Te haapouhia nei e piti tumu raau i te vahi tanuraa tumu raau. Hau i te 1 400 tumu raau apî e tanuhia ra i Warwick.

Te haapao nei te mau rave ohipa no Warwick i te Amuraa maa a te Fatu. E 384 taata tei putuputu i reira no taua oroa ra, o te haamanaˈohia ra i te mau matahiti atoa e te mau Ite no Iehova na te ao atoa.

Te tamau ra te mau tamuta i te mau hiˈo o te vahi fariiraa. Na te feia rave ohipa o te fariiraa e farii mai i te manihini, e haapao i te parururaa, e aratai i te mau pereoo e tae mai aore ra e hoˈi atu.

Te hoê metua e ta ˈna tamaiti e tamau ra i te vauvau tahua i te tomoraa o te piti o te tahua. Ua faaohipahia te vauvau tahua nainai i te vahi taata, mea ohie aˈe hoi no te taui ua ino anaˈe.

Te tapiha ra te mau tamuta ma te faaohipa i te papai o te nehenehe e tatarahia mai, ia ohie te ohipa ia hinaarohia e taui i te faanahoraa o te tapiharaa.

Te faaineine ra te hoê rave ohipa no te hamani e te tapiha i te vahi haumitiraa rahi roa ˈˈe no te feia no rapae, i pihai iho noa mai i te tomoraa

Te faaineine ra te Pǔpǔ no te mau tupuraa ru no te tupohe i te hoê auahi. Na roto i te faaineineraa ia ratou ia arai oioi i teie huru fifi, e roaa i teie feia tupohe auahi i te paruru i te mau rave ohipa e te mau fare i Warwick, a iti atoa mai ai te mau haamâuˈaraa no te mau tupuraa ru.

Te aratai ra te hoê taeae i te feia rave ohipa i to ratou parahiraa i te piha tamaaraa rahi roa ˈˈe na mua te haamoriraa poipoi matamua a haamata ˈi.

Ma te faaohipa i te hoê mauhaa mori pura, te tamau nei te tamuta ma te afaro hoê o na 2 500 tapao no te aratai i te feia no reira e no rapae.

Te tamau nei te hoê tuahine i te tapearaa o te eˈa paumaraa mai te vahi fariiraa taata e tae atu i nia, i te piha rururaa ra. Ua tuuhia te hoê vauvau paruru auahi i raro ia ore te tahua ia ino.

Te faaoti ra te hoê mero o te Tuhaa no te mau papai e aroaro i te tamau i te papai e aratai ra i te faaiteiteraa “Faaroo e ohipa ra,” hoê o na faaiteiteraa e toru. E taa-maitai-hia te tumu parau o te faaiteiteraa tataitahi i nia i te huru paturaa.

Te faaineine ra te feia rave ohipa i te haapaari i te tahua, ia vai maoro te reira, ia ore ia mau te repo i nia iho, e ia ohie no te tamâ i te reira.

Te tamau nei te hoê pǔpǔ tamuta i te tapoi hiˈo o te vahi tomoraa. I te mea ra e hiˈo, e maramarama roa ïa te vahi tomoraa matamua.

Te tapiri nei te hoê tane e ta ˈna vahine i te carreau i te vahi tomoraa o te faaiteiteraa “Te Bibilia e te iˈoa o te Atua.”

Te tamau ra hoê tamuta hoê o na 1 018 parahiraa i te piha rururaa rahi roa ˈˈe. I reira e faaterehia ˈi te haapiiraa a Te Pare Tiairaa e te tahi atu mau faanahoraa a te utuafare o te Betela.

I te vahi tomoraa, te hamani nei te tamuta, te tamau uira e te tahi atu rave ohipa i te tapao mori no te farii i te manihini.

E piti mero o te pǔpǔ Turu i te paturaa te hopoi mai ra i te pape na te feia rave ohipa i te vahi tomoraa. I te mau mahana veavea, e haamanaˈo-noa-hia na te feia patu ia pinepine ratou i te inu i te pape.

Te hamani ra te hoê tamuta i te vairaa no faaiteite i te mau Bibilia faahiahia roa ˈˈe no te faaiteiteraa “Te Bibilia e te iˈoa o te Atua.” E ite-atoa-hia i roto te hoê vairaa menemene e ohu noa o te faaiteite mai i te tahi atu mau Bibilia.

I te vahi tomoraa, ua patahia te hoê mori ninamu i nia i te papai no te tauturu i te hoê tamuta ia hamani i te hohoˈa o Auteralia e te mau motu tapiri i apatoa hitia o te râ o Asia. E itehia te iˈoa Ite no Iehova i roto e 700 reo.

Te faaite-haere-hia ra te utuafare o te Betela i te Betela apî. Ua riro teie faanahoraa ei ravea no te farii popou i te utuafare e te faaara ia ratou no nia i te mau tupuraa atâta i reira.

Te tamau ra teie nau rave ohipa i te auri menemene i nia i te airaa maa e vauvauhia mai ai te mau faanahoraa JW teata no te tamau te mori i nia iho. No ǒ mai te rahiraa o te mau taihaa i Brooklyn.

I te tomoraa, te tama ra te hoê taeae tamau uira i te hoê tapao mori. Mai 1 no Tetepa, e rave rahi tuhaa o te pu rahi tei haamata i ta ratou ohipa i Warwick.