Mai tei faaara-aˈena-hia, i te 9 no Mati 2023, i Hambourg, i Heremani, ua tomo te hoê taata i roto i te Piha a te Basileia no Hambourg-Winterhude. A hope ai te putuputuraa hebedoma, ua pupuhi o ˈna i te feia tei apiti mai. Ua pohe e ua pepe e rave rahi o to tatou mau taeae, ua faaea te reira i muri aˈe i to te mau mutoi taeraa ˈtu i te Piha a te Basileia. Haapohe atura te taata rave ino ia ˈna. A ite ai i teie tupuraa peapea mau, ua putapû roa te mau Ite no Iehova i Heremani e ati aˈe te ao nei i te hamani maitai, te here e te aumihi o te mau mutoi, te mau faanahonahoraa e te taata ati aˈe te ao nei.

• Te parau peapea, ua pohe e 4 taeae, e 2 tuahine e te pêpe i roto i te opu o te hoê tuahine tei pepe maitai

• E 2 taeae e e 7 tuahine tei pepe maitai

• Ua tae roa ˈtu te tahi mau tia o te amaa no Europa no ropu, e piti tiaau haaati e te mau matahiapo no Heremani no te tamahanahana e no te tauturu atu

Ei fetii taeae tahoêhia, te pure nei tatou no tei faaruru i tera ati peapea mau. “E haapuraa [Iehova] i te mahana ati” e e tauturu mai o ˈna ia faaoromai i taua mau taime fifi a tamau noa ˈi tatou i te tavini ia ˈna ma te hau.—Nahuma 1:7.