Tinonamata Djehovha haiwa basi hinga cikwata cakakura mu misangano yedu uye magungano, asiwo tinonamata Djehovha tiri tega uye se mhuri. Apa pano mazano manganani amungaseenzesa pa fundo yenyu ye munhu ega uye pakunamata ke mhuri:

• Gadzirirai misangano ye ungano. Pamunonga mecigadzirira misangano, mungabatanidzawo kuemba ngoma uye mungabetserawo mhuri yenyu kuti igadzirire mhinduro.

• Erengai ngano dze Bhaibheri. Kana mukapedza, itai dhezenyo ye mufanikiso uri mu ngano iyona kana kuti tarai zvamafunda.

• Ongororai minamato dzinooneka mu Bhaibheri, pedzepo cedzai ngezve zviro zvingamubetsera kuti mungatunhudzira kudini minamato yenyu.

• Onai vhidhiyo dze sangano uye pedzepo cedzai ngezvazvo no amweni kana kuti tarai ndima imwe ngezvazvo.

• Gadzirirai kuparidzira, pamweni ngekuezanisira muri kumba.

• Onai zvisikwa uye nyasai kurangaridza ngezvazvo kana kuti onai kuti izvona zvinomufundisei ngezva Djehovha. a