FUNDO 53
Sanangurai Waraidzo Inopfadza Djehovha
Djehovha “ndi Mwari anopfara.” (1 Timoti 1:11) Anoda kuti tipfare uye tidakadzwe no upenyu. Iyena anopfarawo paanoona tecitora nguwa kuti tiwaraidzike takazorora tecipfara. Mu fundo ino, ticaona kuti tingaseenzesa kudini nguwa yedu yekuzorora nge mushobo unoita kuti tipfare uye unopfada Djehovha.
1. Tinodikana kuedzurirei patinosanangura zviro zvinotiwaraidza?
Munonyanya kupfarira kuitei pa nguwa yenyu yekuzorora? Anhu amweni anoda, kugara hawo pa nyumba ari ega ecierenga mabhuku, ecipurutana ngoma, eciona mafirme, kana kupsvaka zviro pa internet. Amweni anoda kuita zviro zvakadai hinga koopaseari no shamwari dzawo, kana kuita mitambo dzimweni. Azvinei kuti tinopfarira kuita zviro zvipi, tinodikana kusanangura kuwaraidzwa no zviro “zvinopfadza Tenzi.” (Aefeso 5:10) Izvi zvinokosha kuti tizvizwisise ngekuti zviro zvakawanda maningi zvirikuwaraidza anhu mazuwa ano, ndi zviya zvinozondhwa na Djehovha, zvakaita hingana nyaya dzekurhwisana, uhure, no zvemadhimoni. (Erengai Pisarema 11:5.) Tingaita kudini kuti tisanangure zvakanaka pa nyaya ye zvekudziwaraidza?
Kana tikasanangura shamwari dzinoda Djehovha, zvicaita kuti tigare anhu akanaka uye ticasanangura no ungwaru zviro zvinotiwaraidza. Hingana zvatakafunda mu fundo imweni, “munhu unohamba no munhu wakangwara ucagara akangwara.” Asi tikagara tecishamwaridzana no anhu asikadi mitemo ya Djehovha ‘zvicatishatira.’—Zvierengo 13:20.
2. Ngei zvecikosha kuti tingwarire nguwa yatinopedza tecidziwaraidza?
Kunyazi tecidziwaraidza no zviro zvakanaka, tinoda kungwarira kuti tisapedze nguwa yakawanda tecindodziwaraidza. Kana tikadaro tinopedzesera tisina nguwa yekuita zviro zvinokosha. Bhaibheri rinotikohomedzesa kuti “tiseenzese nguwa [yedu] no ungwaru.”—Erengai Aefeso 5:15, 16.
FUNDAI ZVAKAWANDA
Fundai kuti mungasanangura kudini zviro zvinomuwaraidza no ungwaru.
3. Musawaraidzwe no zviro zvakashata
Ngei tecidikana kungwarira pakusanangura zviro zvinotiwaraidza? Ridzai VHIDHIYO, pedzepo cedzai nge zve mibvunzo dzinoteera.
-
Zvaiizwa mu mitambo ye kare zvakaezana papi no zviro zviri kuwaraidza anhu mazuwa ano?
-
Mu vhidhiyo yataona, Danny wakafundei nge zve nyaya yekudziwaraidza?
Erengai Aroma 12:9, pedzepo cedzai nge zve mubvunzo unoteera:
-
Zviri kurekethwa no tsamba ii zvingamubetsera kudini pakusanangura zviro zvinomuwaraidza?
Ngazvipi zviro zvimweni zvinozondwa na Djehovha? Erengai Zvierengo 6:16, 17 uye Agaratiya 5:19-21. Pedzepo erengai tsamba imwe na imwe, mocedza meciseenzesa mubvunzo unoteera:
-
Ngazvipi zvarekethwa mu tsamba idzi zvinonyanya kuizwa no anhu mazuwa ano pakudziwaraidza?
Masananguriro amungaita zviro zvinomuwaraidza no ungwaru
Dzibvunzisei kuti:
-
Cinyi? Zvinobatanidza zviro zvisikapfadzi Djehovha here?
-
Riini? Ndiri kuzviita pa nguwa yandinodikana kuita zviro zvimweni zvinokosha here?
-
Naani? Zvinoita kuti ndigare ndecishamwaridzana no anhu asikadi Djehovha here?
Zvakanaka maningi kuti titambire kure ne kune ngozi. Hino, kana tisina cokwadi cekuti zviri kutiwaraidza zvakanaka here kana kuti haiwa, zviri nani kuti tigare kure nazvo
4. Seenzesai nguwa yenyu no ungwaru
Ridzai VHIDHIYO, pedzepo cedzai nge zve mubvunzo unoteera.
-
Kunyazi hazvo hama yataona mu vhidhiyo yainga isikaoni zviro zvakashata, mushobo waaiseenzesa nguwa yaainga asiripi pa basa yaiyakanda kudini pa ngozi?
Erengai Afiripi 1:10, pedzepo cedzai nge zve mubvunzo unoteera:
-
Tsamba ii inotibetsera kudini pakusanangura kuti ticapedza nguwa yakadini tecidziwaraidza?
5. Sanangurai zvekudziwaraidza nazvo zvisikakuwadzi
Kunyazi hazvo zviro zvimweni zvinowaraidza anhu zvisikapfadzi Djehovha, kuno zvakawanda zvinodakadza zvisikamunyangadzi. Erengai Muparidzi 8:15 uye Afiripi 4:8, pedzepo cedzai nge zve mubvunzo unoteera:
-
Munonyanya kupfarira kuwaraidzwa no zviro zvipi zvakanaka?
Kune zviro zvakanaka zvekudziwaraidza nazvo
ANHU AMWENI ANOTI: “Kana inini ndisikazviiti apana cakashata kuwaraidzwa no zviro zvekurhwisana, uhure, kana kuti zvemadhimoni.”
-
Imwimwi munotiwo kudini?
MUCIGWAGWA
Djehovha anoda kuti tisanangure kuwaraidzwa no zviro zvakanaka uye tipfadzwe nazvo.
Mibvunzo yekuhwirinzira
-
AKristu aadikani kuwaraidzwa no zviro zvakaita hingana zvipi?
-
Ngei tecidikana kungwarira nguwa yatinopedza tecidziwaraidza?
-
Ngei mecida kusanangura zviro zvekudziwaraidza nazvo zvinopfadza Djehovha?
ZIYAI ZVAKAWANDA
Fundai kuti ndiani unodikana kutisanangurira zviro zvekudziwaraidza nazvo.
“Apupuri a Djehovha Anorambidza Mafirme, Mabhuku Kana Kuti Ngoma Here?” (Fundo ye mu site)
Onai kuti mungasanangura kudini no ungwaru pa nyaya yekudziwaraidza.
“Zvamunodziwaraidza Nazvo Zvinobetsera Here?” (Murindiri wa 15 ya Otubro 2011)
Mu shwiro inoti “Ndakasiya Kusanangura Kandaiita,” onai cakaita kuti mwanarume umweni acinje zviro zvaaidziwaraidza nazvo.
“Bhaibheri Rinocinja Upenyu we Anhu” (Murindiri wa 1 ya Fevrero 2010)
Onai kuti mai amweni akangwarira kudini pakusanangura zvekudziwaraidza nazvo zvisina zvecidhimoni.
