ATAMBIRI Hama dzakagadzwa kuti dzimutambirei. Tapota nyasai kupindirana nawo uye kutondoedza mazano awo anocokuita nokutseamisa motokari, kuhamba-hamba ke anhu, kucengeta mbuto, ne zvimweniwo zvakasiyana-siyana.

BASA RE KUZVIPIRA Kana mecida kuzvipira pakubatsira pa mabasa akasiyana-siyana e pa gungano, tapota bvunzai Dhepartamento re Masoko uye Dhepartamento re Basa re Kuzvipira.

MIPANDO YOKUGARIRA Tabata murenje, reremedzai anhu amweni. Edzurirai kuti, mipando yokugarira inodikana kucengeterwa basi nhai dze mhuri yenyu uye aya amarura nawo rwendo mu motokari imweyo, anorarama na imwimwi pa nyumba imweyo kana aya amuri kufunda nawo Bhaibheri. Tapota, musasiye zviro pa mipando yamusiripi kucengeteramunhu.

MIPIRO Zve zvirokwazvo paseenzeswa mare yakati wandei kuti paoneke zvese zviri pano, tiri kureya isusu nge zve mbuto dzokugarira dzakanaka, midziyo yokuridza ngoma uye midziyo ye mavhidhiyo no mabasa amweni akasiyana-siyana anoita kuti tidakadzwe nge gungano rino uye kuti tikhwedere padhuze kuna Djehovha. Mipiro yenyu yekuzvipira ndiyo inokukutidza zviro zvese zvinodikanwa uye inobatsira basa redu re mu nyika yese. Kana mecida kupa mipiro yenyu, kuno mabhokisi e mipiro ari pamhene akagadzikwa pa ruwanze rese re pano. Mipiro yenyu yese inotendwa zvikuru. Mutumbi Unotungamirira ari kuda kumutendai zvikuru nge ndaa ye kupa kwenyu rubatsiro ku zviro zvinodiwa zve Umambo.

RUBHABHATIDZO Anhu acabhabhatidzwa acagadzirirwa mbuto yokugara iri mberi ke cikuwa, kana pasina nhungamiriro imweni. Anhu acabhabhatidzwa anodikana kuoneka akagara pa mbuto yaakagadzirirwa mharidzo ye rubhabhatidzo isati yatanga mu Sabudu ce macibese. Umwe na umwe acabhabhatidzwa anodikana kuunzisa tuariya no macira ekusamba nawo akathema.

ZVAKAPSVETEKA UYE ZVAONEKA Midziyo yese yakapsveteka isina muridzi, inodikana kuendeswa ku Dhepartamento rinoonerera nge zviro Zvakapsveteka uye Zvaoneka. Kana imwimwi mapsvetekerwa nge ciro, endai ku Dhepartamento iri kuti murekete nge zve magarire akaita ciro camapsvetekerwa naco. Ana adoko anodikana kugara ari padhuze no apsvari awo uye kana akapsveteka anodikana kuendeswa ku Dhepartamento iri. Hino, kuti pasabarwe kupisa ke musoro ku anhu ese anobatanidzwa, tapota cengetedzai ana enyu uye musaasiye nhando.

ZVEKURAPA Tapota, nyasai kurangarira kuti mabasa aya anoonerera basi nge zve NYAYA KWADZO DZE UTHONGO.

CIKORA CE APARIDZI E UMAMBO Mapiyonero ari pakati pe makore 23 uye 65 anopfarira kutunhudzira basa rawo, anopikwa kuti apinde musangano we aya anoda kuenda ku Cikora ce Aparidzi e Umambo pa Biningu ce masikati. Nguwa uye mbuto icaizwa musangano uu icaziiswa.