I te 9 no Atopa 2024, ua tairi te mataˈi rorofai Milton ia Floride, i Marite, ua raea to ˈna puai i te faito 3 e ua ino e rave rahi vahi. E piti hebedoma i muri aˈe i te mataˈi rorofai Helene, ua tairi te mataˈi rorofai Milton i te hoê â vahi, e ua ite-atoa-hia te pape pue. E 289 kilometera i te hora te puai o te mataˈi Milton. Mea ûa roa na te pae miti, ua maraa te pape ûa i nia e 45 tenetimetera e e 3 metera te teitei o te mau vavea o te faatupu i te pape pue.

Hau atu â, ua faatupu te mataˈi rorofai Milton 38 puahiohio tei tuino e tairi i te pae apatoa e ropu no Floride. Fatata 80 000 taata aita ta ratou e uira e 24 taata tei pohe.

• Aita hoê aˈe o to tatou mau taeae e tuahine i pohe

• E 2 taata poro tei pepe maitai

• E 4 taata poro tei pepe rii

• E 9 949 taata poro ua faarue i to ratou nohoraa

• Ua parari 16 fare

• E 235 fare tei ino maitai

• Ua ino rii 1 398 fare

• Ua ino rii 1 Piha a te Basileia

• E 30 Piha a te Basileia aita e uira e aita e nehenehe e faaohipa

• E piti mahana hou te mataˈi rorofai Milton a tupu ai, ua hapono te amaa no Marite i te hoê rata i roto hau atu 800 amuiraa e tupu ai tera mataˈi e te mau haamaramaramaraa no te feia o te maiti i te faarue i to ratou nohoraa

• E horoa te mau tiaau haaati e te mau matahiapo o tera mau vahi i te maa pae varua e te tauturu no to tatou mau taeae e tuahine tei faaruru i te mataˈi rorofai Helene e Milton

• Ua haamauhia e 3 Tomite tauturu i tei ati no te tiaau i te ohipa tauturu no na mataˈi rorofai e piti

• Ua tauturu hanere Ite no Iehova no Géorgie e Caroline apatoa, i Marite, i to ratou mau taeae e tuahine tei faarue i to ratou nohoraa

Ei fetii taeae na te ao nei, te pure nei matou ia tamau Iehova i te horoa i te ‘haapuraa e te paruru’ i tei roohia i teie mataˈi puai mau.—Isaia 4:6.