Mai 7 no Atopa 2023, te tupu ra te hoê haavîraa uˈana e te hoê tamaˈi ino mau i Iseraela e i Gaza. Ua titauhia ia hanere tausani taata ia faarue i to ratou fare. Te faaite ra te mau vea e ua pohe 4 200 tiahapa taata.

• Aita hoê aˈe taeae e tuahine tei pohe e tei pêpê

• Ua faarue 93 taata poro i to ratou fare

• Ua ino rii e 3 fare

• Aita hoê aˈe Piha a te Basileia tei inohia

• Te horoa ra te mau tiaau haaati e te mau matahiapo i te tamahanahanaraa a te Bibilia e te tauturu papu i te feia tei roohia i te ati

• Ua haamauhia hoê Tomite tauturu no te ati natura no te faanaho i te ohipa tauturu i tera mau vahi

Te tutava ra te mau taeae tei roohia i te ati i taua vahi ra i te tavini noa ia Iehova ma te rave i te mau putuputuraa na roto i te ravea roro uira. Ua tapao te hoê tiaau haaati: “E ere i te mea ohie ia ite eaha te tupu ananahi. Mea faaitoito mau râ ia ite i te faaroo puai e te here miimii ore o ta to tatou mau taeae e tuahine e faaite ra te tahi i te tahi.”

Te tiai ru nei matou ia tupu te parau fafau Bibilia e fatata roa “te mau tamaˈi ati aˈe i te fenua” i te faaore-roa-hia.—Salamo 46:9.