I te 9 no Atopa 2024, ua pia te hoê faanahonahoraa o te paruru i te natura i te tahi parau peapea no nia i te faahopearaa o te ohipa a te taata i nia i te animara. Oia hoi “i te roaraa o na 50 matahiti i mairi (1970-2020), ua topa roa mai te rahiraa animara i nia i te faito e 73 i nia i te hanere.” Ua faaarahia: “Na te mau mea e tupu i na pae matahiti i muri mai e faaite mai eaha te huru o te oraraa i te fenua nei. E ere teie i te parau faarahi.”

 Mea rahi tei huru ê roa i teie parau peapea. Mea poihere hoi na tatou i to tatou fenua nehenehe. Eita atoa tatou e au ia mauiui te mau animara. Mai tera iho â, no te mea ua hamani te Atua ia tatou no te aupuru i te mau animara.—Genese 1:27, 28; Maseli 12:10.

 E na ô paha ïa oe, ‘E haere anei ia tatou ia paruru i te mau animara? Eaha ta te Bibilia e parau ra?’

 Pau ta tatou rohiraa i te paruru i te animara, eita iho â e haere. O te Atua anaˈe te nehenehe. Ia au i te Apokalupo 11:18, te faaite ra te Bibilia e “haamou [te Atua] i te feia e tuino ra i te fenua.” E piti haapiiraa ta teie irava e horoa mai ra:

1.  1. Eita te Atua e vaiiho noa i te taata ia tuino aore ra ia haamou i te fenua.

2.  2. Fatata te Atua i te rave i te tahi ohipa. Na te aha e haapapu mai ra? I teie mahana, ua rahi roa ˈtu â te ravea a te taata no te faaore i te mau animara.

 E nafea te Atua e faaafaro ai i teie fifi? Maoti ïa ta ˈna faatereraa arii i te raˈi e faatere ai oia i te fenua taatoa. (Mataio 6:10) Na taua faatereraa ra e haapii i te feia auraro e nafea ia aupuru e ia paruru i te mau animara i te fenua.—Isaia 11:9.