Te paruru ra te hoê vahine rave ohipa i te mau tuio haaveavea pape.

I roto i te mau piha vairaa tauihaa, te ohipa ra te mau taˈapi mereti i te vahi hopuraa pape.

Te tamau ra te hoê rave ohipa i te ravea apî parururaa uira o te piha ohipa ia hoˈa mai te uira. Ua mau maitai te taata rave ohipa i nia i te hoê tutau i te niaraa o te piha ohipa ia ore o ˈna ia fifihia a ohipa ˈi.

Te horoi ra te feia rave ohipa i te mau hiˈo hou a tuuhia ˈi te mau tamauraa parururaa. Maoti te mau tamauraa parururaa, e ite-maitai-hia teie mau hiˈo rarahi, aita ïa te taata e faaû i te reira.

Ma te faaohipa i te hoê ravea taviri hohoˈa nainai, te hiˈopoa ra te hoê vahine rave ohipa i te mau tuio tei tamau-noa-hia ˈtura no te ite mea mâ anei e e nehenehe anei e faaohipa i te reira.

Te tamau ra te mau tamuta i te tahi mau raau i nia i te pǎpai te nehenehe e faahauti ia riro te piha ei vahi tamaaraa aore ra vahi putuputuraa. E faanaho-atoa-hia te mau tupuraa taa ê i roto i tera piha.

Te tanu ra te feia rave ohipa i te mau tiare o te tupu ohie i nia i te hoê pǎpai.

Te tamau ra te feia rave ohipa na rapae i te hoê hiˈo paruru o te taotia te vahi. E paruru te reira i te feia e noho ra i ǒ ma te ore e tapea i te maramarama e te mataˈi.

Te tamau ra te feia rave ohipa i te maramarama i rapaeau i te vahi fariiraa taata.

Ma te faaohipa i te hoê matini papu, te tâpû ra te hoê mero o te pǔpǔ rave ohipa i te tuio haapuvaivairaa ia tano to ˈna roroa.

Te tanu ra te pǔpǔ tanu tiare e rave ohipa i te mau tumu raau e te faaineine ra ratou i te mau eˈa. I te pae aui, te vai ra te piha faaohipahia ei vahi tamaaraa, putuputuraa aore ra no te mau tupuraa taa ê. I muri, te itehia ra te Nohoraa A.

Te tamau ra te hoê rave ohipa aravihi i te tahi tuhaa o te ravea hîraa pape no te tupohe i te auahi.

Te faaineine ra te feia tanu tiare i te fenua no te ueue i te mau huero matie. I muri mai, te tamâhia ra te mau haamaramarama o te piha ohipa ma te faaohipa i te hoê ravea pîpîraa pape.

Te tuu ra te feia rave ohipa i te hoê tapau no te tâ i te tahua. Te faaohipa ra ratou i te hoê paraˈu ia afaro maitai tera tapau e te hoê matini no te haaparahurahu i te tahua ia ore te mataˈi e vai i roto.

Te faanehenehe ra te pǔpǔ rave ohipa i te tahua o te piha faaohipahia ei vahi tamaaraa, putuputuraa e no te mau tupuraa. I muri, i te vahi e tuuhia ˈi te tahua, ua tamauhia te mau afata teata i nia i te mau pǎpai o te tapea i te maniania.

I pihai iho i te piha haruharuraa video, te faaineine ra te hoê tamuta i te piha faaneheneheraa no te feia o te hauti i roto i te mau video.

Te tuu ra te mau tamuta i te hoê ravea ia nehenehe te mau pǎpai tamauhia i nia iho ia tatarahia ia hinaarohia. Maoti teie ravea, e nehenehe te mau tuhaa ohipa e faanaho ohie i te vahi ohipa mai ta ratou e hinaaro.

I te vahi haruharuraa video, te tamau ra te hoê rave ohipa i te hoê ravea faatautauhia no te tuu atu i te mau haamaramarama e te mau ravea haruharuraa video.

Hohoˈa patahia na nia, mai te pae apatoerau. I te pae aui, ua oti te Nohoraa B, C, D, E e F. I ropu, fatata roa te Nohoraa A i te oti, oia atoa te Piha ohipa. I te pae atau, fatata te vahi tataîraa e te vahi haruharuraa video i te oti. I te hoê â taime, te tamauhia ra te ohipa faaneheneheraa na rapaeau i nia i te taatoaraa o te vahi paturaa o te Betela.

Te tapirihia ra te mau mereti ofai faanehenehe i te tahua i muri i te vahi fariiraa taata. I muri, ua tuuhia te tahi mau ravea parururaa ia ore te feia tamâ i te mau mereti ofai faanehenehe tei tapiri-noa-hia ˈtura ia paapaa i te mahana. E tatarahia tera mau ravea ra i muri iho.