PASI pe Mutemo magora ne njiwa zvaitambirhwa se zvibairo kuna Djehovha. Shiri mbiri idzi dzairumbwa dzecirekethwa pamwepo mu mitemo ye zvibairo uye dzainga dzisikacinjwi no dzimweni. (Re. 1:14; 12:8; 14:30) Ngei izvi zvaibetsera? Cimwe ce zvikonzero nge ce kuti magora ainga asi kaoneki nguwa dzese. ngei?

Ngekuti magora i shiri dzino furuka-furuka dzinogara ku mbuto yese ye ku Israeri mu nguwa dzekupisa. Mwedzi wese wa Otubro magora anofuruka ecienda katemaidumba, kuenda ku mbuto dzinopisa, ecizohwirira pa nguwa ye kutonhora. (Ngo. 2:11, 12; Dje. 8:7) Ku Israeri yekare, izvi zvaireya kuti zvaishupha kuti awona apase magora hinga cibairo pa nguwa ye marimo.

Nge dii rimweni, njiwa adzifuruki-furuki, ndiyo ndaa njiwa dzaioneka nguwa dzese mu israeri. Kunyazi zvakadaro njiwa dzinopfuiwa nyumba. (Ezanisai na Juau 2:14, 16.) Maererano ne bhuku rinozwi Bible Plants and Animals (Miti uye Zvinyama zve mu Bhaibheri), rinoti, “mbuto dzese dze muthaundi re Palestina, muzi umwe na umwe wainga ano njiwa dzaaipfuya.”—Ezanisirai na Isaya 60:8.

Ngekudaro, Djehovha aipangidza kuti ane rudo ngekutendera kuti shiri dzaipaswa dzaioneka dziripo nguwa dzese uye gore rese.