Eita, na te taata tataitahi hoi e faaoti e haamori i te Atua. (Roma 14:12) E haapii te mau Ite no Iehova i te mau aratairaa Bibilia i ta ratou tamarii. Tera râ, a paari mai ai, na te tamarii tataitahi e faaoti e riro anei o ˈna ei Ite no Iehova.—Roma 12:2; Galatia 6:5.

 Mai te rahiraa o te mau metua, e hinaaro te mau Ite no Iehova i te mea maitai aˈe no ta ratou tamarii. No ratou, e faufaahia ta ratou tamarii ia haapii atu ratou i te tahi toroa. Oia atoa râ te mau aratairaa no nia i te haerea e te mau tiaturiraa faaroo. Te tiaturi nei te mau Ite no Iehova e o te Bibilia te haapii mai ia pee i te huru oraraa maitai aˈe. Te tutava nei ïa ratou i te tuu i teie mau aratairaa faufaa i roto i te aau o ta ratou tamarii ma te haapii ia ratou te Bibilia e te apiti amui i te mau putuputuraa Kerisetiano. (Deuteronomi 6:6, 7) Na te tamarii tataitahi ïa a paari mai ai e faaoti e riro anei o ˈna ei Ite no Iehova.

•  E bapetizo anei te mau Ite no Iehova i te mau tamarii rii?

•  E faaea anei te mau Ite no Iehova i te amui i ta ratou tamarii ia ore ratou e maiti e bapetizo?

•  No te aha te mau Ite no Iehova e afai ai i ta ratou tamarii ia ratou ra no te poro?

•  E faatupu anei te mau Ite no Iehova i te mau oroa?

•  Eaha te manaˈo o te mau tamarii tei paari e to ratou metua Ite no Iehova?

 Eita. Aita te Bibilia e faahiti ra te bapetizoraahia te hoê tamarii rii. Te faaite nei râ te Bibilia e hou a bapetizohia ˈi, ua faaroo te mau Kerisetiano matamua i te poroi, ua “farii ma te oaoa” i te reira e ua tatarahapa. (Ohipa 2:14, 22, 38, 41) Te auraa ïa e no te bapetizo, e titauhia ia raea i te hoê taata i te hoê faito matahiti e taa maitai ai ia ˈna i ta te Bibilia e haapii ra, e tiaturi i te reira e e faaoti i te pee i teie mau haapiiraa i roto i to ˈna oraraa. Eita te hoê tamarii rii e nehenehe e na reira.

 A paari mai ai, e maiti paha te mau tamarii i te bapetizo ia ratou. Teie râ, no te na reira, e titauhia ia taa maitai ia ratou eaha te auraa.

 Eita. E oto te mau metua Ite no Iehova ia ore ta ratou tamarii e na reira. Noa ˈtu râ, e here noa â ratou i ta ratou tamarii e eita e tâpû i to ratou taairaa no te mea noa aita ratou i hinaaro e riro ei Ite no Iehova.

 Ua rau te tumu e rave ai matou i ta matou tamarii a haere ai e poro. a

•   Te faaue ra te Bibilia i te mau metua ia haapii i ta ratou tamarii o vai te Atua e e nafea ia haamori ia ˈna. (Ephesia 6:4) I roto i te haamoriraa i te Atua, te vai atoa ra te faaiteraa i to tatou faaroo i te taata. E riro ïa te pororaa ei tuhaa faufaa roa i roto i te haapiiraa i te tamarii no nia i te Atua.—Roma 10:9, 10; Hebera 13:15.

•   Ma te taa maitai, te faaitoito ra te Bibilia i te feia apî ia “haamaitai i te iˈoa o Iehova.” (Salamo 148:12, 13) Te tahi ravea faufaa roa no te haamaitai i te Atua, o te paraparauraa ïa no nia ia ˈna i te taata. b

•   E faufaahia te mau tamarii a poro ai e to ratou metua. Ei hiˈoraa, e haapii ratou i te paraparau i te mau huru taata atoa. E haapii ratou i te mau huru maitatai faufaa mau mai te aumihi, te mǎrû, te faatura e te miimii ore. E e taa maitai atu â ia ratou te mau tumu Bibilia o to ratou faaroo.

 Eita te mau Ite no Iehova e apiti i te mau oroa ta te Atua e ore e farii. c (Korinetia 2, 6:14-17; Ephesia 5:10) Ei hiˈoraa, eita matou e faatupu i te mau oroa fanauraa aore ra oroa Noela, e ere hoi no roto mai i te Bibilia.

 Noa ˈtu râ, te oaoa nei matou i te faataa i te taime no te amui e to matou utuafare e i te horoa i te ô no ta matou mau tamarii. Eita matou e pee i te hoê tarena no te amui e no te horoa i te ô i te mau taime taa maitai o te matahiti. E na reira râ matou i te roaraa o te matahiti.