Mea fifi no e rave rahi taata na te ao ia noaa mai te moni no te ora e te tamau ra te reira i te uˈana.

•   Ia au i te hoê titorotororaa na te ao a ua iti mai te moni avaˈe a te taata. Te faaara ra te titorotororaa e ia ore te reira e haapaohia, e “rahi atu â te taa-ê-raa i rotopu i te feia moni e te feia aita i rahi ta ratou moni” e e iti mai “te huru oraraa o te feia rave ohipa e to ratou utuafare.”

 E haere anei i te mau faatereraa ia faaafaro i te fifi o te faanavairaa faufaa aore ra ia haamaitai atu â i te reira?

 Te faataa ra te Bibilia te vai ra te hoê faatereraa o te nehenehe e o te faaafaro i te fifi o te faanavairaa faufaa mai te taa-ê-raa i rotopu i te feia moni e te feia aita i rahi ta ratou moni. Te na ôhia ra: “E haamau te Atua o te raˈi i te hoê faatereraa arii,” te hoê faatereraa o te aratai i te mau ohipa atoa o te fenua. (Daniela 2:44) I raro aˈe i teie faatereraa, aita hoê e haamoˈehia aore ra e vaiihohia i te hiti. (Salamo 9:18) E fanaˈo te taata atoa o te ora i raro aˈe i te Faatereraa arii a te Atua i te mau mea hinaarohia e ratou no te oaoa. E fanaˈo te taatoaraa i te haamaitairaa no ta ratou ohipa.—Isaia 65:21, 22.