AKAWAKANA
2: Kuseenza pamwepo
ZVINOREYEI?
Kana mwamuna no mukadzi akaseenza pamwepo acaita hingana atekenyi e ndeka. Kunyazi pakamuka dambudziko ese ari airi anodikana kukanda nzero dzawo pamwepo.
ZVINOBHUYA BHAIBHERI: “Aasiripizve airi, asi nyama imwe.”—Mateu 19:6.
“Mwamuna no mukadzi anodikana kuseenza pamwepo kuti nyumba yawo ibudirire.”—Christopher.
NGEI ZVECIKOSHA?
Kana pakamuka kutama kuzwirana, mwamuna no mukadzi asingaseenzi pamwepo anopsvakirana ndaa pano kugadzirisa dambudzikoro. Zvindaa zvidoko zvinopedzesera dzaa huru.
“Kuti nyumba irumbwe yakaima zvinotoda kuseenza pamwepo. Kudai inini ne mwamuna tisikaiti zviro pamwepo, taizoita hinga anhu ari kugara mu nyumba imweyo asi eciita mazvake-mazvake.”—Alexandra.
ZVAMUNGAITA
DZIONGOROREI
-
Mare yandinotambira ndinoti “nge yangu ndega” here?
-
Kana umweni wangu asiripopi ndipo pandinozwa kupepererhwawo here?
-
Ndinotambira kure ne hama dze umweni wangu, kunyazi hazvo iyena ecipindirana nadzo here?
CEDZAI NE MUDONI WENYU
-
Mu mucato wedu, matii api atiri kuseenza takabatana?
-
Matii api atinodikana kugadzirisa?
-
Ngazvipi zvatingaita kuti titunhudzire kuseenza pamwepo?
MAZANO
-
Psvakai kurangarira nge mushobo umwewo pa zviro zvamunoita haiwa kuita zve makwikwi.
-
Onai kuti ngazvipi zvamungaita kuti museenze pamwepo.
“Siyanai ne kupsvaka kuti ano ndaa ndiyani. Cinokosha nge cekuti mumba menyu mugare ne runyararo uye mubatane.”—Ethan.
ZVINOBHUYA BHAIBHERI: “Musikarangariri zvakamunakirai basi, asi zvakanakirawo amweni.”—Afiripi 2:3, 4.
