Te haapapu ra anei te mau parau tohu no nia i te Mesia e o Iesu te Mesia?
Te pahonoraa a te Bibilia
E. I to ˈna oraraa i nia i te fenua, ua faatupu Iesu e rave rahi parau tohu no nia i “te Mesia te Arii,” aore ra te Mesia te Aratai o te riro “ei faaora i to te ao nei.” (Daniela 9:25; Ioane 1, 4:14) Oia atoa i muri aˈe i to ˈna pohe, ua faatupu noa Iesu te mau parau tohu no nia i te Mesia.—Salamo 110:1; Ohipa 2:34-36.
Eaha te auraa o te taˈo “Mesia”?
Hoê auraa to te taˈo Hebera ra Masia (Mesia) e te taˈo Heleni ra Keriseto (Kirito) “tei Faatavaihia” te auraa. No reira, “Iesu Mesia” aore ra “Iesu Kirito” o “tei Faatavaihia” ïa te auraa.
I te tau o te Bibilia, e faatavaihia na te hoê taata ma te faatahinu i to ˈna upoo a maitihia ˈtu ai oia no te hoê tiaraa mana taa maitai. (Levitiko 8:12; Samuela 1, 16:13) Ua faatavaihia Iesu e te Atua ei Mesia: te hoê tiaraa mana teitei. (Ohipa 2:36) Tera râ, aita Iesu i faatavaihia i te hinu, ua faatavai râ te Atua ia ˈna i te varua moˈa.—Mataio 3:16.
E nehenehe anei e rave rahi taata e faatupu i te mau parau tohu no nia i te Mesia?
Eita. Mai te reni o te manimani rima e faaite ra i te hoê noa taata, te faaite atoa ra te mau parau tohu no nia i te Bibilia e hoê noa Mesia. Tera râ, te faaara mai ra te Bibilia e “e tia mai hoi te mau Mesia haavare e te mau peropheta haavare e e faatupu ratou i te mau tapao rahi e te mau ohipa maere no te tamata i te haavare i te feia i maitihia.”—Mataio 24:24.
E itehia anei te Mesia a muri aˈe?
Eita. Ua tohu te Bibilia e no roto mai te Mesia i te arii o Iseraela o Davida. (Salamo 89:3, 4) Tera râ, i te haruraa to Roma ia Ierusalema i te matahiti 70 a ua moˈe pauroa ïa te mau pǎpǎraa tupuna o te ati Iuda, to te huaai o Davida atoa. Mai reira mai, aita e taata e nehenehe e haapapu e no roto mai oia i te opu huiarii o Davida. Area i te tau o Iesu ra, te vai noa ra ïa taua mau pǎpǎraa tupuna ra, e aita atoa to ˈna mau enemi i mârô e no roto mai oia ia Davida.—Mataio 22:41-46.
Ehia parau tohu no nia i te Mesia i roto i te Bibilia?
Eita e nehenehe e haapapu ehia parau tohu no nia i te Mesia i roto i te Bibilia, tei te huru ïa o te taioraa. Ei hiˈoraa, i roto i te Isaia 53:2-7 te faahitihia ra e rave rahi parau tohu no nia i te Mesia. Area no vetahi ra, hoê noa teie parau tohu no nia i te Mesia.
Te tahi o te mau parau tohu no nia i te Mesia ta Iesu i faatupu
Parau tohu |
Irava |
Tupuraa |
|---|---|---|
E huaai no Aberahama |
||
E huaai no te tamaiti a Aberahama o Isaaka |
||
No roto mai i te opu o Iuda |
||
No roto mai i te opu huiarii o Davida |
||
Fanauhia i te hoê vahine aita i taoto aˈenei i te tane |
||
Fanauhia i Betelehema |
||
Piihia Imanuela b |
||
Fanauhia i roto i te hoê utuafare riirii |
||
Ua haapohehia te mau tamarii tamaroa i muri aˈe i to ˈna fanauraa |
||
Piihia mai Aiphiti mai |
||
Parauhia no Nazareta c |
||
E na mua ˈtu te hoê vea ia ˈna |
||
Faatavaihia ei Mesia i 29 d |
||
E faaite mai te Atua o ˈna ta ˈna Tamaiti |
||
E itoito rahi to ˈna no te fare o te Atua |
||
E taata poro i te parau apî oaoa |
||
Maramarama rahi ta to Galilea i ite maoti ta ˈna taviniraa |
||
E faatupu oia i te semeio mai ia Mose |
||
Mai ia Mose, ua faaite oia i te manaˈo o te Atua |
||
E faaora e rave rahi maˈi |
||
Aita oia i faateitei ia ˈna |
||
Ua aroha oia i tei paruparu |
||
Ua faatupu oia i te parau-tia a te Atua |
||
E taata aˈo faahiahia |
||
Ua faaite i te iˈoa o Iehova |
||
Ua faahiti i te mau faahohoˈaraa |
||
E Aratai |
||
E rave rahi tei ore i tiaturi ia ˈna |
||
E ofai turoriraa |
||
Patoihia e te taata |
||
Ua hae te taata ia ˈna aita e tumu |
||
Tomoraa hanahana i roto ia Ierusalema na nia i te hoê asini |
||
Aruehia e te tamarii |
||
Ua haere mai ma te iˈoa o Iehova |
||
Taivahia e te hoê taata piri |
||
Taivahia no e 30 moni ario e |
||
Ua faarue to ˈna mau hoa ia ˈna |
||
Ua pari haavarehia oia |
||
Ua mamû noa oia i mua i te feia i pari ia ˈna |
||
Ua tutuhahia oia |
||
Ua tairihia to ˈna upoo |
||
Ua huihia |
||
Ua vaiiho oia ia poara-noa-hia mai oia |
||
E opuaraa ino ta te mau tia mana ia ˈna |
||
Patitihia to ˈna rima e to ˈna avae i nia i te raau |
||
Ua tuu-kelero-hia to ˈna ahu |
||
Ua amuihia i te feia rave hara |
||
Ua vahavahahia e tuhihia oia |
||
Ua mauiui no te feia hara |
||
E au ra e ua haamoˈe te Atua ia ˈna |
||
Ua horoahia te vineta e te raau maramara ia inu oia |
||
Ua poihâ oia hou a pohe ai |
||
Ua tuu oia i to ˈna ora i te Atua |
||
Ua pûpû oia i to ˈna ora |
||
Ua pûpû oia i te hoo ei faaoreraa i te hara |
||
Aita to ˈna ivi i ofatihia |
||
Patiahia oia |
||
Hunahia e te feia taoˈa rahi |
||
Ua faatiahia mai te pohe mai |
||
Ua monohia tei taiva ia ˈna |
||
Ua parahi i te pae atau o te Atua |
a Te na ô ra te hoê buka maimiraa: “Mea papu maitai e ua moˈe te mau pǎpǎraa tupuna o te mau opu e utuafare ati Iuda i te haamouraahia Ierusalema, eiaha ra na mua ˈˈe.”—McClintock e Strong Cyclopedia.
b “Tei ia tatou ra te Atua,” te auraa o te iˈoa Hebera ra Imanuela. Te faataa maitai ra teie iˈoa to ˈna i ta ˈna hopoia ei Mesia. Ua haapapu ta ˈna mau ohipa i te fenua nei, e te pihai iho te Atua i ta ˈna mau tavini.—Luka 2:27-32; 7:12-16.
c No roto mai te parau “no Nazareta” i te hoê taˈo Hebera netera, e “ohi” te auraa.
d No te taio i te mau faataaraa hau, e nafea te Bibilia e faaite ai tei te matahiti 29 e itehia ˈi te Mesia, a taio i te tuhaa hau “E nafea te parau tohu a Daniela e faaite atea ˈi i te taeraa mai o te Mesia?”
e Na te peropheta Zekaria i tohu i tera parau, tera râ, te parau ra o Mataio e “tupu atura tei parauhia na roto ia Ieremia te peropheta.” (Mataio 27:9) Pinepine o te buka Ieremia te matamua o te mau pueraa buka o te parauhia ra “te mau peropheta.” (Luka 24:44) E au ra e, ua faahiti o Mataio ia “Ieremia” no te taatoaraa o teie mau buka, tei roto atoa te buka a Zekaria.
E au atoa outou . . .
TE PARE TIAIRAA
Iesu—no te aha oia i pohe ai?
No te aha Iesu i mauiui ai a pohe atu ai? E nehenehe te pahonoraa o teie uiraa e taui i to oe oraraa.
A ARA MAI NA!
Te hoê vahine ati Iuda o te faataa ra i te tumu i hiˈopoa faahou ai oia i ta ˈna e tiaturi ra
Mea nafea Racquel Hall i te papuraa o Iesu te Mesia ta ˈna i tiai noa na?
HAAPIIRAA BIBILIA
Tamata i te haapiiraa Bibilia
A ani te hoê haapiiraa Bibilia e te hoê taata haapii.