I te mau matahiti i mairi aˈenei, ua faaruru te mau taeae e tuahine i te maraaraa te mau pǔpǔ taata ohipa ino e te faahuehueraa. I Port-au-Prince te oire pu i Haïti, mai te 2 no Mati 2024, ua rahi roa te haavîraa uˈana i te taime a aro ai te hoê pǔpǔ taata e pupuhi ta ratou i tera vahi. Ua haamau te faatereraa i te hoê faatureraa ia opanihia te taata ia haere i rapaeau i muri aˈe i te hoê hora taotiahia. Ia au te parau apî, ua taiohia 15 000 taata tei faarue i to ratou fare no te haere i te tahi atu fenua e e rave rahi tei haapohehia.

• Aita hoê noa ˈˈe taeae e tuahine i pepe aore ra i pohe

• Ua faarue 113 taeae e tuahine i to ratou fare

• E 2 fare tei parari roa

• E 5 utuafare tei ere i ta ratou mau faufaa atoa no te mea ua eiâhia ratou

• Aita hoê noa ˈˈe Piha a te Basileia i ino aore ra i parari

• E 4 Tomite tauturu i tei ati tei tiaau no te tauturu i te mau tuhaa fenua o te amaa

• Ua tauturu te mau tiaau haaati e te mau matahiapo i te mau taeae e tuahine, i te pae varua e i te pae tino, tei faaruru i tera mau tupuraa e o tei faarue i to ratou fare no te haavîraa uˈana

Ei fetii taeae na te ao, te pure amui nei matou ia Iehova no te horoa i te mau taeae e tuahine no Haïti i te paari e te hau o te feruriraa i te roaraa o tera mau taime ahoaho. No reira, mai ia ratou te tiai ru nei tatou ia tupu ta Iehova i fafau no te ao apî i reira “e rahi roa te hau.”—Salamo 72:7.