“Umambo Wenyu Ngauuye”—Munamato Unoizwa Nge Anhu Akawanda
Imwimwi makambonamata mecikumbira kuti Umambo wa Mwari uuye here? No kuhamba ke makore, anhu akawanda anosonamata eciti “Umambo wenyu ngauuye.” Ngei anhu anosonamata kudai? Ngokuti Djesu akabvunza ateeri ake kuti anamate ecikumbira Umambo wa Mwari.
Afundi a Djesu pokutanga aazi kunyasa kuzwisisa zvese zvakaringana ne Umambo. Zuwa rimweni awona akamubvunzisa eciti: “Tenzi maakuda kuhwirinza umambo ku Israeri zvinouno here?” Djesu aazi kuadjekesera kuti Umambo waizouya rini. (Zviito 1:6, 7) Izvi zviri kuda kureya kuti Umambo wa Mwari ndi ciro catisikakwanisi kuzwisisa here? Haiwa, andizvopi!
Revhista ino, icamubetserai kuti mugumire mhinduro dze mibvunzo dzinoteera:
Ngei Tecida Umambo wa Mwari?
Ndiyani Mambo we Umambo wa Mwari?
Umambo wa Mwari ucatonga nyika rini?
Zvinyi zvicaizwa no Umambo wa Mwari?
Ngei tecisanangura kutsigira Umambo wa Mwari zvino?
Cinyi cinozwi Umambo wa Mwari?
Mungazvipfarira
FUNDISO DZE MA BHUKU E BHAIBHERI
Cinyi Cinozwi Umambo wa Mwari?
Djesu paainga eciparidzira, wainyanya kubhuya nge zve Umambo wa Mwari kudarika shwiro ipi hayo. Ke mazana e makore, afundi ake anosonamata kuti Umambo uu uuye.
