Ia au i te Bibilia, ua ora te arii no Iseraela o Davida i te senekele 11 hou te tau o Iesu e ua faatere to ˈna huaai hau atu 100 matahiti te maoro. Ua parauhia râ e aai noa Davida ta te taata i faatia i muri aˈe roa. Ua ora mau anei Davida?

 I 1993, ua itehia mai e te ihipǎpǎ Avraham Biran e to ˈna mau taata te hoê ofai iti i Tel Dan, i Iseraela apatoerau. I nia iho, ua papaihia “utuafare o Davida” na roto i te papai tahito no te senekele iva hou te tau o Iesu. E tuhaa paha teie ofai iti o te hoê patu haamanaˈoraa hamanihia e te ati Arama no te faatietie ia ratou no ta ratou mau upootiaraa i nia ia Iseraela.

 Te na ô ra te Bible History Daily: “Te faahapa ra vetahi i teie papai ‘utuafare o Davida’ . . . Tera râ, te farii nei te rahiraa o te feia tuatapapa Bibilia e te ihipǎpǎ i te haapapuraa a te ofai no Tel Dan e ua ora mau â te arii Davida ta te Bibilia e faahiti ra. Ua piahia teie parau apî tei itehia mai i roto i te vea Biblical Archaeology Review.”