E oroa haihai e te tura noa te mau faaipoiporaa a te mau Ite no Iehova i reira e faaroo-atoa-hia ˈi te hoê oreroraa parau poto niuhia i nia i te Bibilia. I muri iho, e putuputu ratou peneiaˈe no te tamaa. a Ua haere Iesu i tera huru oroa i te oire o Kana i te omuaraa o ta ˈna taviniraa.—Ioane 2:1-11.

•  Mai te aha te huru te oroa faaipoiporaa a te mau Ite no Iehova?

•  Ihea e faatupuhia ˈi te faaipoiporaa a te mau Ite no Iehova?

•  O vai te nehenehe e haere atu?

•  Eaha te ahu e oomo?

•  E nehenehe anei e horoa i te ô?

•  E afaihia anei te hapaina i nia a paraparau atu ai?

•  E tauehia anei te raiti i nia i na hoa faaipoipo?

•  E tamaa e e inu anei ratou i tera oroa?

•  E faataˈihia anei te upaupa? E oriraa anei?

•  E faatupu anei te mau Ite no Iehova i te oroa matahiti o to ratou faaipoiporaa?

 Te tuhaa faufaa, o te oreroraa parau faaipoiporaa ïa vauvauhia e te hoê Ite no Iehova e 30 minuti i te maoro. E oreroraa parau mahanahana e te faaitoito o te haapapu e nafea te Bibilia e tauturu ai i na hoa faaipoipo ia fanaˈo i te hoê faaipoiporaa oaoa, î i te here e o te mau papu.—Ephesia 5:33.

 I te fenua e rave rahi, e faatia te faatereraa i te mau Ite no Iehova ia haamana i te mau faaipoiporaa i te pae o te ture. I roto i tera tupuraa, i te pae hopea o te oreroraa parau, e euhe na hoa faaipoipo i te tahi e te tahi. E nehenehe atoa raua e horoa i to te tahi e te tahi tapea rima. I reira te Ite no Iehova o tei faatiahia ia faaipoipo ia raua e nehenehe ai e parau e tane e e vahine faaipoipo raua.

 I te tahi mau fenua, e titau te ture ia faaipoipo na taata i te hoê piha ohipa a te hau. E na reira raua na mua noa ˈˈe i te oreroraa parau faaipoiporaa. Ia ore na hoa faaipoipo e euhe i mua i te tia a te hau, e nehenehe raua e na reira i te pae hopea o te oreroraa parau. Ia euhe raua i mua i te tia a te hau, e nehenehe raua e na reira faahou i te pae hopea o te oreroraa parau ma te paraparau i te tau ahemo i te mea hoi e ua euhe aˈena raua. E faaoti te oreroraa parau e te hoê pure no te ani i te Atua ia haamaitai i na hoa faaipoipo apî.

 Mea rahi te Ite no Iehova te maiti i te faatupu i to ratou oroa faaipoiporaa i te hoê Piha a te Basileia ia nehenehe. b E e maiti ratou i te tahi atu vahi no te tamaaraa, mai te peu e tamaaraa.

 Ia faatupuhia te faaipoiporaa i te hoê Piha a te Basileia, e pinepine o te taata atoa te nehenehe e haere atu, oia hoi te Ite no Iehova tae noa ˈtu te taata e ere i te Ite no Iehova. No te tamaaraa, na na hoa faaipoipo e maiti o vai ta raua e titau manihini.

 Aita e faatureraa i te pae o te ahu ia tupu te faaipoiporaa i te Piha a te Basileia. Te tutava nei râ te mau Ite no Iehova i te pee i te aratairaa Bibilia no te oomo i te ahu tano e te tura. E oaoa ratou ia na reira atoa te tahi atu. (Timoteo 1, 2:9) E ia maiti na hoa faaipoipo i te faatupu i te hoê tamaaraa? Hoê â aratairaa no te ahu e oomo i te tamaaraa.

 Te faaitoito nei te Bibilia ia faaite i te aau horoa noa. (Salamo 37:21) Te oaoa nei te mau Ite no Iehova i te horoa e i te fanaˈo i te ô no te oroa faaipoiporaa. (Luka 6:38) Eita râ te mau Ite no Iehova e ani i te mau ô aore ra e faaite i mua i te taatoaraa na vai i horoa i tera e tera ô. (Mataio 6:3, 4; Korinetia 2, 9:7; Petero 1, 3:8) Te patoi ra ïa te reira i ta te Bibilia e parau ra e e huru ê atoa te taata.

 Eita. Eita te mau Ite no Iehova e afai i te hapaina i nia a paraparau atu ai no te mea no roto mai te reira i te mau peu a te haapaoraa hape. c E faaite te mau Ite no Iehova e hinaaro ratou ia oaoa na hoa faaipoipo apî ma te tahi atu ravea.

 Eita. I te tahi mau vahi, e taue te taata i te raiti aore ra te tahi atu mea i nia i na hoa faaipoipo apî. I to ratou manaˈo, maoti te reira e oaoa ˈi na hoa faaipoipo e e mau papu ai to raua faaipoiporaa. Eita râ te mau Ite no Iehova e rave i te mau peu niuhia i nia i te peu tahutahu. Eita ratou e parau atu “Bonne chance” no te mea te patoi ra te reira i ta te Bibilia e parau ra.—Isaia 65:11.

 Aita e tamaaraa e e inuraa i te oroa faaipoiporaa tei te Piha a te Basileia anaˈe te reira. E maiti vetahi mau hoa faaipoipo i te faatupu i te hoê tamaaraa i muri iho. (Koheleta 9:7) Ia faaoti na hoa faaipoipo i te rave atoa mai i te ava, e haapao maitai raua e mea tanotano noa te reira e e horoahia i te feia noa ua tia to ratou matahiti.—Luka 21:34; Roma 13:1, 13.

 Ia faatupu na hoa faaipoipo i te hoê tamaaraa, e maiti paha raua i te faanaho i te upaupa e te ori. (Koheleta 3:4) E maiti raua i te upaupa ta raua e au e te auhia i roto i to raua taˈere. Tera râ, e maiti iho â raua i te upaupa maitai o te ore e faahuru ê. Ia faatupuhia te oroa faaipoiporaa i te Piha a te Basileia, e pinepine e faaroohia te upaupa ua niuhia te manaˈo tumu i nia i te Bibilia.

 I te mea aita e ture aveia Bibilia te farii aore ra te opani ia faatupu i te oroa matahiti o te faaipoiporaa, na te mau hoa faaipoipo Ite no Iehova tataitahi e faaoti. Ia na reira ratou, e faatupu ratou i tera oroa matahiti e to ratou hoa faaipoipo noa aore ra e to ratou mau hoa e utuafare.