I 7 tae atu 9 no Tiunu 2024, e tupu te tairururaa taa ê “A faaite i te parau apî oaoa!” i te Vélodrome Amédée Détraux i Baie-Mahault i Guadeloupe. Mai Tiunu tae atu Atopa 2024, e tupu 15 tairururaa taa ê na te ao nei. a A tahi ra te reira e tupu faahou ai inaha no te maˈi pee COVID-19, ua faaorehia te mau tairururaa taa ê i 2020.

E titau-manihini-hia te mau taeae e tuahine no e rave rau nunaa i tera mau tairururaa taa ê. E tupu te rahiraa o tera mau tairururaa na roto e rave rau reo. Ei hiˈoraa, i Guadeloupe, e horoahia te mau oreroraa parau i te hoê â taime na roto i te reo Beretane, Farani, Créole no Guadeloupe e Paniora. E au ra e e tairururaa nunaa rau te reira.

E rave rahi ohipa te titauhia ia rave no te farii maitai i te mau manihini nunaa rau. Ei hiˈoraa, i Guadeloupe, e tiaihia 1 500 taeae e tuahine no 11 fenua ê. I nia i te 8 546 taeae e tuahine i ô, te taiohia ra hau atu 4 000 rima tauturu o te faanaho ra i te mau ohipa no te farii maitai ia ratou. Te parau ra te hoê tuahine, e apiti ra i te mau faaineineraa na muri i ta ˈna tane: “Tera te matahiti maitai roa ˈˈe o to ˈu oraraa! Ua oaoa roa vau i te rave i te taime no te ohipa e to ˈu mau taeae e tuahine. Eita roa ˈtu te reira e moˈe ia ˈu. Ua tauturu mai te reira ia taa eaha te huru oraraa i roto i te ao apî. Auê i te mea faahiahia ia riro ei mero o te faanahonahoraa a Iehova!”

Te tiai ru nei matou ia apiti i te mau tairururaa taa ê “A faaite i te parau apî oaoa!” i 2024, na muri i to matou mau taeae e tuahine na te ao nei. E tauturu mai te reira ia hoê atu â te nunaa o te Atua e e faahanahana i to tatou Metua i te raˈi o Iehova.—Philipi 1:27.