I 2011, ua tauturu te mau Ite no Iehova hau atu i te 5 700 taata ia ite i te taio e te papai.

I na 25 matahiti i mairi, ua haapii matou hau atu e 9 000 taata ia taio e ia papai.

Mai 2002 mai â, ua haamaitai 12 000 taata i ta ratou taioraa e papairaa. Te na ô ra o Agnes, e 82 matahiti: “I te taime a faaarahia ˈi e e faanahohia te hoê piha haapii i te taio e te papai i roto i ta matou amuiraa, ua oaoa vau i te tapao ia ˈu. I te otiraa te haapiiraa matamua, ua ite au i te papai i to ˈu iˈoa.”

Ua papai te hoê piahi e 55 matahiti: “Aita roa ˈtu vau i manaˈo e e haapii au i te taio e te papai no te mea aita to ˈu na metua i afai ia ˈu i te fare haapiiraa.”

Ua hau atu i te 19 000 taata tei haapii i te taio i na 15 matahiti i mairi. Te parau ra Felizarda, te hoê piahi: “Te oaoa nei au no te mea e itehia ia ˈu te mau irava Bibilia e e nehenehe ta ˈu e taio i te reira i te tahi atu. Mea fifi roa no ˈu ia na reira i na mua ˈˈe.”

Ua papai ta matou amaa: “I te matamua ra, aita e rave rahi o tei faaea na i te mau tuhaa fenua moemoe e nehenehe e haere i te fare haapiiraa. Mea iti roa atoa te mau tamahine tei haere i te haapiiraa. No reira, o te mau vahine iho â râ tei fanaˈo i teie mau piha haapiiraa no te ite i te taio e te papai. I te otiraa te haapiiraa, e rave rahi o ratou tei ore i taiâ faahou.”