NDIMA 7
Djesu Wainga Ari Ani?
Djehovha wakatuma Djesu panyika. 1 Juau 4:9
Kana ticida kupfadza Djehovha, tinodikana kupurutana munhu umweni wakakwirira. Kareko asati asika Adhamu, Djehovha wakasika munhu une simba zvikuru wokumudzimu kumatenga.
Nokuhamba kwe nguwa, Djehovha wakatumira munhu uu kuti abarirwe ku Bheterehema nge imwe mhandwe inozwi Maria. Mwana wakhona wakazopuwa zina rokuti Djesu.—Juau 6:38.
Se mwanarume panyika, Djesu wakapangidzira zvakakwana unhu hwa Mwari. Iyena wainga akanaka, anerudo, unogumika. Nokushinga, wakafundisa amweni zvirokwazvo nezva Djehovha.
Djesu wakaita zvakanaka, asi wakazondwa. 1 Pedru 2:21-24
Djesu wakarapawo airwara, wakamutsawo anhu amweni ainga afa.
Atungamiriri emachechi aizonda Djesu ngekuti iyena waipushurura mafundisiro awo emanyepo ne mararamiro awo akashata.
Atungamiriri emachechi akachengedzera Waroma kuti aponde no kuuraya Djesu.
