Te faatura ra te faanahonahoraa a te mau Ite no Iehova (“faanahonahoraa i te pae o te haapaoraa”) i te tiaraa o te taata e i te parururaa i ta ˈna iho mau haamaramaramaraa. Te taa atoa ra i te faanahonahoraa te faufaaraa ia haapapu e ia haaputu i te tahi mau haamaramaramaraa no te pahono i te mau aniraa a te Ite no Iehova tataitahi, a tamau atu ai i te haamori i te Atua ma te tamoni ore. Ua taa atoa i te faanahonahoraa te faufaaraa ia ore e faaite i te tahi mau parau e ia paruru maitai i te mau haamaramaramaraa. (Maseli 15:22; 25:9) Mea faufaa roa no matou te reira.—Maseli 20:19.

Ua haamau e rave rahi fenua i te mau ture no nia i te parururaa i te haamaramaramaraa a te taata. Mea maoro i teie nei ta matou faanahonahoraa i te peeraa i teie mau ture, oia atoa te mau amaa. Te rave atoa nei ta matou faanahonahoraa i te mau faanahoraa ia ore te haamaramaramaraa a te taata ia itehia. Ua na reirahia hou taua mau ture ra i haamauhia ˈi. E tamau â ta matou faanahonahoraa i te paruru i te mau haamaramaramaraa horoahia, mai ta ˈna i matau.

Aratairaa i te parururaa i te mau haamaramaramaraa. Te haapao nei ta matou faanahonahoraa i te mau haamaramaramaraa atoa a te taata ia au i to muri nei mau aratairaa:

1. E faaohipahia te mau haamaramaramaraa a te taata ma te tano e ia au i te ture.

2. E haaputu-noa-hia, pahono-noa-hia e faaohipa-noa-hia te mau haamaramaramaraa a te taata no te mau ohipa haamoriraa e te tamoni ore a ta matou faanahonahoraa.

3. E mea papu e e mea faaapîhia te mau haamaramaramaraa a te taata. E faatitiaifarohia te mau hape atoa i muri aˈe i to te faanahonahoraa iteraa ˈtu.

4. E haaputu-noa-hia te mau haamaramaramaraa a te taata i te hoê area taime hinaarohia ia raea te (mau) fa papu a ta matou faanahonahoraa.

5. E haapao-maitai-hia te mau haamaramaramaraa a te taata.

6. Ua ravehia te mau ravea atoa ia ore e itehia te mau haamaramaramaraa a te taata. Ua haaputuhia teie mau haamaramaramaraa i nia iho i te mau matini roro uira paruru-maitai-hia; o te mau taata faatiahia anaˈe te nehenehe e faaohipa ˈtu. E ponaohia te mau piha i muri aˈe i te taime ohipa e o te mau rave ohipa anaˈe tei faatiahia te nehenehe e tomo atu.

7. Eita e haponohia te mau haamaramaramaraa a te taata i te tahi atu mau amaa, maori râ no te mau ohipa haamoriraa noa e te tamoni ore a ta matou faanahonahoraa. Ua farii te mau Ite no Iehova atoa i te reira no to ratou tiamâraa e hinaaro ia riro e ia matauhia ratou ei Ite no Iehova.

E faaohipahia te mau haamaramaramaraa a te taata itehia i roto i te buka Organisés pour faire la volonté de Jéhovah ia au i teie mau aratairaa parururaa. Ua horoahia tera buka i te Ite no Iehova tataitahi a riro mai ai ei taata poro. No te ite atu â, a hiˈo i te buka Organisés pour faire la volonté de Jéhovah.

E tiaraa to te taata tataitahi no te paruru, faaafaro aore ra faaore i ta ˈna mau haamaramaramaraa ia au i te faatureraa a te mau Ite no Iehova faataahia i roto i te Faatureraa no nia i te faaohiparaa i te mau haamaramaramaraa a te taata i raro aˈe i te upoo parau iti “To outou tiaraa.”

Te faaite ra teie Faatureraa no nia i te ravea parururaa a te mau Ite no Iehova i te mau aratairaa tumu no nia i te faaohiparaa i te mau haamaramaramaraa a te taata ta te mau Ite no Iehova na te ao nei e pee ra.