I teie mahana, ua hau atu 70 mirioni taata tariˈa turi na te ao nei e te apǎ ra ratou ma te faaohipa hoê o na 200 reo apǎraa rima. Te mea peapea râ, pinepine te feia tariˈa turi i te tâuˈa-ore-hia e vetahi ê, mai ta te mau faatiaraa i muri mai e faaite ra:

•   “Na te ao nei, pinepine aita te mau tiaraa a te feia tariˈa turi e te feia tei ore e faaroo maitai ra i tâuˈahia.”—Taatiraa no te feia tariˈa turi no Marite.

•   “I te mau fenua ravai ore, o te feia tariˈa turi te feia veve roa, mea fifi no ratou ia fanaˈo i te haapiiraa, te ohipa e te mau haamaramaramaraa.”—Faanahoraa no te feia tariˈa turi na te ao nei.

 Eaha te huru o te Atua i te feia tariˈa turi? Eaha ta te Bibilia e parau ra no te feia tariˈa turi? E e nafea te mau Ite no Iehova e tauturu ai ia ratou i teie mahana?

Te manaˈo o te Atua i te feia tariˈa turi

 Te faaite ra te Bibilia e te tâuˈa mau ra te Atua ra o Iehova a i te feia tariˈa turi. Te hinaaro ra o ˈna ia haapaohia ratou e ia fanaˈo ratou i te haapiiraa ta ˈna e horoa ra.

 Irava: “Eiaha oe e faaino i te hoê taata tariˈa turi.”—Levitiko 19:14.

 Irava: “E ore te Atua e maitiiti i te taata.”—Ohipa 10:34.

 Irava: ‘Haere atura Iesu e poro i te parau apî oaoa o te Faatereraa arii.’—Mataio 9:35.

 Irava: ‘Ia Iesu hoi i faaroo ai te tariˈa turi e i paraparau ai te vava.’—Mareko 7:37.

 Irava: “E faaroo te tariˈa o te tariˈa turi.”—Isaia 35:5.

 Te auraa: Ua tohu Iehova e e faaroo te feia tariˈa turi.—Isaia 29:18.

E nafea te mau Ite no Iehova e tauturu ai i te feia tariˈa turi i teie mahana?

 Te poro ra te mau Ite no Iehova i te hoê poroi tamahanahana i te feia tariˈa turi na te ao nei. Eaha ta matou e rave ra? E faaineine matou i te mau video no te Bibilia e no te Bibilia haapiiraa na roto hau atu 100 reo apǎraa rima. E pûpû atoa matou i te haapiiraa Bibilia e e faanaho atoa i te mau putuputuraa Kerisetiano na roto i te reo apǎraa rima. E rave matou i te reira ma te tamoni ore no te feia o te hinaaro i te tauturu a te Atua. No te aha? No te mea ua faaue Iesu: “Mea horoa-noa-hia mai ta outou, a horoa noa atoa ïa.”—Mataio 10:8.

 E nehenehe oe e fanaˈo i teie mau ravea i nia i te reni natirara aore ra ma te rave mai i nia i ta oe matini, mai te:

 JW.ORG. A pata i te hohoˈa no te reo i te api matamua o te reni natirara, no te ite i te hoê reo apǎraa rima.

 JW Library Sign Language. A tuu i te reira ma te tamoni ore i nia i ta oe matini e e nehenehe oe e rave mai aore ra e mataitai i te mau video reo apǎraa rima.

Eaha te mau ravea ta matou e horoa ra no te haapii i te Bibilia?

 Te Bibilia na roto i te reo apǎraa rima. Te Bibilia, Huriraa o te ao apî taatoa reo apǎraa rima Marite, o te Bibilia reo apǎraa rima matamua ïa i te ao nei. Te vai ra Te Bibilia, Huriraa o te ao apî taatoa aore ra te tahi noa tuhaa na roto e rave rahi reo apǎraa rima. E matara mai te tahi atu mau reo i te mau matahiti atoa. (No te ite i te tapura o te mau reo aore ra no te mataitai i te Bibilia i nia i te reni natirara, a hiˈo i “ Te Bibilia, Huriraa o te ao apî reo apǎraa rima.”)

•   A hiˈo i te video La Traduction du monde nouveau en entier est maintenant disponible en langue des signes américaine no te haapii no nia i te ohipa i ravehia no te faaineine i te Bibilia reo apǎraa rima.

•   No te haamaitai i te taioraa o te Bibilia, a tuu i te JW Library Sign Language. E nehenehe oe e maiti i te mau irava taa maitai na roto i te hoê reo apǎraa rima.

•   E metua tariˈa turi o Dmytro e o Vita, eiaha râ ta raua mau tamarii. A hiˈo e nafea teie utuafare e faufaahia ˈi ma te mataitai i te Bibilia i te mau mahana atoa na roto i te reo apǎraa rima.

 Te mau video o te haapii ra i te Bibilia. Ua faaineine te mau Ite no Iehova i te mau video reo apǎraa rima no te tauturu i te mau taata ia taa e ia faaohipa i te mau aˈoraa Bibilia no te . . .

•   Feia faaipoipo e utuafare

•   Taurearea e tei paari aˈe

•   Tamarii

 Te hoê aparauraa Bibilia. A haapii i te poroi o te Bibilia na roto i te reo apǎraa rima mai ta oe e hinaaro e te hoê taata haapii. A ani i te hoê faataaraa o teie haapiiraa Bibilia tamoni ore.

 Te ora ra Jeson Senajonon i Philipino. A hiˈo mea nafea te haapiiraa Bibilia i te tautururaa ia ˈna ia faatupu i te hoê auhoaraa e te Atua.

 E orometua a te ekalesia o Mario Antúnez i Honduras. A hiˈo mea nafea o ˈna i te iteraa i te mau pahonoraa o ta ˈna mau uiraa no nia i te Bibilia o ta ˈna i faataa i roto i to ˈna aamu “E rahi aˈe ta ˈu mau uiraa i te pahonoraa.”

 Putuputuraa e tairururaa. Na te ao nei, te vai ra te mau amuiraa e pǔpǔ reo apǎraa rima, i reira te feia tariˈa turi e putuputu ai no te haapii e no te haamori i te mau hebedoma atoa. E faanaho atoa matou i te mau tairururaa no te haapii i te Bibilia na roto i te reo apǎraa rima i te mau matahiti atoa. I ta matou mau putuputuraa e tairururaa, no te feia matapo e tariˈa turi na te tahi atu e rave i to ratou rima no te apǎ i te reo. E horoa atoa matou i te mau papai braille tamoni ore.

•   A imi i te hoê amuiraa i pihai iho i ǒ oe.

•   A haapii no nia i ta matou mau tairururaa haaati e tairururaa e toru mahana.

•   A haere i te Oroa haamanaˈoraa o te pohe o Iesu, te oroa faufaa roa i te matahiti.

 Te ora ra José Luis Ayala i Mehiko. Ua fanauhia oia ei taata tariˈa turi e i muri iho ua matapohia. A haapii mea nafea o ˈna i te riroraa ei taata haapii Bibilia aravihi.