MUSORO WE KUFUNDA 5
“Seenzesai Nguwa Yenyu ne Ungwaru”
“Rumbwai makanyasa kungwarira kuti musahambe hingana mapenzi, asi hingana anhu akangwara, mecinyasa kuseenzesa nguwa yenyu ne ungwaru.”—AEF. 5:15, 16.
NGOMA 8 Djehovha I Mbuto Yedu Yekutizira
ZVATICAFUNDA *
1. Tingapedza kudini nguwa na Djehovha?
ISUSU tinoda maningi kupedza nguwa ne anhu atinoda. Nge muezaniso kazado inodanana inoda maningi kupedza nguwa iri pamwepo. Madjaha anopfarirawo maningi kupedza nguwa ne madzishamwari awo. Uye isusu tinodawo maningi kupedza nguwa tiri pamwepo ne hama ne hanzvadzi dze mu ungano, asi kupinda zvese tinoda maningi kupedza nguwa na Mwari wedu. Asi tingazviita kudini? Ngekuita minamato kaari, kuerenga Bhaibheri, kunyasa kurangarira nge zve zvipikirhwa zvake uye mawara ake. Amutenderani nazvo here kuti nguwa yatinopedza na Djehovha inokosha maningi!—Pis. 139:17.
2. Ngei zvisiripi nyore nguwa dzimweni kuti titore nguwa na Djehovha?
2 Kunyazi hazvo tecipfarira kupedza nguwa na Djehovha, asi nguwa dzimweni azviripi nyore. Tino zvakawanda zvokuita mu upenyu, ndiyo ndaa zvingatishupira kuona nguwa yekuita zviro zvekumwiya. Basa, mhuri uye ne ubaba umweni watinawo zvingakwanisa kutitorera nguwa yedu yatinayo. Ndiyo ndaa, tingaona hingana kuti atina nguwa yekuita munamato, yekufunda uye yekunyasa kurangarira.
3. Tinodikana kungwarirazve murau upi ungatipedzera nguwa?
3 Tinodikanazve kungwarira murau umweni. Tingakwanisa kupedza nguwa ne mabasa asikakoshi topedzesera tisina nguwa ye kukhwedera padhuze na Djehovha. Rangaridzai nge zve waraidzo, tese isusu tinoda kuzorora uye kuwaraidzwa. Kunyazi hazvo waraidzo yatinosanangura isikazi kushata, kana tikapedza nguwa yakawanda nayo ticakonerhwa nguwa yekuita mabasa e kunamata. Ndiyo ndaa, tinodikana kukanda waraidzo pa mbuto yayo.—Zvie. 25:27; 1Ti. 4:8.
4. Ticaonei mu fundo ino?
4 Mu fundo ino ticaona kuti ngei zvakanaka kukanda zviro
zvinokosha pa mbuto yekutanga. Uyewo ticaona kuti tingaseenzesa kudini zvakanaka nguwa yatinopedza na Djehovha, uye ngei zvakanaka kuita izvona.ITAI ZVISANANGURO ZVAKANAKA UYE KANDAI ZVIRO ZVINOKOSHA PA MBUTO YEKUTANGA
5. Tsamba ya Aefeso 5:15-17 ingabetsera kudini madjaha kuti aite zvisananguro zvakanaka mu upenyu?
5Sanangurai mushobo wakanaka wekuseenzesa upenyu wenyu. Kajinji madjaha anonetseka ngekuda kuziya kuti angaseenzesa kudini upenyu wawo. Nge dii rimweni afundisi awo e kucikora anyaukama asiripi Apupuri a Djehovha pamweni angaakohomedzesa kuti apinde cikora cepamusoro-soro kuti abudirire mu upenyu wawo. Izvona zvingakwanisa kuatorera nguwa yawo yakawanda maningi. Asi nge dii rimweni abereki uye shamwari dzawo dzingakwanisa kukohomedzesa madjaha kuti aseenzese upenyu wawo pakuseenzera Djehovha. Hino ngazvipi zvingakwanisa kubetsera madjaha kuti aite zvisananguro zvakanaka? Madjaha angakwanisa kuerenga Aefeso 5:15-17 uye kurangarira nge zvayo. (Erengai.) Mumasure mazvo awona angakwanisa kudzibvunzisa mibvunzo dzinoti: ‘Ngacipi “cido ca Djehovha”? Cisananguro cipi cicamupfadza? Cisananguro cipi cicandibetsera kuseenzesa nguwa yangu zvakanaka?’ Hingana zvinorekethwa na Aefeso, edzurirai kuti, “mazuwa akashata,” uye nyika ino iri kutongwa na Sathani mbai-mbai pano icapera. Ndiyo ndaa, kaizonga kungwarira kuseenzesa upenyu wedu nge mushobo unopfadza Djehovha.
6. Cisananguro cipi cakaizwa na Mariya, uye ngei cisananguro ici cainga cakanaka?
6Kandai zviro zvinokosha pa mbuto yekutanga. Pamweni paya kuti tiseenzese zvakanaka nguwa yedu, tinodikana kusanangura pa mabasa mairi asikazi kushata. Nge muezaniso rangarirai Djesu paakaenda koovhakacira Marta na Mariya. Marta waipfara maningi nge kutambira Djesu pa nyumba pake uye waida kubika zvokurhya zvinonaka. Asi hanzvadzi yake Mariya wakagara padhuze na Djesu kuti anyase kupurutana zviya zvaaifundisa. Marta waida kuita zviro zvakanaka, asi Mariya ‘wakanyasa kusanangura dii rakanaka.’ (Ru. 10:38-42) Pamweni Mariya wakazokanganwa zviro zvaakarhya pa zuwa irona, asi zvezvirokwazvo aazi kukanganwa zviro zvaakafundiswa na Djesu. Kuna Mariya nguwa yaakapedza na Djesu yaikosha maningi. Isusu tingakwanisawo kukoshesa nguwa yatinopedza na Djehovha. Hino tingaseenzesa kudini nguwa ii nge mushobo wakanaka?
SENZESAI NGUWA NA DJEHOVHA NGE MUSHOBO WAKANAKA
7. Ngei zvecikosha kuita munamato kufunda uye kunyasa kurangarira?
7Musakanganwe kuti kuita munamato, kufunda uye kunyasa kurangarira zvinobatanidzwa pakunamata kedu. Patinonamata tinonga tecireketa na Baba edu ekudenga anotida maningi. (Pis. 5:7) Patinofunda Bhaibheri tinogumira “uzii wa Mwari,” munhu ane uzii kupinda ese. (Zvie. 2:1-5) Patinonyasa kurangarira, tinorangarira nge zve mawara akanaka a Djehovha, uye ne zvipikirhwa zvake zvinoshamisa zve nguwa ye mberi. Amutenderani nazvo kuti uu mushobo wakanaka wekuseenzesa nguwa yedu? Ngekuti upenyu wedu wakadzara ne zviro zvekuita, tingaseenzesa kudini nguwa yedu nge mushobo wakanaka?
Madini kupsvaka mbuto yakanyararisa kuti muite fundo ye munhu ega? (Onai mandima 8-9)
8. Djesu akaseenzesa kudini nguwa yake paainga ari murenje, uye tingafundei nge zvazvo?
8Kana zvecibvira, sanangurai mbuto isina barulha. Rangarirai nge zve muezaniso wa Djesu. Asati atanga basa rake rekuparidzira, Djesu akapedza mazuwa anokwana Ru. 4:1, 2) Ku mbuto iyona isina barulha, Djesu aikwanisa kunamata kuna Djehovha uye kunyasa kurangarira nge zve cido ca Baba ake kaari. Zvezvirokwazvo, kuita izvona zvakakwanisa kubetsera Djesu kuti azokwanisane no miedzo yaaizosongana nayo ciriporipoco. Imwimwi mungafundeiwo no muezaniso wa Djesu? Kana muno mhuri yakakura, zvingakwanisa kushupha kugumira mbuto yakanyararisa mukati me nyumba menyu. Kana zvakadaro, pamweni zvakanaka maningi kupsvaka mbuto imweni. Izvi ndizvona kamare zvinosoizwa no hanzvadzi imweni inozwi Julie paanonga ecida kuita munamato kuna Djehovha. Iyena no mwamuna wake anogara pa nyumba yakadodoka ino misuwo yakawanda yekurugari ku França uye Julie aaone mukana wekugara ari ega pa mbuto isina barulha. Iyena unoti: “Ndiyo ndaa, ndinoenda ku parki mazuwa ese. Ikona ndinokwanisa kugara ndiri ndega uye kukanda ndangariro dzangu pa mbuto kuti ndicedze na Djehovha.”
kuita 40 murenje. (9. Djesu akapangidza kudini kuti aikoshesa ushamwari wake na Djehovha?
9 Djesu ainga akabatikana maningi mu upenyu wake. Panguwa yaaita basa rake rekuparidzira, cikwata cikuru ce anhu caimuteera kese kaaienda uye caida kuoniwa naye. Zuwa rimweni, “thaundi rese rainga rakaungana pamberi pe musuwo” kuti amuone. Kunyazi zvakadaro, Djesu aitora nguwa kuti anamate kuna Djehovha. Kusati kaedza, ayena akaenda ku “mbuto yainga yakanyararisa” kuti apedze nguwa ari ega na Baba ake.—Mk. 1:32-35.
10-11. Maererano na Mateu 26:40, 41, Djesu akapasa aphostori ake zano ripi, asi cinyi cakaitika?
10 Pa usiku asati afa, paainga oda kupedzesa basa rake rekuparidzira, Djesu akaendazve ku mbuto yakanyararisa kuti anamate uye anyase kurangarira. Ayena akaenda ku munda we Getsemani. (Mt. 26:36) Pa usiku uwona, Djesu akapasa afundi ake zano rinokosha nge zve munamato.
11 Rangarirai zvakatika pa usiku uwona. Djesu no afundi ake, akaguma mu munda we Getsemani asi kainga kadoka, pamweni painga pari pakati pe usiku. Pedzepo, Djesu akati ku aphostori ake: “Rumbwai makangwarira,” uye akabvepo kuti aite munamato. (Mt. 26:37-39) Asi paainga eciita munamato, afundi ake akawata. Asi Djesu paakahwirira owagumira eciwata, akabhuyazve ku aphostori ake eciti “garai makarinda uye meciita munamato.” (Erengai Mateu 26:40, 41.) Djesu aiziya kuti awona ainga akaremba uye ecinetseka maningi. Djesu akaazwisisa eciziya kuti “nyama aina simba.” Asi ngazvipi zvakaitika? Djesu akaenda koonamatazve kairi kese, asi paakahwirira, akagumira aphostori ake eciwatazve.—Mt. 26:42-45.
Madini kuita munamato pamunonga musikazi kunyanya kuremba? (Onai ndima 12)
12. Tingaitei patinozwa tecipisika musoro uye takaremba kuti tiite munamato?
12Sanangurai nguwa yakanaka. Nguwa dzimweni, tingakwanisa kuzwa tecipisika musoro kana kuti takaremba maningi kuti tiite munamato. Imwimwi makambozwawo kudaro here? Amuripi mwega. Ngazvipi zvamungaita? Anhu amweni ainga ano musambo wekuita munamato asati awata, akaona kuti pamweni paya, zvakanaka maningi kuita munamato pacino nguwa paanonga asati anyasa kuremba. Amweni akaona kuti mushobo waanonga akagara paanoita munamato ungabetsera. Asi zvakadini kana mecizwa kunetseka kana kuti makaora mwoyo zvekuti amukwanisi kuita munamato? Bvunzai Djehovha zvamuri kuzwa. Gondai henyu kuti Baba edu ano rudo acamuzwisisa.—Pis. 139:4.
Madini kutama kudaira mamesaji pamunonga muri pa misangano? (Onai mandima 13-14)
13. Ngei micini ye magetsi ingakwanisa kutikangaidza pa nguwa yedu na Djehovha?
13Pamunonga mecifunda, ngwarirai zviro zvinomukangaidza. Minamato andiwopi basi ungakwanisa kubambisa ushamwari wedu na Djehovha. Tinodikanawo kufunda Bhaibheri uye kupinda misangano. Asi ngazvipi zvamunodikana kuita kuti munyase kukhorovhera zvakanaka nguwa iyona ii? Dzibvunzisei kuti: ‘Cinyi cinosondikangaidza pandinonga ndiri pa misangano kana kuti pandinonga ndecifunda?’ Ciro cingakwanisa kutikangaidza nge cekufonerhwa, kutambira ma e-mails kana kuti mamesaji. Micini iyona ii ye magetsi yakanaka maningi uye mamirionji e anhu anayo. Asi akwarakwatisi amweni akaona kuti kugara no thurufunu padhuze kungakwanisa kutikangaidza. Mufundisi umweni we psicologia wakabhuya eciti: “Munhu aakwanisi kukanda ndangariro dzake pa zviya zvaanonga eciita,” ngekuti zvinoita hingana kuti “ndangariro dzake dzinonga dziri ku mbuto imweni.” Magungano edu asati atanga, kajinji tinosozwa ciziiso ceciti tinodikana kunyararisa thurufunu dzedu kana kuti midziyo yedu ye magetsi kuti zvisakangaidze amweni. Kodi tingazviitawo no micini yedu yemagetsi kuti isazotikangaidze patinonga tecipedza nguwa yedu na Djehovha here?
14. Maererano na Afiripi 4:6, 7, Djehovha anotibetsera kudini kuti ndangariro dzedu dzigare pa mbuto imwe?
14Kumbirai Djehovha kuti amubetsere kukanda ndangariro dzenyu pa zviya Afiripi 4:6, 7.
zvamunonga meciita. Pamweni paya, tingakwanisa kurangarira zvimweni patinonga tecifunda kana kuti patinonga tiri pa misangano. Kana zviri izvona zviri kuitika kamuri, kumbirai rubetso ra Djehovha. Zviri pamhene kuti zvinoshupha kukanda ndangariro dzedu pa zviro zve kumwiya patinonga tecidzirhya mwoyo kana kuti patinonga tecinetseka. Asi kuita izvona zvinokosha maningi. Hino namatai mecikumbira runyararo ra Djehovha iro ricakwanisa kumudziirirai haiwa basi mu mwoyo, asi ‘mundangariro dzenyu.’—ErengaiNGEI ZVAKANAKA KUPEDZA NGUWA NA DJEHOVHA
15. Ngei zvakanaka kupedza nguwa na Djehovha?
15 Zvakanaka maningi kuti tipedze nguwa na Djehovha tecimupurutana uye tecirangarira nge zvake. Ngei? Cekutanga, imwimwi mucaita zvisananguro zvakanaka. Bhaibheri rinogondesa kuti “munhu anohamba no munhu akangwara ucagara akangwara.” (Zvie. 13:20) Hino, kana mukapedza nguwa na Djehovha, munhu ano ruziyo kupinda ese, zvezvirokwazvo imwimwi mucagarawo munhu ano ruziyo. Mucakwanisa kuita zvisananguro zvinomupfadza uye amuzomurhwadzisi.
16. Ngei kupedza nguwa na Djehovha kunotibetsera kuti tigare afundisi akanaka?
16 Cecipiri, imwimwi mucagara mufundisi wakanaka. Cinangwa cedu patinonga tecifunda no munhu Bhaibheri, nge ce kumubetsera kuti ade Djehovha. Kana tikapedza nguwa na Baba edu e kudenga, rudo redu kaari ricatunhudzirika uye zvicaitawo nyore kubetsera mufundi wedu kuti adewo Djehovha. Ndizvona kamare zvakaitika na Djesu. Ayena aireketa no rudo nge zva Baba ake zvekuti afundi ake akatoguma pakudawo Djehovha.—Ju. 17:25, 26.
17. Ngei munamato uye fundo ye munhu ega zvinotunhudzira kutenda kedu?
17 Cecitatu, kutenda kenyu kucanyasa kubamba. Rangarirai zvinosoitika pese pamunokumbira Djehovha nhungamiriro, nyaradzo uye rubetso. Djehovha paanodaira munamato wenyu, kutenda kenyu kucanyasa kubamba. (1Ju. 5:15) Ciro cimwenizve cingakwanisa kumubetsera kuti mubambise kutenda kenyu, i fundo ye munhu ega. Bhaibheri rinoti: “Kutenda kunouya kana munhu azwa masoko.” (Aro. 10:17) Patinonga tecifunda Bhaibheri, zvinoita hingana kuti tirikupurutana Djehovha. Asi kuti tikwanise kugara nokutenda kakabamba, kufunda basi nge zva Djehovha azvikwani. Hino tinodikana kuiteizve?
18. Pisarema 77 rinopangidza kudini kukosha ke kunyasa kurangarira?
18 Tinodikana kunyasa kurangarira zviya zvatinonga tecifunda. Rangarirai zvakaitika Pisarema 77. Iyena wakanetseka maningi ngekuti wairangarira kuti iyena pamwepo ne Aisraeri ainga arambwa na Djehovha. Mutari we Pisarema uu wakanetseka maningi zvokuti waikonerhwa kuwata. (Mavhersikuro 2-8) Hino wakaitei? Iyena wakati kuna Djehovha: “Ndicanyasa kurangarira nge zve zviito zvenyu uye ndicarangarira zvamakaita.” (Vhersikuro 12) Zviri pamhene kuti mutari we Pisarema uyu waiziya zviro zvakaizwa na Djehovha ku anhu ake mu nguwa yakadarika, kunyazi zvakadaro iyena wakadzirhya mwoyo uye wakadzibvunzisa eciti: “Mwari akanganwa kupangidza nyasha dzake, kana kuti kutsamwa kake kaita kuti usisi wake upere here?” (Vhersikuro 9) Pedzepo mutari we Pisarema uu wakarangarira nge zve mabasa a Djehovha uye nge mushobo waakabata anhu ake kareko. (Vhersikuro 11) Zvakaguma nei? Mutari we Pisarema uu wakagara ne cokwadi cokuti Djehovha aazosii anhu ake. (Vhersikuro 15) Nge mushobo umwewo kana mukanyasa kurangarira zvakaizwa na Djehovha ku anhu ake uye kutobatanidzawo na imwimwi kutenda kenyu kucanyasa kubamba.
ku mutari umweni we19. Ngacipi cikonzero cimweni catinaco kuti tipedze nguwa na Djehovha?
19 Cecirongomuna uye cinonyanya kukosha, rudo renyu na Djehovha ricakura. Kupinda mawara ese rudo ndirona ricamupasa cido cekuda kuzwira Djehovha, cekupeta masimba kuti mumupfadze uye kushingirira dambudziko ripi haro. (Mt. 22:37-39; 1Ako. 13:4, 7; 1Ju. 5:3) Apana cinonyanya kukosha kupinda rudo redu uye ushamwari wedu na Djehovha!—Pis. 63:1-8.
20. Mashinga kuitei kuti museenzese zvakanaka nguwa yenyu na Djehovha?
20 Musakanganwe kuti kuita munamato, kufunda uye kunyasa kurangarira zvinobatanidzwa pakunamata kedu. Kuita hingana Djesu psvakai mbuto yakanyasa kunyarara kuti mupedze nguwa na Djehovha. Ngwarirai zviro zvingamukangaidza. Uye Kumbirai rubetso ra Djehovha kuti mukande ndangariro pa mbuto imwe pamunonga meciita zviro zvekunamata. Kana mukanyasa kuseenzesa zvakanaka nguwa yenyu pa nguwa ino, mucakwanisa kurarama nokusikaperi mu nyika ipsva ya Mwari.—Mk. 4:24.
NGOMA 28 Ndiani angagara Shamwari ya Djehovha?
^ par. 5 Djehovha ndiyena shamwari yakanaka kupinda ese. Tinokoshesa maningi ushamwari wedu naye, uye tinoda kunyasa kumuziya. Ngekuti zvinotora nguwa kuti tinyase kuziya munhu, zvingatorawo nguwa kuti tikwanise kubambisa ushamwari wedu na Djehovha. Asi upenyu wedu wakabatikana maningi. Hino tinodikana kuitei kuti titore nguwa yekukhwedera padhuze na Baba edu ekudenga, uye ngei zvakanaka kuita izvona?