12 NO TETEPA 2023
TIRENI
Pape pue rahi i te pae apatoa o Tireni
Mai te 19 tae roa i te 23 no Atete 2023, ua tairihia te pae apatoa o Tireni i te vero e te pape pue rahi. Te mea peapea, mea rahi o to tatou mau taeae e tuahine, tei faaruru na hoi i te pape pue i Tiunu 2023, tei û faahou i taua ati ra. Ia au i te tahi mau faataaraa, ua ahuru matahiti i teie nei te tupuraa teie ati ûa. E tupu te ûa e te pape pue rahi mau ia anoi te âhu o te pape na te moana Patitifa e te tahi tupuraa âhureva piihia El Niño. Piri i te 25 000 fare tei tomohia i te pape aore ra tei parari, e toru taata tei pohe.
No nia i to tatou mau taeae e tuahine
Aita hoê aˈe o to tatou mau taeae e tuahine tei pohe aore ra tei pepe
225 taata poro tei faarue i to ratou nohoraa
13 fare tei ino roa
38 fare aita i ino roa
3 Piha a te Basileia e te nohoraa o te hoê taeae i reira e tupu ai te mau putuputuraa aita i ino roa
Tauturu fanaˈohia
E tauturu te mau tiaau haaati e te mau matahiapo i tei û i te ati e e faaitoito ia ratou maoti te Bibilia
2 Tomite tauturu tei haamauhia no te faanaho i te tauturu
Te pure nei matou no to matou mau taeae e tuahine tei roohia i te ati pape pue i Tireni e te tiai ru nei matou i te tau e faaore ai te Faatereraa arii a te Atua i te mau ati natura.—Isaia 32:18.