E haamou te Faatereraa arii a te Atua i te mau faatereraa taata atoa e e faatere oia i te ao taatoa. (Daniela 2:44; Apokalupo 16:14) Teie ta Faatereraa arii a te Atua e rave:

•   E haamou i te feia ino no to ratou miimii. “Area te feia ino, e haamouhia ratou mai nia i te fenua.”—Maseli 2:22.

•   E faaore i te mau tamaˈi atoa. “Te faaore nei [te Atua] i te mau tamaˈi ati aˈe i te fenua.”—Salamo 46:9.

•   E afai mai i te ruperuperaa e te hau i te fenua. “E parahi ratou tataitahi i raro aˈe i ta ratou tumu vine e ta ratou tumu suke, E eita hoê e faariaria ia ratou.”—Mika 4:4.

•   E faariro i te fenua ei paradaiso. “E oaoa roa te medebara e te fenua mǎrô, E e oaoa te vahi papu pâpâmǎrô e e uaa mai te tiare.”—Isaia 35:1.

•   E horoa mai i te hoê ohipa au mau e te anaanatae. “E faufaa-roa-hia to [te Atua] feia maitihia i te ohipa a to ratou rima. Eita ratou e rohi faufaa ore noa.”—Isaia 65:21-23.

•   E faaore i te mau maˈi. “E aita e taata e parau: ‘E maˈi to ˈu.’”—Isaia 33:24.

•   E faaore atoa i te ruhiruhiaraa. “Ia apî aˈe to ˈna tino i to ˈna apîraa. Ia hoˈi oia i te mau mahana o te itoito o to ˈna apîraa.”—Ioba 33:25.

•   E faahoˈi mai i te feia pohe i te ora. “E faaroo . . . te feia atoa i roto i te menema i to [Iesu] reo, a haere mai ai i rapae.”—Ioane 5:28, 29.