I te 29 no Atete 2024, ua tapae te mataˈi rorofai Shanshan i te tuhaa fenua o Kagoshima, i Tapone. Mea puai te mataˈi, fatata 160 kilometera i te hora. I te mau vahi o Kanto, Kyushu e o Tokai, ua tapaohia hau atu i te 40 tenetimetera te ûa tei topa i roto noa 48 hora. I muri aˈe i teie ûa rahi, ua itehia te heeraa fenua e te pape pue o tei faaino i te mau purumu e te mau paturaa. Hau atu i te 120 taata tei pepe e e 8 tei pohe.

• Aita to tatou mau taeae e tuahine i pohe

• Ua pepe 3 taata poro

• Ua ino rii 245 nohoraa

• Ua ino rii 8 Piha a te Basileia

• Ua tauihia te taio mahana o e rave rahi mau tairururaa e toru mahana i te mau vahi roohia i te mataˈi rorofai

• Te horoa ra te mau tiaau haaati e te mau matahiapo i te tamahanahanaraa a te Bibilia e te tauturu papu i te feia tei roohia i te ati i tera mau vahi

Mea peapea mau ia roohia anaˈe i te mau ati natura. Tera râ, e nehenehe tatou e fanaˈo i te puai e te tauturu no te mea o te Atua ra o Iehova to tatou “tauturu e tei tamahanahana ia [tatou].”—Salamo 86:17.