Faatureraa o te mau haamaramaramaraa no nia ia oe

•  Haapao-maitai-raa i ta oe mau haamaramaramaraa

•  No nia i te ravea roro uira o te haapao i te mau haamaramaramaraa

•  Parururaa i te mau haamaramaramaraa no nia ia oe

•  Feia aitâ i naea te matahiti

•  Ravea roro uira hau

•  Faaararaa i te mau tauiraa o teie faatureraa

•  Faaohiparaa i te script aore ra te JavaScript

A hiˈo atoa

• Faatureraa no nia i te ravea parururaa a te mau Ite no Iehova

• Faatureraa no nia i te faaohiparaa i te mau haamaramaramaraa a te taata

• Faatureraa no nia i te faaohiparaa i te mau ravea parauhia cookies e te tahi atu

 Te haapapu nei matou e paruru e e haapao maitai matou i ta oe mau haamaramaramaraa. I roto i teie faatureraa, e itehia e nafea te mau haamaramaramaraa no nia i te taata e faaohipahia ˈi i nia i ta matou reni natirara e te mau ravea roro uira atoa horoahia e te Watchtower Bible and Tract Society of New York, Inc. (“Watchtower”). E haaputu matou i te tahi mau haamaramaramaraa faufaa a haere ai oe i nia i ta matou reni natirara. Te taa ra ia matou mea faufaa ia ore e faaite i tera mau haamaramaramaraa e ia faaara ˈtu e nafea matou e faaohipa ˈi i te reira. E faaoti paha oe i te horoa mai i te tahi mau haamaramaramaraa no nia ia oe. I roto i teie faatureraa, e faaohipahia te parau “haamaramaramaraa no nia ia oe” no te mau haamaramaramaraa no nia i to oe iˈoa, afata rata uira, afata rata, numera niuniu aore ra te tahi atu. E faaohipahia te parau “reni natirara” no teie reni natirara e no te tahi atu o ta matou mau reni natirara, mai te apps.pr418.com, ba.pr418.com, stream.pr418.com e wol.pr418.com.

 O te Watchtower Bible and Tract Society of New York, Inc. (“Watchtower”) te fatu o teie reni natirara e te mau ravea roro uira atoa. E taatiraa tera i New York, o te ore e imi ra i te moni e o te turu ra i te mau ohipa e te haapiiraa Bibilia a te mau Ite no Iehova. Mai te peu e faaoti oe i te tapao i to oe iˈoa, i te horoa i te hoê ô, i te ani i te hoê farereiraa aore ra i te rave i te tahi noa ˈˈe ohipa e titauhia ia faaite i ta oe mau haamaramaramaraa, te farii ra ïa oe i teie faatureraa e ia haaputuhia ta oe mau haamaramaramaraa i nia i ta matou mau matini roro uira i Marite. Te farii atoa ra oe ia ravehia, ia faaohipahia, ia haponohia e ia haaputuhia ta oe mau haamaramaramaraa e te Watchtower, oia atoa te mau taiete aore ra taatiraa o te ohipa amui ra e te mau Ite no Iehova i te fenua e rave rau. Te ohipa amui ra te faanahonahoraa a te mau Ite no Iehova e e rave rau taatiraa o to oe fenua, mai te mau amuiraa, te mau amaa e te vai atu â.

E faaohipahia ta oe mau haamaramaramaraa ia au i te mau ohipa ta oe i rave i nia i ta matou reni natirara. Ei hiˈoraa, mai te peu e horoa oe i te hoê ô i te tahi taiete o te tahi fenua, e horoahia to oe iˈoa e te tahi atu mau haamaramaramaraa hinaarohia i taua taiete ra. Te tahi atu hiˈoraa, mai te peu e faaî oe i te aniraa no te hoê farereiraa, e horoahia to oe iˈoa e te tahi atu haamaramaramaraa hinaarohia i te amaa e te amuiraa a te mau Ite no Iehova no te pahono i ta oe aniraa.

No te tauturu ia oe, mai te peu ua haamanahia te tahi mau ture i nia i te parururaa i te mau haamaramaramaraa i to oe fenua, a papai mai ma te faaohipa i te ravea i nia i teie api Data Protection Contacts (Parururaa i te mau haamaramaramaraa: A papai mai).

 Mea faufaa roa no matou ia paruru i te mau haamaramaramaraa no nia ia oe. Te faaohipa nei matou i te mau ravea apî roa ˈˈe no te haaputu e no te paruru i ta oe mau haamaramaramaraa ia ore te feia aita i faatiahia e rave, e faaohipa, e faaite, e taui e e faaore i te reira. Aore ra ia ore te reira e moˈe. E mea titauhia i te mau taiete e taatiraa ta matou e faaohipa nei ia pee i teie mau faatureraa. E haaputu matou i ta oe mau haamaramaramaraa tae roa ˈtu i te taime e pahonohia ˈi ta oe aniraa aore ra ia au i ta te ture e titau mai ra.

E haapao maitai matou i ta oe mau haamaramaramaraa a hapono ai matou i te reira ma te pee i te ravea parururaa parauhia TLS (Transport Layer Security). Te fanaˈo nei matou i te mau ravea roro uira papu, e ere pauroa te taata te nehenehe e faaohipa i te reira. Mea paruru-maitai-hia te matini, te mea i roto i te matini e te huru faaohiparaa o te reira. E pee matou i te mau ture parururaa taa maitai ia ore te feia aita i faatiahia e faaohipa i ta oe mau haamaramaramaraa.

 Mai te peu aitâ oe i naea te matahiti ia au i te ture o te fenua i reira oe e haere ai i nia i ta matou reni natirara, e nehenehe oe e horoa i ta oe mau haamaramaramaraa ia faatia mai to oe (na) metua aore ra te (mau) taata e haapao ra ia oe. Ei metua aore ra taata haapao, ia farii oe ia horoa te taata aitâ i naea te matahiti i ta ˈna mau haamaramaramaraa i nia i ta matou reni natirara, te farii nei oe i teie mau faatureraa.

 I te tahi taime, e aratai teie reni natirara aore ra te mau ravea roro uira i nia i te ravea roro uira hau a te mau taiete ta matou e faaohipa nei (ei hiˈoraa, a faaî ai oe i te tahi aniraa). Tei nia oe i ta ratou reni natirara ia taui te faanahoraa e te iˈoa o te reni natirara. Hau atu â, e hapono atu paha ratou i te hoê poroi na roto i te roro uira aore ra te niuniu afaifai no te mau haamaramaramaraa atoa ta oe i tuu atu i nia i teie reni natirara. A maiti ai i te mau taiete aore ra taatiraa ta matou e ohipa ˈtu, e haapao matou i ta ratou mau faatureraa e ta ratou huru parururaa i te mau haamaramaramaraa. E vai ara matou ia tu ta ratou faatureraa i ta matou. Tera râ, e nehenehe tera mau taiete aore ra taatiraa e faaohipa i te mau ravea roro uira e ere na matou i haamau i te faatureraa, te parururaa e te huru faaohiparaa. Tei raro aˈe ïa oe i te mau faatureraa a teie mau taatiraa. Aita matou e faaarahia i te mau tauiraa aore ra faaapîraa ta ratou e rave. No reira, hou a faaohipa ˈi i taua mau ravea roro uira ra, a haere e taio i te mau faatureraa. Mai te peu e uiraa ta oe no nia i te parururaa i ta oe mau haamaramaramaraa, a haere ïa i nia i ta ratou reni natirara.

A faaohipa ˈi oe i te ravea roro uira Google Maps i nia i ta matou reni natirara, tei raro aˈe oe i te faatureraa a Google. E taiete ê o Google. Aita e mana to matou i nia i ta ratou mau ravea roro uira, ta ratou mau ture no nia i te faaohiparaa i te reira e ta ratou faanahoraa. No reira, a faaohipa ˈi i te Google Maps i nia i ta matou reni natirara, tei raro aˈe oe i te Google Maps/Google Earth faatureraa o te faaohiparaa. Aita matou e faaarahia mai te peu te vai ra te tahi mau faaapîraa. No reira, a hiˈo faahou i te mau faatureraa hou a faaohipa ˈi i te Google Maps. Eiaha e faaohipa i te Google Maps mai te peu aita oe e farii ra i ta ratou mau faatureraa.

 E tamau matou i te haamaitai i te tereraa o teie reni natirara e te mau ravea roro uira atoa. E haamaitai atoa e e tuu â matou i te mau tuhaa hau. No teie mau tauiraa tamau, te mau tauiraa o te ture e o te mau ravea natirara, e taui atoa matou i te huru faaohiparaa i te mau haamaramaramaraa no nia ia oe. Ia titauhia ia taui i ta matou faatureraa, e pia matou eaha tei tauihia i nia i teie apî natirara a ite tamau atu ai oe eaha te mau haamaramaramaraa ta matou e haaputu e e nafea matou e faaohipa ˈi i te reira.

 E faaohipahia te ravea script no te haamaitai i te tereraa o ta matou reni natirara e te mau ravea roro uira. E ravea tera no te faatae oioi atu i te mau haamaramaramaraa anihia. Eita roa te reira e faaohipahia e te reni natirara aore ra te mau ravea roro uira no te tuu i te tahi faanahoraa roro uira i nia i ta oe matini aore ra no te haaputu i te mau haamaramaramaraa ta oe i ore i horoa.

Ia tere maitai te tahi mau tuhaa o ta matou reni natirara, e mea titauhia ia farii i te faaohiparaa o te ravea roro uira script aore ra JavaScript. E nehenehe e na reira i nia i te rahiraa o te mau ravea roro uira no te haere i nia i te mau reni natirara. A hiˈo ïa i te tauturu piahia i nia i taua mau ravea ra. E ite ïa oe e nafea ia farii i te faaohiparaa o te ravea script no te mau reni natirara ta oe i maiti.