Te hiˈopoahia ra te pape e vai ra i pihai i te tomoraa o te amaa. E itehia ïa te tano ra anei te faito raau i ravehia no te rapaau i te pape.

Te haapii ra te taeae e nafea ia tamau i te mau papai paruru o te mau nohoraa.

I pihai iho mai i te Piha tataîraa, te taumi ra te pereoo i te repo i reira e hamanihia ˈi te hoê purumu e tuati atu i te faaohuraa pereoo.

Hohoˈa patahia na nia mai. Te tia ra te hivi i reira e hamanihia ˈi te vahi fariiraa o te Piha ohipa. I te pae atau, o te tahua o te Piha haruharuraa. Area i te pae aui, te niu o te vahi tunuraa maa, te piha tamaaraa e putuputuraa. I mua roa ˈtu i te pae atau, e hamanihia te hoê vahi e nehenehe te feia mataitai e ite i te taatoaraa o te vahi paturaa.

Te tamauhia ra te tino o te tafare o te Piha tunuraa maa, vahi tamaaraa e putuputuraa o te Piha ohipa.

Te aratai ra te hoê tuahine i te pereoo e heru i te repo i pihai iho mai i te hoê tumu raau paruruhia. Te faaite ra te tapao i nia i te repo i te otia heruraa ia ore te aˈa o te tumu raau e ino. Ua auahia te tahi atu mau tumu raau ia ore ratou e haafifihia i te roaraa o te ohipa paturaa.

Te patia ra te hoê taeae i te auri no te tapea i te vauvau matie a tupu noa ˈi te reira.

Te peni ra te hoê tuahine i te numera o te tahua. I te avaˈe Tiurai, e haamata te feia rave ohipa i te paturaa i te faaea i roto i te Nohoraa D.

Te faatiahia ra te hoê papai tima oti noa.

Te tamau ra na taeae i te tino o te papai. I te pae atau, te tamauhia ra te haereraa mataˈi e te faanahoraa no te faahaumaru i te Piha ohipa.

Te tamau ra na tuahine i te mau tapea auri pape i raro atu i te vahi fariiraa taata o te Piha ohipa.

Te tamau ra te mau taeae i te mau haruraa pape o te Piha haruharuraa e tataîraa.

Te tamauhia ra te apaapa tima hopea o te tahua o te Piha tamaaraa. I roto roa ˈtu, o te Nohoraa A.

Te faaetaetahia ra te mau pou auri. I reira e hamanihia ˈi te tahi mau piha ohipa e vahi tataîraa tauihaa.

Hohoˈa patahia na nia mai. I te pae atau i ropu, ua oti te tafare o te Piha tataîraa e fatata te mau papai i te oti. I mua nei, te vahi e faatiahia te Piha haruharuraa, i mua noa ˈtu ua oti te tâhia. I te pae aui i ropu, o te Piha ohipa. Area i muri roa ˈtu, o te mau nohoraa ïa.

Hohoˈa patahia na nia mai i te hitiraa mahana. I mua nei, ua oti te Nohoraa D, E e F. Area te Nohoraa C, e oti ïa i Atopa.

Ua faaohipahia te mau ofai puˈa no te hamani i te hoê aua pape. E faanehenehe maitai te reira i te tomoraa o te Piha ohipa o te itehia i muri noa mai i te mau tumu raau.

Te tamauhia ra te haereraa mataˈi e te faanahoraa no te faahaumaru i te hoê piha ohipa. I reira e faanahohia ˈi te mau tuhaa rau o te ohipa paturaa.

Te tamauhia ra te mau patu tima oti noa o te Piha ohipa. E haere oioi ïa te ohipa i mua, te manaˈohia ra e oti roa te reira i te hopea Atete. E maramarama maitai te mau piha i teie mau hiˈo rarahi. E tano maitai te reira no te tau toˈetoˈe, oia atoa râ i te taime veavea ia puai roa te mahana.

Te rave ra na tuahine i te tahi mau faaineineraa hou a tamauhia ˈi te papai o te Piha tamaaraa e putuputuraa. Eiaha ia faaroohia te maniania ia faaohipahia na piha e piti i te hoê â taime.