I roto i te Bibilia, ua faaohipahia te taˈo Heleni tei hurihia i te tahi taime ei “ekalesia” no te faahiti i te hoê pǔpǔ taata haamori, eiaha râ no te faahiti i te vahi haamoriraa.

 A tapaˈo na i teie hiˈoraa: I to te aposetolo Paulo papairaa i te mau Kerisetiano i Roma, ua aroha ˈtu oia i na hoa faaipoipo o Akuila raua Perisila ma te parau e: “E aroha atoa ˈtu i te ekalesia i roto i to raua ra fare.” (Roma 16:5, Te Bibilia Moˈa ra.) Aita Paulo i aroha ˈtu i te hoê paturaa. Ua faatae râ oia i to ˈna aroha i te hoê pǔpǔ taata, oia hoi te amuiraa tei putuputu mai i roto i tera fare. a

 No reira, te faaohipa nei matou i te parau “Piha a te Basileia” no te faahiti i ta matou vahi haamoriraa. Eita matou e faaohipa i te parau ekalesia.

 Teie te tahi mau tumu e faaohipahia ˈi teie parau:

•   E piha te reira aore ra e vahi putuputuraa.

•   E putuputu matou no te haamori ia Iehova, te Atua o te Bibilia, e no te horoa i te faaiteraa no nia ia ˈna.—Salamo 83:18; Isaia 43:12.

•   E putuputu atoa matou no te haapii no nia i te Basileia o te Atua o ta Iesu i faahiti pinepine.—Mataio 6:9, 10; 24:14; Luka 4:43.

 Te titau-manihini-hia ˈtu nei oe ia haere atu i te hoê Piha a te Basileia i pihai iho i ǒ oe a hiˈo roa ˈtu ai e nafea te mau Ite no Iehova e faatere ai i ta ratou mau putuputuraa.