ungasama kutenderana no zviri kurangarirhwa no mwamuna wake. Iyena ungabhuyawo zvaarikurangarira asi unodikana kuzviita no rureremedzo uye nge mushobo wakanaka, eciziya kuti Djehovha ndiyena akapasa mwamuna basa rekuita zvisananguro zvaanoona kuti ndizvo zvakanakira mhuri yake. Mukadzi akaita kudaro, awona acapfara mu mucato wawo. Erengai 1 Pedru 3:3-5, pedzepo cedzai nge zve mubvunzo unoteera:
-
Djehovha anozwa kudini mukadzi paanoreremedza mwamuna wake?
6. Munokwanisa kugadzirisa zviro zvirikumunetsa mu mucato wenyu
Akuna mucato wakakwana. Ndiyo ndaa mwamuna no mukadzi anodikana kuseenza no simba kuti akunde zvinetso zvaanosongana nazvo mu mucato. Ridzai VHIDHIYO, pedzepo cedzai nge zve mibvunzo dzinoteera.
-
Mu vhidhiyo yataona cinyi cinopangidza kuti rudo rainga raakupera mu mucato uu?
-
Awona akaitei kuti abambise mucato wawo?
Erengai 1 Akorinti 10:24 uye Akorosi 3:13. Mu masure mekuerenga tsamba idzi, cedzai nge zve mubvunzo unoteera:
-
Zano iri rinobetsera kudini pakubambisa mucato?
Bhaibheri rinobhuya kuti tinodikana kukudzana. Kukudza munhu kunobatanidza kumubata zvakanaka uye no rureremedzo. Erengai Aroma 12:10, pedzepo cedzai nge zve mibvunzo dzinoteera:
-
Kodi mwamuna kana mukadzi anodikana kuetsera kuti atange iyena kukudzwa no umweni wake here? Ngei mecibhuya kudaro?
ANHU AMWENI ANOTI: “Zviro zvacinja mu mucato wangu. Isusu aticapindirani.”
-
Mungapanganidzira kudini munhu wakadaro kuti Bhaibheri rinokwanisa kumubetsera?
MUCIGWAGWA
Mwamuna no mukadzi anopfara mu mucato wawo kana awona ecidanana, ecireremedzana uye eciseenzesa mazano ari mu Bhaibheri.
Mibvunzo yekuhwirinzira
-
Mwamuna ungaita kudini kuti apfare mu mucato?
-
Mukadzi ungaita kudini kuti apfare mu mucato?
-
I zano ripi re mu Bhaibheri rinokwanisa kumubetsera kubambisa mucato wenyu?
ZIYAI ZVAKAWANDA
Onai mazano anoseenza anokwanisa kumubetsera kuti mugare no mhuri inopfara.
Onai ngoma ye vhidhiyo inopangidza makomborero atinoona kana tikaseenzesa mazano a Mwari mu mucato.
Ongororai kuti zvinoreyei kudzikanda pasi pe mwamuna.
“Ngei Anakadzi, Ecidikana Kudzikanda pasi pe Amuna Awo?” (Murindiri wa 15 ya Mayo wa 2010)
Kazado imweni yakakunda kudini zvinetso zvakakura kutombatanidzawo kurambana?
