Ua horoahia te hoê re haamauruururaa i e iva Ite no Iehova no ta ratou i rave no te feia i te fare tapearaa taata ěê rahi roa ˈˈe i Auteralia. Na te fare tapearaa no Curtin, i pihai iho ia Derby (Auteralia Tooa o te râ), i horoa i teie re na te mau Ite no Iehova. a

I te mau hebedoma atoa, te haere nei te mau Ite no Iehova e farerei i teie mau taata no te faaroo i to ratou aamu e no te faaite atoa ˈtu i te poroi mahanahana i te Bibilia o te horoa atoa ra i te tiaturiraa. O Christophe Riddoch te taata haapao i te parau no te faaroo e te taere i roto i teie fare tapearaa. Teie ta ˈna i parau: “Ia haere anaˈe mai te mau Ite no Iehova e farerei i te feia tapeahia, e ite-oioi-hia te tauiraa.” Ua na ô oia e e maitai mai te huru o te feia tapeahia, e mea oaoa atu â ratou no te mea te ite ra ratou e e taata tera e haapao ra ia ratou.

Te na ô faahou ra o ˈna e mea huˈa roa te re i horoahia i te mau Ite no Iehova no te haamauruururaa ia ratou no to ratou haapaoraa “i te feia i tuuhia i raro aˈe i ta matou tiaauraa,” ta ˈna ïa i parau. No ˈna, maoti ia ratou i maitaihia te roo o to ratou mau utuafare, to ratou mau amuiraa, e to ratou faaroo.