Imwimwi maizopfarira kunyasa kukhorovhera fundo yenyu ye munhu ega here? Imwimwi mungaedza mazano aya kuti mugare no mugariro wakanaka pamunonga mecifunda:

• Sanangurai mbuto yakanaka. Kana zvecibvira, sanangurai mbuto yakarongeka uye yakanyasa kudjeka. Imwimwi mungasanangura kugara pa meza kana kuti mungasanangura ku mbuto imweni yakanaka kunza.

• Sanangurai mbuto yakacengeteka. Djesu akasanangura koonamata “cemacibesi kucakasvipa ku mbuto isina anhu.” (Mark. 1:35) Kana mukatama kuona mbuto yakacengeteka muri mwega kamare, imwimwi mungabvuza mhuri yenyu kana kuti adoni enyu e pa nyumba penyu ngezve nguwa yamunoita fundo yenyu uye moakumbira kuti amuzwisisei.

• Rumbwai makabatisisa zvamuri kufunda. Siyai zvingamuvhiringidzai. Kana meciseenzesa terefoni ye mu nyara kana kuti thabreti pa fundo yenyu, itai kuti isamuvhiringidzei. Kana imwimwi mecida kuita ciro pa nguwa yamunonga mecifunda, tarirai ciroco kuti muzociite pa nguwa imweni. Kana musikazi kugadzikana mundangariro, imisai zvamuri kuita mombohamba-hamba mecidzidamura.