I te 4 no Mati 2024, ua haapapu te tiripuna no Oslo i te faaotiraa a te hau faatere no Norevetia ia faaorehia te haamanaraa a te mau Ite no Iehova i Norevetia. No reira e horo faahou ïa te mau Ite no Iehova teie faaotiraa.

I te hopea matahiti 2022, ua faaore te tavana no Oslo e Viken i ta tatou haamanaraa. Tera râ, i te 30 no Titema 2022 ua tapea te tiripuna no Oslo i teie faaotiraa no te hoê taime ia ravehia te tahi mau titorotororaa. Aita te hau faatere i Norevetia e taui i ta ratou faaotiraa ia ore anaˈe te mau Ite no Iehova e taui i ta ratou huru raveraa ia tiavaruhia te hoê mero o te ore e tatarahapa i roto i te amuiraa.

Mai te peu e faaorehia te haamanaraa a te mau Ite no Iehova aita faahou ïa tatou e fanaˈo i te tauturu i te pae moni ta te hau faatere e horoa i na 700 haapaoraa tei haamanahia i tera fenua. Aita atoa te hoê tia a te mau Ite no Iehova e nehenehe e faatupu faahou i te mau oroa faaipoiporaa.

Ma te tiai i te faaotiraa a te tiripuna e tamau noa tatou i te pure “no te mau arii e no te feia tiaraa teitei atoa, ia nehenehe tatou ia ora hau noa e te haafifi-ore-hia i te haamoriraa i te Atua anaˈe.”—Timoteo 1, 2:1, 2.