Beretane: Haaputuraa hohoˈa 2 (Mai Tetepa 2015 e tae atu i Atete 2016)
Tei Mill Hill, i Lonedona, te Betela a te mau Ite no Iehova i Beretane. E faahaerehia râ te reira i te hoê vahi e 70 kilometera te atea mai Mill Hill i te pae Hitia o te râ, i pihai iho i te oire Chelmsford, i Essex. Na roto i teie mau hohoˈa, a hiˈo i te haereraa i mua o te ohipa paturaa i te pu rahi apî a te mau Ite no Iehova mai Tetepa 2015 e tae atu i Atete 2016.
29 no Atopa 2015: Vahi na te feia rave ohipa
Te tima ra te mau rave ohipa i te vairaa pereoo i reira e tuuhia ˈi te mau matini no te paturaa.
9 no Titema 2015: Vahi na te feia rave ohipa
Te tuu nei te hoê taiete i te mau punu i nia i te tafare. E faaohipahia tera vahi no te mau piha ohipa e vahi tamaaraa i te roaraa o te taime paturaa.
18 no Tenuare 2016: Vahi na te feia rave ohipa
I te tomoraa, te faaohipahia ra te hoê pereoo no te tâpû i te mau tumu raau maitihia. Na teie iho â matini e hivi i te mau tumu raau tâpûhia. E tanu faahouhia e tausani tumu raau apî hou a oti ai teie ohipa paturaa.
31 no Mati 2016: Vahi paturaa o te Betela
Te tatarahia ra te mau taoˈa hinaaro-ore-hia ta te fatu matamua i vaiiho. E nehenehe ïa e faaohipa faahou i te repo i tamâhia.
14 no Eperera 2016: Vahi paturaa o te Betela
Te faaineine ra te rave ohipa i te hivi i te mau afata rarahi e e faaohipahia te reira ei piha ohiparaa e vahi haumitiraa.
5 no Me 2016: Vahi paturaa o te Betela
Te faataa ra te rave ohipa i te mau taoˈa hinaarohia no te tuu i roto i te mau afata faaapîraa taoˈa. Te hinaaro ra te Tomite no te paturaa e faahaere 95 i nia i te hanere o te mau pehu atâta ore i te tahi atu vahi. E faaohipahia 89 i nia i te hanere o te tauihaa e toe ra mai te ofai araea, te tima e te raau i te tahi atu vahi o te paturaa.
23 no Me 2016: Vahi na te feia rave ohipa
Te faaî ra te hoê tuahine i te mau apoo i reira e patuhia ˈi te nohoraa no te mau rave ohipa.
26 no Me 2016: Vahi paturaa o te Betela
Te hiˈopoahia ra te repo no te ite e mea tano anei te reira no te hamani i te purumu ati aˈe i te vahi paturaa.
31 no Me 2016: Te hohoˈa oti no te paturaa
I te 31 no Me 2016, ua farii te Tino Aratai a te mau Ite no Iehova i teie hohoˈa no te paturaa. Maoti atoa te parau faatia a te feia mana o taua vahi ra, ua nehenehe ïa e haamata i te paturaa.
16 no Tiunu 2016: Vahi paturaa o te Betela
Te tatara ra te rave ohipa i te mau taoˈa ino i roto i te repo. I muri iho, e faaohipa-faahou-hia te repo tamâhia i te tahi atu vahi. E mâmâ ïa te mau haamâuˈaraa.
20 no Tiunu 2016: Vahi paturaa o te Betela
Te faaafarohia ra te vahi i reira e hamanihia ˈi te purumu tomoraa o te paturaa. Ua tamau noa ratou i te rave i te ohipa noa ˈtu te ûa puai hoê avaˈe i te maoro, e noa ˈtu te vari.
18 no Tiurai 2016: Vahi na te feia rave ohipa
Te pîpîhia ra te pape i nia i te purumu ia ore te repo ia puehu. E mau faatureraa tera a te mau taiete no te tauturu ia vai naho noa te vahi paturaa. Ta te tomite o te paturaa e hinaaro atoa e pee ia faaturahia tei faaotihia. E tano atoa ïa te reira i te mau aratairaa Bibilia o te faaitoito nei ia faatura i te mau taeae e tuahine e te feia tapiri.
18 no Tiurai 2016: Vahi na te feia rave ohipa
Te tâpû ra te hoê tuahine i te auri e e faaohipahia te reira no te tapea i te mau taoˈa o te mau faatoˈetoˈeraa mataˈi.
22 no Tiurai 2016: Vahi paturaa o te Betela
Te faataahia ra e piti tausani metera afata faito repo e pehu tei anoihia. Mai te itehia i ropu i teie hohoˈa, e tuuhia te repo i roto i te hoê matini i reira e faataahia ˈi te faito o te repo, e e toe noa mai ïa te repo huˈahuˈa. E tuuhia te reira i roto i teie mau pereoo faauta repo.
22 no Tiurai 2016: Vahi paturaa o te Betela
Te faaohipahia ra e rave rahi repo no te aifaito i te fenua ia au i te mau faatureraa i roto i te ohipa paturaa.
18 no Atete 2016: Vahi paturaa o te Betela
I ropu i te pae aui o te hohoˈa, te faaafarohia ra te fenua ia nehenehe te paturaa o te mau fare e haamata. I te pae aui te faatiahia ra te nohoraa o na 118 taata rave ohipa.
E au atoa outou . . .
OHIPA PATURAA
Beretane: Haaputuraa hohoˈa 3 (Mai Tetepa 2016 e tae atu i Fepuare 2017)
Te tere maite ra te ohipa paturaa o te amaa a te mau Ite no Iehova i Beretane.
OHIPA PATURAA
Beretane: Haaputuraa hohoˈa 1 (Mai Tenuare e tae atu i Atete 2015)
A hiˈo eaha tei ravehia no te paturaa i te Betela no Beretane i pihai iho i te oire no Chelmsford, i Essex.
OHIPA PATURAA
Te parururaa i te mau animara e tumu raau i Chelmsford
Ua haamata te mau Ite no Iehova i Beretane i te paturaa i ta ratou Betela apî i pihai iho i te oire o Chelmsford. Eaha ta ratou e rave ra no te paruru i te mau animara e tumu raau?